Garoowe, February 14, 2024: Guddoomiyaha Golaha Wakiillada DPL Mudane, Cabdirisaaq Axmed Saciid ayaa ka qayb galay Aas-qaran oo loo sameeyey Alle ha unaxariistee Marxuum Yuusuf Cilmi Mataan oo kamid ahaa Nabadoonada Gobolka Nugaal.
Sidoo kale waxaa ka qayb galay Madaxweynihii hore ee Puntland Senatar Cabdiraxmaan Faroole, Guddoomiye ku-xigeenka 2-aad Maxamed Maxamud Ciise, Xildhibaanno ka tirsan Golaha Wakiillada, Suldaaan Siciid Maxamed Garaase, Culimaa’udiin iyo dadweyne kale.
Guddoomiyaha Golaha Wakiillada iyo madaxdii kale ayaa u duceeyey marxuumka inuu Janadii Fardawsa ka waraabiyo, ehelkii iyo qaraabadana Samir iyo iimaan ka siiyo.
– DHAMMAAD
