November 2025

𝐆𝐚𝐫𝐨𝐨𝐰𝐞, 𝟐𝟗 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dawladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟏𝟖-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha Fadhigan ayaa ahaa Xasaannadsiinta masuuliyiinta u baahan xasaannadda Golaha Wakiillada. Mudanayaasha Golaha Wakiillada Dowlada Puntland ayaa Cod aqlabiyad leh Xasaanada ku siiyey Mudane 𝐈𝐬𝐦𝐚𝐚𝐜𝐢𝐢𝐥 𝐖𝐚𝐫𝐬𝐚𝐦𝐞 𝐀𝐚𝐝𝐞𝐧 oo ka mid noqonaya Guddiga Doorashada Puntland (PEC) kaas oo uu dhowaan magacaabay Gudoomiyaha Golaha Wakiilada Dowlada Puntland,Waxaana dhaariyey Garsoore ka tirsan Maxmadda Sare ee DPL.

𝐆𝐚𝐫𝐨𝐨𝐰𝐞, 𝟐𝟕 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dawladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟏𝟕-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhigan ayaa ahaa ka shaqaynta 𝐇𝐢𝐧𝐝𝐢𝐬𝐞 𝐗𝐞𝐞𝐫𝐞𝐞𝐝𝐤𝐚 𝐇𝐚𝐲’𝐚𝐝𝐝𝐚 𝐓𝐚𝐲𝐨 𝐃𝐡𝐚𝐰𝐫𝐤𝐚 𝐏𝐮𝐧𝐭𝐥𝐚𝐧𝐝 Ugu horayn, Xildhibaannada Golaha ayaa si qodob-qodob ah u guda galay 𝐝𝐨𝐨𝐝𝐝𝐚, 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐢𝐲𝐨 𝐤𝐚𝐚𝐛𝐢𝐬𝐭𝐚 hindise xeereedka. Intaas kadib, Xildhibaanada Golaha Wakiillada Dawladda Puntland, waxay maanta Cod aqlabiyad leh ku meelmariyeen Ansixinta 𝐗𝐞𝐞𝐫𝐞𝐞𝐝𝐤𝐚 𝐇𝐚𝐲’𝐚𝐝𝐝𝐚 𝐓𝐚𝐲𝐨 𝐃𝐡𝐚𝐰𝐫𝐤𝐚 𝐏𝐮𝐧𝐭𝐥𝐚𝐧𝐝 Waxaa Oggol ugu codeeyay 29 Mudane, waxa diiday 2 Mudane, halka ay ka aamuseen 4 Mudane. DHAMMAAD

𝐆𝐚𝐫𝐨𝐨𝐰𝐞, 𝟐𝟓 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dawladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟏𝟓-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhigan ayaa ahaa ka shaqaynta 𝐇𝐢𝐧𝐝𝐢𝐬𝐞 𝐗𝐞𝐞𝐫𝐞𝐞𝐝𝐤𝐚 𝐃𝐡𝐚𝐰𝐫𝐢𝐬𝐭𝐚 𝐓𝐚𝐲𝐚𝐝𝐚 𝐏𝐮𝐧𝐭𝐥𝐚𝐧𝐝. Ugu horayn 𝐆𝐮𝐝𝐝𝐢𝐠𝐚 𝐇𝐚𝐰𝐥𝐚𝐡𝐚 𝐆𝐮𝐮𝐝, 𝐆𝐚𝐚𝐝𝐢𝐢𝐝𝐤𝐚, 𝐆𝐚𝐧𝐚𝐜𝐬𝐢𝐠𝐚 𝐢𝐲𝐨 𝐊𝐚𝐚𝐛𝐚𝐲𝐚𝐚𝐬𝐡𝐚 𝐃𝐡𝐚𝐪𝐚𝐚𝐥𝐚𝐡𝐚 ayaa Golaha u soo jeediyay warbixin faah-faahsan oo ku saabsan Hindise- xeereedka. Intaas kadib, Xildhibaannada Golaha ayaa si qodob-qodob ah u guda galay 𝐝𝐨𝐨𝐝𝐝𝐚, 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐢𝐲𝐨 𝐤𝐚𝐚𝐛𝐢𝐬𝐭𝐚 hindise xeereedka, iyadoo la qorsheeyay in dooddu ay sii socoto fadhiyada dambe. DHAMMAAD

𝐆𝐚𝐫𝐨𝐨𝐰𝐞, 20 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dawladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟏4-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Xildhibannada Golaha Wakiillada waxaa warbixin la wadaagay Guddiga Hawlaha Guud, Gaadiidka, Ganacsiga iyo Kaabayaasha Dhaqaalaha oo gacanta ku haya Hindise-xeereedka dhawridda Tayada, iyagoo faah-faahin ka bixiyey ujeeddada Hindisahan iyo geedi socodsiika. Guddiga hawlaha guud iyagoo ka duulaya go’aankii Golaha Wakiillada Kalfadhiga 54-aad iyo cabashada shacabka waxay sameeyaan u kuurgelidda baahida jirta iyo sidii xal loogu helihaaa, waxayna diyaariyieen, waxayna soo diyaariiyeen hindisaha dhawridda Tayada oo Golaha loo qeybiyey fadhigii hore. Intaas kadib, xildhibaannada su’aalo ka weydiiyey guddiga Ujeeddooyinka Hindise Xeereedkan, habraaca Xeer-dejinta iyo waafaqsanaanta Dastuurka iyo xeerarka kale ee Puntland. Ugu dambayn, dood iyo falaqeyn dheer kadib, Hindise Xeereedka ayaa lagu wareejiyey guddiga Hawlaha Guud, Ganacsiga iyo Kaabayaasha Dhaqalaaha si ay ugu sameeyaan akhrinta labaad islamarkaana latashi kala sameeyaan daneeyayaasha Hindise Xeereedkan,waxayna Golaha dib ugu soo celinayaa Maalinta Isniinta oo ku beegan 24.11.20225 haddii Alle idmo.

𝐆𝐚𝐫𝐨𝐨𝐰𝐞, 18 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dowladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 13-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhigan ayaa ahaa sii wadista ka shaqaynta Xeerka Xabsiyada Puntland. Xildhibaannada Golaha ayaa si qodob-qodob ah u guda galay 𝐝𝐨𝐨𝐝𝐝𝐚, 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐢𝐲𝐨 𝐤𝐚𝐚𝐛𝐢𝐬𝐭𝐚 Xeerkan. Intaas ka dib, Xildhibaanada Golaha Wakiillada Dawladda Puntland, waxay maanta cod aqlabiyad leh ku meelmariyeen Ansixinta Xeerka Xabsiyada Puntland waxaa Oggol ugu codeeyay 42 mudane, waxaa diiday 0 Mudane, halka ay ka aamuseen 4 Mudane. Ugu dambayn, Guddiga Hawlaha Guud, Gaadiidka, Ganacsiga aiyo Kaabayaasha Dhaqaalaha Golaha Wakiillada ayaa golaha la wadaagay warbixin ku saabsan Qabyo qoraalka Hindise Xeereedka Dhawridda Tayada Puntland oo goluhu curiyey, kadib hindise xeereedka ayaa loo qeybiyey Golaha si ay ugu sameeyaan akhrin 1-aad, waxaana la isugu soo noqonaynaa khamiista 20/11/2025. -DHAMMAAD-