June 2023

Qardho, June 06, 2023: Guddiga Shuruucda, Caddaaladda, Arrimaha Diinta & Dastuurka, Guddiga Maaliyadda, Dhaqaalaha & Xisaabaadka iyo Guddiga Hawlaha Guud, Gaadiidka, Ganacsiga & Kaabayaasha Dhaqaalaha Golaha Wakiillada oo kormeer ku jooga Gobolka Karkaar, ayaa booqasho ku tagay xarumaha xarunta Gobalka ,Maxkamada Darajada 1aad ee gobolka Karkaar & Wasaaradda Maaliyadda. Mudanayaasha ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiintaasi. Ugu dambeyntii Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaan Golaha Wakiilladu, kuna dadaali doonaan sidii wax looga qaban lahaa caqabadaha jira. DHAMMAAD.

Gaalkacyo, June 05, 2023: Guddiga Arrimaha Bulshada, Dhaqanka & Warfaafinta iyo Guddiga Amniga & Nabadgelyada oo kormeer shaqo ku jooga Gobolka Mudug ayaa booqday Cusbitaalka guud ee Gaalkacyo, Jaamacada Puntland University (Pust) iyo Xafiiska isuduwaha Caafimaadka Gobolka. Halkaas oo Guddiya Golaha Wakiilladu ay kaga dhageysteen mas’uuliyiint xarumahan warbixin ku saabsan xaalada caafimaad iyo waxbarasho ee heer Gobol, caqabadaha jira. Ugu dambeyntii, Guddiyada ayaa sheegay in warbixinta kormeerkooda ay hor geyn doonaan fadhiga guud ee Golaha Wakiillada, iyadoo socdaalkani uu qayb ka yahay kormeerada Guddiyada ee la socoshada shaqooyinka ka socda dalka. DHAMMAAD.

Garoowe, June 04, 2023: Guddiga arrimaha gudaha, federaalka & dimuqraadiyadda iyo Guddiga xuquuqda aadanaha, arrimaha qoyska & horumarinta haweenka oo maanta booqday xafiiska difaacaha xuquuqda Puntland ayaa warbixin ka dhageystay Guddoomiyaha Xafiiska. Warbixinta xafiisku uu la wadaagay Guddiyada oo ku saabsanayd heerka wakhtigan ay gaarsiisan tahay xaalada xuquuqda aadanaha Puntland, ayaa sheegay inay diiwaan geliyeen dhammaan dhacdooyinkii 6-dii bilood ee lasoo dhaafay, kuwaas oo ka dhan ahaa xuquuqda aadanaha. Mudaneyaasha oo su’aalo ka weydiiyey arrimaha uu ka hadlay Guddoomiyaha xafiisku, ayaa balanqaaday in warbixinadaasi oo dhameystiran laga soo jeedin doono kalfadhiga guud ee Golaha Wakiillada. DHAMMAAD

Boosaaso, 04, 2023: Guddiga Shuruucda, Caddaaladda, Arrimaha Diinta & Dastuurka, Guddiga Maaliyadda, Dhaqaalaha & Xisaabaadka iyo Guddiga Hawlaha Guud, Gaadiidka, Ganacsiga & Kaabayaasha Dhaqaalaha Golaha Wakiillada DPL oo kormeer ku jooga Gobolka Bari, ayaa booqasho ku tagay Dekedda Magaalada Boosaaso, Bangiga dawladda, Maxkamadda Darajada 1-aad ee Gobolka Bari iyo xarunta Wasaaradda Gaadiidka Badda, Dekedaha & Ka hortagga Dembiyada Badda. Mudanayaasha ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodii, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiinta. Ugu dambeyntii Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaan Golaha Wakiilladu, kuna dadaali doonaan sidii wax looga qaban lahaa baahiyaha kala duwan ee jira. Booqashadan ayaa qayb ka ah kormeer ay Guddiyadu ku marayeen magaalada Boosaso ee xarunta Gobolka Bari, uguna kuurgalayeen Habsami u socodka Hawlaha shaqo. DHAMMAAD

Garoowe, June 03, 2023: Guddiga arrimaha gudaha, federaalka & dimuqraadiyadda iyo Guddiga xuquuqda aadanaha, arrimaha qoyska & horumarinta haweenka ayaa ugu horeyn kulan la qaatay Guddiga amniga gobolka nugaal sida Guddoomiyaha gobolka Nugaal, Duqa caasimadda Garoowe iyo saraakiisha amniga. Halkaas oo Guddiya Golaha Wakiilladu ay ku dhageysteen warbixin ku saabsan xaalada guud ee gobolka gaar ahaan magaalada Garoowe sida nabadgelyada, adeegyada dawliga iyo caqabadaha jira, waxaana kadib Xildhibaannadu su’aalo ka weydiiyeen arrimaha gobolka ka jira. Guddiyada ayaa sidoo kale booqday xabsiga dhexe ee Garoowe, halkaas oo ay kulan kula qaateen Taliyaha ciidanka Asluubta Puntland iyo saraakiisha kale ee Taliska, waxaana ay ka xog wareysteen xaaladda maxaabiista iyo caqabadaha jira. Ugu dambeyntii, Guddiyada ayaa sheegay in warbixinta kormeerkooda ay hor geyn doonaan Golaha Wakiillada, iyadoo Kormeeradu ay qayb ka yihiin shaqooyinka Guddiyada Golaha Wakiillada DPL ee la socoshada Hay’adaha fulinta dalka. DHAMMAAD

Gaalkacyo, June 03, 2023: Guddiga Amniga iyo Nabadgelyada iyo Guddiga Arrimaha bulshada, Dhaqanka & Warfaafinta oo gaaray magaalada Gaalkacyo ee xarunta Gobolka Mudug ayaa kulan la qaatay Maamulka Gobolka, hay’ddaha amniga iyo isuduwayaasha Gobolka. Guddiga ayaa mas’uuliyiinta Gobolka mudug ka dhageystay xog waran guud, taas oo ku saabsan xaalada gobolka Mudug gaar ahaan magaalada gaalkacyo, sida amaanka waxbarashada iyo caafimaadka, iyadoo ugu dambeyn Guddiga ay masuuliyiinta weydiiyeen su’aalo ku saabsan arrimaha ay ka hadleen. Kormeerka Guddiyada ayaa qeyb ka ah shaqooyinka Guddiyada Golaha Wakiillada DPL sida uu qabo dastuurka Puntland. DHAMMAAD Xafiiska Warfaafinta & Wacyi-gelinta, Golaha Wakiillada Dawladda Puntland

Boosaaso: June 1, 2023: Guddiyada kala ah Guddiga Shuruucda, Caddaaladda, Arrimaha Diinta & Dastuurka, Guddiga Maaliyadda, Dhaqaalaha & Xisaabaadka iyo Guddiga Hawlaha Guud, Gaadiidka, Ganacsiga & Kaabayaasha Dhaqaalaha Golaha Wakiillada DPL oo kormeer ku jooga Gobolka Bari, ayaa maanta kormeeray Xabsiga weyn ee Boosaaso iyo sidoo kale Garoonka Diyaaradaha. Guddiyada, ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale mudananeyaasha la wadaagay waxqabadkooda, caqabadaha jira iyo qorshayaasha hortebinta leh. iyadoo sidoo kale Guddiyadu su’aalo kala duwan weydiiyeen mas’uuliyiinta xarumaha ay booqdeen. Ugu dambeyntii, Guddiyada ayaa ballanqaaday in warbixinta kormeerkooda ay la wadaagi doonaan cid kasta oo ay khuseyso, ayna hor geyn doonaan Golaha Wakiillada, si loo horumariyo hannaanka shaqo ee hay’addahan Dawladeed. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Qardho: June 1, 2023: Guddiga Arrimaha Deegaanka & khayraadka Dabiiciga ah iyo Guddiga Qorshaynta, siyaasadda iyo xiriirka caalamiga ah ee Golaha Wakiillada oo maanta safar shaqo ku tegay Gobolka Karkaar, gaar ahaan magaalada Qardho, ayaa Kulan la qaatay maamulka Gobolka, kan degmada, Taliska Booliska Iyo qaar kamid ah isuduwayaasha wasaaradaha ee heer gobol. Kulanka ayaa looga hadlay xaaladda guud ee Gobolka, habsami u socodka shaqada hay’adaha dowladda, howlaha adeegga bulshada iyo mashaariicda horumarinta, gaar ahaan shaqooyinka toos ula xiriira shaqada guddiyadan iyo caqabadaha guud ee jira. Guddiyadu, intii ay ku guda jireen shaqada kormeerka waxay booqasho u kuur galid ku tageen qaar kamid ah xarumaha Dawladda, sida xarunta heer qaran ee xakamaynta iyo la socoshada waxyeellada ayaxa. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Xaaji-kheyr: June 1, 2023: Guddiga hawlaha Guud, Gaadiidka, Ganacsiga & kaabayasha dhaqaalaha oo uu hoggaaminaayo Guddoomiyaha Gudiga Hon. Aways Ahmed Sardheye ayaa maanta booqday Jidka laamiga ah ee xiriiriya Goboladda Puntland kaas oo wax-yeelo kasoo gaartay Roobabkii dhawaan da’ay, gaar ahaana deegaanka Xaaji-kheyr. Kormeerka shaqo waxaa ku wehliyay Xildhibaano ka tirsan Gudiga Hawlaha Guud ee Gollaha Wakiiladda, waxaana qiimeyn iyo kormeer kusameyeen baaxadda dhibka gaartay jidka. Kormeerka Guddiga ayaa qeyb ka ah shaqooyinka Guddiyada Golaha Wakiillada DPL sida uu qabo dastuurka Dawladda Puntland. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland.