Guddoomiye ku-xigeenka 2-aad ee Golaha, ayaa maanta kulan qado-sharaf ku maamuusay wafdi ka kooban isimada dhaqanka,Guddiga Hormarinta Degmada Gaalkacayo iyo ganacsatada Gobolka Mudug.

𝐆𝐚𝐫𝐨𝐨𝐰𝐞, 𝟐𝟔 𝐎𝐤𝐭𝐨𝐨𝐛𝐚𝐫 𝟐𝟎𝟐𝟓 – Guddoomiye ku-xigeenka 2-aad ee Golaha Wakiillada Dowladda Puntland, Hon Mohamed Mahamud Esse, oo hormuud u ah mas’uuliyiinta labada gole ee dowladda ku matala Gobolka Mudug, ayaa maanta qado-sharaf ku maamuusay wafdi ballaaran oo ka kooban isimada dhaqanka,Guddiga Hormarinta Deg Gaalkacayo iyo ganacsatada Gobolka Mudug, kuwaas oo howlo shaqo u jooga caasimadda Puntland.

Wafdiga waxaa hoggaaminayay 𝐈𝐬𝐥𝐚𝐚𝐧 𝐁𝐚𝐬𝐡𝐢𝐢𝐫 𝐈𝐬𝐥𝐚𝐚𝐧 𝐂𝐚𝐛𝐝𝐮𝐥𝐥𝐞, waxaana sidoo kale ka mid ahaa ganacsato ka yimid waddamada Bariga Afrika iyo masuuliyiin kale oo ka soo jeeda Gobolka Mudug.

Munaasabaddan qado-sharafta ah oo si heer sare ah loo soo agaasimay, waxaa ka soo qayb galay isimada dhaqanka, mas’uuliyiinta labada gole ee dowladda ku metela Gobolka Mudug, ganacsato iyo siyaasiyiin reer Mudug ah.

Ujeeddada kulanka ayaa ahayd xoojinta xiriirka wada-shaqeynta, dhiirrigelinta horumarka, iyo wadatashiga ku aaddan danaha guud ee shacabka Puntland, gaar ahaan Gobolka Mudug.

DHAMMAAD –