June 2023

Garoowe, June 14, 2023: Guddiga Shuruucda & Caddaaladda ayaa maanta warbixin ka dhageystay Maxkamada Ciidamada qalabka sida iyo Denbiyada Culus ee Dawladda Puntland. Kulan ka qabsoomay xafiiska Maxkamadda ayuu Guddoomiyaha Maxkamaddu sharaxaad Guddiga ka siiyey hanaanka shaqadu u socoto, wixii u qabsoomay iyo caqabadaha jira. Ugu dambeyn, Guddiga ayaa Guddoomiyaha Maxkamadda iyo xeer ilaalinta weyiiyey su’aalo ku saabsan arrimaha ay ka hadleen iyo shaqada ay gacanta ku hayaan. Kormeerada ayaa kamid ah shaqooyinka Dastuuriga ee Golaha Wakiillada, sida uu qabo Dastuurka DPL iyo Xeer-hoosaadka Golaha. DHAMMAAD

Garoowe, June 13, 2023: Guddiga Arrimaha gudaha, Federaalka & Dimuqraadiyadda ayaa maanta xarunta Golaha ugu yeeray Wasaaradda Gargaarka iyo maareynta masiibooyinka. Shirka ayey Guddigu ku dhageysteen warbixin ku saabsan shaqooyinka Wasaaraddu u hayso dadweynaha reer Puntland, caqabadaha jira iyo waxyaabaha u qabsoomay, iyadoo warbixintaasi kadib Guddigu su’aalo ka weydiiyeen mas’uuliyiinta Wasaaradda arrimaha ay ka hadleen. Ugu dambeyntii, Xildhibaannada ayaa sheegay in warbixino ku saabsan korjoogtayn ay mudooyinkan Guddigu wadeen ay horgeyn doonaan Kalfadhiga guud ee Baaralamaanka. DHAMMAAD

Garoowe, June 13, 2023: Guddiga Arrimaha bulshada, dhaqanka warfaafinta & isgaarsiinta ayaa saaka kormeeray Gobaha uu ka socdo imtixaanka shahaadiga ee Dawladda Puntland. Guddiga ayaa meelaha ay kormeereen ee caasimada Garoowe, waxaa kamid ah Dugsiga Darwiish, Iskoolka Nawaawi iyo aradayda Gobolka Sool, waxaana warbixin ay ka dhageysteen Guddoomiyaha xafiiska imtixaanaadka Puntland iyo saraakiisha kale ee gacanta ku haysa imtixaanka. Imtixaanka Shahaadiga ah Puntland ee 2023 ayaa sanadkan waxaa galaya 22,626 Arday, oo isugu jira Dugsiyada Dhexe iyo Sarre oo Gobolada Puntland. Xildhibaannada oo u qeybiyey ardayda Imtixaanka ayaa u rajeeyay ardayda Puntland in Alle u fududeeyo Imtixaanka. DHAMMAAD.

Garoowe, June 12, 2023: Guddiga Amniga & Nabadgalyada Golaha Wakiillada ayaa maanta warbixin ka dhageystay mas’uuliyiinta Wasaaradda Amniga DPL. Guddiga oo Wasaaradda Amniga ugu yeeray aqalka Wakiillada ayaa warbixin ka dhageystay, taas oo ku aadan guud ahaan xaaladaha amni ee dalka, waxyaabaha u qabsoomay iyo caqabadaha haysta, iyagoo sidoo kalena su’aalo ka weydiiyay arrimaha ay ka hadleen. Guddiga Amniga iyo Nabadgelyada ayaa u xil-saaran la socodka xaaladaha nabadgelyo iyo amni ee dalka, ururinta dhacdooyinka nabadgelyo iyo amni xumo ee u baahan wax looga qabto. DHAMMAAD.

Garoowe: June 11, 2023: Guddiga Howlaha Guud, Gaadiidka, Ganacsiga iyo Kaabayaasha Dhaqaalaha ayaa maanta warbixin ka dhageystay Wasaaradda Tamarta iyo Maareeyaha korontada. Kulan ka qabsoomay aqalka Wakiillada ayey Guddigu ku xog wareysteen Wasiiru-Dawlaha & Wasiir ku-xigeenka Wasaaradda Tamarta, Macdanta & Biyaha, kuwaas oo ka warbixiyey wixii u qabsoomay Wasaaradda, caqabadaha jira, mashaariicda socda iyo qorsheyaasha degsan. Sidoo kale Guddiga ayaa warbixin ka dhageystay Maareeyaha Wakaaladda korontada, kaas oo Guddiga la wadaagay waxqadka Wakaalad iyo caqabadaha jira. Ugu dambeyn Guddiga ayaa mas’uuliyiinta weydiiyey su’aalo ku saabsan arrimaha ay ka hadleen. DHAMMAAD

Garoowe: June 10, 2023: Guddiga Howlaha Guud, Gaadiidka, Ganacsiga iyo Kaabayaasha Dhaqaalaha ayaa maanta u kuurgalay hanaanka shaqo ee Garoonka Diyaaradaha Garoowe. Guddiga ayaa waxaa ku soo dhaweeyey airport-ka Maxamed Abshir Wasiirka Duulista Hawada & Garoomada Puntland, Agaasimaha Guud ee Wasaaradda, Maareeyaha Garoonka iyo mas’uuliyiin kale oo ka tirsan Wasaaradda, waxaana ay kormeer ku sameeyeen dhamaan qaybaha kala duwan ee Garoonka. Guddiga ayaa warbixin ku saabsan sida ay tahay shaqada Garoonka ka dhageysta Wasiirka iyo xubnaha kale, kuwaas oo la wadaagay horumarka la gaaray, caqabadaha jira iyo qorsheyaasha degsan. Kormeerada ayaa kamid ah shaqooyinka Dastuuriga ee Golaha Wakiillada, sida uu qabo Dastuurka DPL iyo Xeer-hoosaadka Golaha Wakiillada. DHAMMAAD

Garoowe: June 10, 2023: Guddiga Shuruucda & Caddaaladda Golaha Wakiillada ayaa maanta warbixin ka dhageystay Wasiirka Caddaalada Puntland. Kulan ka qabsoomay aqalka Wakiillada ayuu Wasiirku faah-faahin ka siiyey Guddiga wixii u qabsoomay Wasaaradda, caqabadaha jira, mashaariicda socda iyo qorsheyaasha degsan. Ugu dambeyn, Guddiga ayaa Wasiirka weydiiyey su’aalo ku saabsan arrimaha uu ka hadlay Wasiirku. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, June 10, 2023: Guddiga Amniga & Nabadgalyada Golaha Wakiillada ayaa maanta warbixin ka dhageystay Taliyaha ciidanka Booliska DPL oo ay wehliyaan Taliye ku-xigeenka iyo saraakiil kale. Kulanka oo ka dhacay xarunta Golaha Wakiillada DPL ayaa ahaa is xog wareysi, iyadoo Taliska Boolisku uu Guddiga la wadagaay horumarka laga gaaray sugida amaanka, caqabadaha jira iyo guud xaalada amni ee wakhtigan ka jirta dalka. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, June 07, 2023: Guddiga Hawlaha Guud, Gaadiidka, Ganacsiga & kaabayasha dhaqaalaha ayaa maanta xatunta Golaha Wakiillada kulan xog wareysi ah kula qaatay Wasiirka Howlaha guud, Gaadiidka & Guryeynta & Guddoomiyaha Hay’adda wadooyinka Puntland. Kulankan ayaa yimid, kadib markii Guddigu dhawaan booqdeen qaybo kamid ah Jidka laamiga ah ee xiriiriya Goboladda Puntland, kaas oo wax-yeelo kasoo gaartay Roobabkii dhawaan ka da’ay deegaanka Xaaji-kheyr. Guddiga ayaa mas’uuliyiinta weydiiyey su’aalo ku saabsan baaxada dhibka gaaray laamiga iyo talaabooyinka ilaa hada la qaaday. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland.

Garoowe, June 06, 2023: Shirka oo qabsoomay xarunta Golaha Wakiillada ayey Guddiyadu ku dhageysteen warbixin ku saasabsan shaqada wakhtigan ee nidaamka caddaalada Puntland, caqabadaha jira iyo waxyaabaha u qabsoomay, iyadoo warbixintaasi ay Guddiga u faah-faahiyeen Guddoomiye ku-xigeenka Maxkamadda sare & Garsooreyaal kale oo ka tirsan Maxkmadda sare. Guddiga Arrimaha gudaha, Federaalka & Dimuqraadiyadda iyo Guddiga Xuquuqda aadanaha, Arrimaha qoyska & Horumarinta haweenka Golaha wakiillada ayaa sidoo kale mas’uuliyiinta weydiiyey su’aalo ku saabsan arrimaha ay ka hadleen. Ugu dambeyntii, Xildhibaannada oo la dardaarmay Maxkamadda sare ayaa sheegay in warbixinta kormeerkooda ay hor geyn doonaan Golaha Wakiillada, sida uu qabo dastuurka Dawladda Puntland. DHAMMAAD