Wararka

Garoowe, October 29, 2023: Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibril oo ay wehliyaan Guddoomiye ku-xigeenka 1-aad ee Golaha Wakiillada Mudane, Cabdicasiis Cabdullahi Cusmaan iyo Guddoomiye ku xigeenka 2-aad Mudane, Ismaaciil Maxamed Warsame ayaa shir-guddoomiyey fadhiga 4-aad ee Kalfadhiga 53-aad ee Golaha Wakiillada. Ajandaha ayaa ahaa dhageysiga Warbixinada Guddiyada Golaha Wakiillada Dawladda Puntland, waxaana maanta Golaha Warbixino ka soo jeediyey Guddiyada kala ah; 1. Guddiga Siyaasadda, Qorsheynta, Horumarinta Dhaqaalaha & Xiriirka Caalamiga ah Golaha Wakiillada Dawladda Puntland. 2. Guddiga Arrimaha Bulshada, Dhaqanka, Warfaafinta & Isgaarsiinta Golaha Wakiillada Dawladda Puntland. 3. Guddiga Maaliyadda, Dhaqaalaha & Xisaabaadka Golaha Wakiillada Dawladda Puntland Guddiyadda ayaa ka warbixiyey kormeeradii ay ku tageen Hay’adaha Dawladda dhammaan Gobollada dalka. Follow Puntland Parliament on Telegram: https://t.me/parliamentofpl – DHAMMAAD – Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, October 28, 2023: Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibril oo ay wehliyaan Guddoomiye ku-xigeenka 1-aad ee Golaha Wakiillada Mudane, Cabdicasiis Cabdullahi Cusmaan iyo Guddoomiye ku xigeenka 2-aad Mudane, Ismaaciil Maxamed Warsame ayaa shir-guddoomiyey fadhiga 3-aad ee Kalfadhiga 53-aad ee Golaha Wakiillada. Ajandaha fadhiga ayaa ahaa qeybinta Ajandaha rasmiga ah, dhageysiga Warbixinada Guddiyada Golaha Wakiillada Dawladda Puntland, waxaana maanta Golaha Warbixin ka soo jeediyey Guddiyada kala ah; 1.Guddiga Anshaxa & Arrimaha Golaha ee Golaha Wakiillada Dawladda Puntland 2. Guddiga Hawlaha Guud, Gaadiidka, Ganacsiga & Kaabayaasha Dhaqaalaha Golaha Wakiillada Dawladda Puntland 3. Guddiga Arrimaha Gudaha, Federalka & Dimuqraadiyadda Golaha Wakiillada Dawladda Puntland 4. Guddiga Arrimaha Deegaanka & Kheyraadka Dabiiciga ah Golaha Wakiillada Dawladda Puntland 5. Guddiga Amniga iyo Nabadgelyadda Golaha Wakiillada Dawladda Puntland – DHAMMAAD – Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, October 26, 2023: Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibril oo ay wehliyaan Guddoomiye ku-xigeenka 1-aad ee Golaha Wakiillada Mudane, Cabdicasiis Cabdullahi Cusmaan iyo Guddoomiye ku xigeenka 2-aad Mudane, Ismaaciil Maxamed Warsame ayaa shir-guddoomiyey fadhiga 2-aad ee Kalfadhiga 53-aad kaas oo looga hadlay soo gudbinta Ajandaha Qabyada ah ee Kalfadhiga 53-aad, sidoo kalena looga hadlay soo jeedinta ka mid noqosho xubinnimo Golaha Wakiillada Dawladda Puntland. Soo jeedinta Guddiga Anshaxa iyo Arrimaha Golaha kadib waxaa la dhaariyey Xildhibaan cusub Yaasiin Jaamac Cumar oo bedalay Xildhibaan hore Fu’aad Abshir Axmed ( Adeer) oo ka mid noqday Guddiga Doorashooyinka Puntland – PEC, sida uu qabo Dastuurka Dawladda Puntland qodobka 61-aad iyo Xeer-hoosaadka Golaha Wakiillada Dhinaca kalena, waxaa Golaha loo qeybin doonaa Ajandaha rasmiga ah maalinta sabti 28-October-2023. – DHAMMAAD – Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, October 25, 2023: Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibril ayaa Khudbad ka jeediyay Furitaanka Kalfadhiga 53-aad ee Golaha Wakiillada DPL kaas oo uu si rasmi ah u furay Madaxweynaha Dawladda Puntland Mudane, Siciid Cabdullahi Denni sida uu qabo qodobka 80-aad farqadiisa 12-aad ee Dastuurka Dawladda Puntland. Furitaanka Kal-fadhiga 53-aad waxaa ka qeyb galay Guddoomiye ku-xigeenka 1aad Golaha Wakiilladda Mudane, Cabdicasiis Cabdullahi Cusmaan, Guddoomiye ku xigeenka 2aad ee Golaha Wakiiladda Mudane, Ismaaciil Maxamed Warsame, Xildhibaanada Golaha Wakiillada Puntland, qaar ka mid ah xubnaha Golaha Xukumadda, Taliyaha Ciidanka Booliska Puntland, Maamulka Gobolka Nugaal, Kan degmadda Garoowe, Ururadda Bulshada Rayidka, iyo marti sharaf kale. Guddoomiyaha ayaa ka hadlay shaqooyinka Guddiyadda Golaha intii u dhexeysay labada Kalfadhi. ” Muddadii u dhexaysey labada kalfadhi, Guddiga joogtada ahi waxay wadeen dhammaan hawlihii shaqo ee Golaha Wakiillada si waafaqsan Dastuurka iyo Xeer-hoosaadka Golaha Wakiillada, sidoo kale guddiyada Goluhu iyagoo ka duulaya qodobada 16-aad iyo 62-aad ee xeer-hoosaadka Golaha Wakiillada waxay muddadii u dhexaysey labada kalfadhi kormeer shaqo ku tageen Gobollada iyo Degmooyinka Puntland, waxayna korjoogtayn iyo u-kuur-gal kusoo sameeyeen hay’adaha Dawladda si ay xog-ogaal ugu noqdaan sida bulshada loogaarsiiyey adeeggayada arrimaha bulshda, warbixinadda kormeeradaas oo faah-faahsan waxay guddiyadu soojeedin doonaan inta lagu gudajiro kalfadhigan haddii EEBBE idmo.” Guddoomiyaha Golaha Wakiillada ayaa ka hadlay ayaa si faah-faahsan uga hadlay shaqooyinkii ay Golaha qabteen, sida wax-ka-bedelka Dastuurka, ansixinta Xubnaha Guddiga Doorashooyinka Puntland ee PEC iyo Xeerar kale. Madaxweynaha Dawladda Puntland Mudane, Siciid Cabdullahi Denni ayaa khudbad Dastuuri ah ka jeediyey Furitaanka Kalfadhiga 53-aad ee Golaha Wakiillada DPL isaga oo ka hadlay guud ahaan xaaladaha dalka ee Amniga, Nidaamka Doorashooyinka Dadweynaha ee qpf iyo cod, qorshaha Dawladda ee dhanka Federalismka, arrimaha Gobolka Sool. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Garoowe: October 24, 2023: Guddiga Arrimaha Bulshada, dhaqanka & warfaafinta ayaa maanta kulan la qaatay mas’uuliyiinta Wasaaradda Waxbarashada & tacliinta sare ee DPL. Xildhibaannada iyo Wasaaradda ayaa karinsaday xal ka gaarista shaqaaqadii iskuulka Gambool, si dib loogu furo iskuulka, islamarkaana tacliintii iyo ardaydii fasalada dhiganaysayba ay dib u bilaabanto. Guddiga oo maalmihii dambe ku howlanaa xal ka gaarista dhacdadii iskuulka weyn ee Gambool iyo mas’uuliyiinta Wasaaradda Waxbarashada ayaa isla gaaray go’aanka kama dambeysta ee xalinta shaqaaqadaas, iyadoo qorshuhu yahay in maalmaha soo aadan dib loo furo iskuulka. DHAMMAAD.

Garoowe: October 24, 2023: Guddiga Arrimaha Bulshada, dhaqanka & warfaafinta ayaa maanta aqalka Wakiillada kulan kula qaatay qaar kamid ah waalidiinta iskuulka Gambool, iyagoo ka dhageystay aragtidooda ku aadan shaqaaqadii ka dhacday iskuulka 15-october-2023 iyo sida ugu haboon ee xal looga gaari karo. Sidoo kale Xildhibaannada, ayaa warbixinta kadib, su’aalo ka weydiiyey waalidiintu arrimaha ay ka hadleen ee ku aadan shaqaaqadii dhacday iyo sida xal looga gaari karo. DHAMMAAD.

Garoowe: October 23, 2023: Guddiga Arrimaha Bulshada, dhaqanka & warfaafinta ayaa maanta aqalka Wakiillada kulan kula qaatay qaar kamid ah macaliinta iskuulka Gambool, iyagoo ka dhageystay warbixin ku saabsan shaqaaqadii ka dhacday iskuulka 15-october-2023 iyo sida ugu haboon ee xal looga gaari karo. Sidoo kale Xildhibaannada, ayaa warbixinta kadib, su’aalo ka weydiiyey macalimiinta arrimaha ay ka hadleen ee ku aadan shaqaaqadii dhacday iyo sida xal looga gaari karo. DHAMMAAD

Garoowe: October 22, 2023: Guddiga Arrimaha Gudaha, Federaalka & Dimuqraadiyadda ayaa maanta kormeer ku tegay xarunta Wasaaradda Arrimaha Gudaha. Xildhibaannada, ayaa kulan la qaatay Wasiirka Wasaaradda iyo Agaasimaha Guud, iyadoo mudaneyaashu mas’uuliyiintan ka dhegeysteen warbixin ku saabsan shaqooyinka socda ee ay ay wado Wasaaraddu, waxyaabaha u qaab-soomay iyo caqabadaha jira. Sidoo kale, Guddiga ayaa su’aalo ka weydiiyay arrimaha ay ka hadleen masuuliyiinta Wasaaraddu. Ugu dambeyntii, Xildhibaannada ayaa sheegay in warbixino ku saabsan korjoogtayn ay mudooyinkan Guddigu wadeen ay horgeyn doonaan Kalfadhiga guud ee Baaralamaanka. DHAMMAAD

Garoowe, October 21, 2023: Guddiga Maaliyadda, Dhaqaalaha iyo Xisaabaadka ee Golaha Wakiillada ayaa maanta kormeer shaqo ku tagay Bankiga dhexe DPL iyo xarunta Wasaaradda Maaliyadda ee Gobolka Nugaal. Guddiga oo ugu horeyn booqday Bankiga dhexe ee Dawladda ayaa halkaasi kulan kula yeeshay madaxda sare ee Bankiga, kuwaas oo warbixin kasiiyey shaqooyinka Bankigu uu hayo, waxqabadkooda iyo caqabadaha jira. Sidoo kale, Xildhibaannada ayaa mas’uuliyiinta Bankiga su’aalo ka weydiiyey arrimaha ay ka hadleen ee la xiriira shaqada ay Dawladda u hayaan. Sidoo kale, Guddiga ayaa kormeer ku tagay Wasaaradda Maaliyadda Gobolka Nugaal, halkaas oo warbixin ay kaga dhageysteen Xisaabiyaha Gobolka, iyagoo kula dardaarmay inay sii laba jibaaraan shaqada ay hayaan ee dakhli ururinta iyo horumarinta wax-soosaarka. DHAMMAAD.

Garoowe, October 21, 2023: Guddiga Arrimaha Gudaha, Federaalka iyo Dimuqraadiyadda ee Golaha Wakiillada ayaa maanta xarunta Golaha ugu yeeray mas’uuliyiinta Wasaaradda Gargaarka iyo Maareynta Masiibooyinka. Shirka ayey Guddigu ku dhageysteen warbixin ku saabsan shaqooyinka Wasaaraddu u hayso dadweynaha reer Puntland, caqabadaha jira iyo waxyaabaha u qabsoomay, iyadoo warbixintaasi kadib Guddigu su’aalo ka weydiiyeen mas’uuliyiinta Wasaaradda arrimaha ay ka hadleen. Ugu dambeyntii, Xildhibaannada ayaa sheegay in warbixino ku saabsan korjoogtayn ay mudooyinkan Guddigu wadeen ay horgeyn doonaan Kalfadhiga guud ee Baaralamaanka. DHAMMAAD