Wararka

Garoowe, November 14, 2022: Guddoomiye ku-xigeenka 1-aad Golaha Wakiillada Mudane Cabdicasiis Cabdullahi Cusmaan oo uu wehliyo Guddoomiye ku-xigeenka 2-aad Mudane Ismaaciil Maxamed Warsame ayaa maanta shir-guddoomiyey fadhiga 11-aad ee Kal-fadhiga 51-aad Golaha Wakiillada Dawladda Puntland. Xildhibaannada Golaha oo maalmihii la soo dhaafay ka doodayey hindise-xeereedka Kheyraadka biyaha Puntland ayaa maanta cod aqlabiyad leh ku ansixiyey guud ahaan qodobada xeerkan, waana markii ugu horeysay oo xeer loo sameeyo habka isticmaalka & soo saarista biyaha deegaanada Puntland. Ugu dambeyn, Golaha waxaa loo qaybiyey wax-ka-badalka xeerka Howlgabka iyo Liiltirka Shaqaalaha Rayidka ah, waxaana lagu wareejiyey Guddiga arrimaha bulshada, dhaqanka, warfaafinta & isgaarsiinta oo akhris-ka 2-aad ku soo sameyn doona islamrkaana Golaha horkeeni doona sabtida soo socota ee 19-ka bishan hadii Alle idmo. DHAMMAADXafiiska Warfaafinta & Wacyi-gelintaGolaha Wakiillada Dawladda Puntland

Garoowe, November 13, 2022: Guddoomiye ku-xigeenka 1-aad Golaha Wakiillada Ahna Ku-simaha Guddoomiyaha Mudane Cabdicasiis Cabdullahi Cusmaan oo uu wehliyo Guddoomiye Ku-xigeenka 2-aad Mudane Ismaaciil Maxamed Warsame ayaa maanta shir-guddoomiyey fadhiga 10-aad ee Kal-fadhiga 51-aad Golaha Wakiillada Dawladda Puntland. Golaha Wakiillada ayaa weli ku guda jira ka doodista iyo qodob qodob u ansixinta hindise-xeereedka Khayraadka Biyaha Puntland sida uu dhigayo qodobka 70-aad ee Dastuurka Dawladda Puntland. Dooda hindise-xeereedkan oo Goluhu curiyey ayaa sii socon doonta maalmaha soo socda sida uu dhigayo qodobka 58-aad ee xeer hoosaadka Golaha Wakiillada DPL. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe, November 13, 2022: Guddoomiyaha Golaha Wakiillada DPL Mudane Cabdirishiid Yuusuf Jibriil ayaa maanta ka qayb galay Shirweynaha 4-aad ee Deegaanka & isbedalka cimilada Puntland, kaas oo 2-dii sano-ba mar la qabto. Shirka oo 2-maalin soconaya ayaa lagu soo badhigayaa xogta xaaladda deegaanka & isbadalka cimilada Puntland sida nabaad guurka, boholaha, duurjoogta, bacaadka, maareyn la’aanta qashinka & qorshaha Dawladda ee wax looga qabanayo arrimahan. Guddoomiyaha Golaha Wakiillada oo Wasaaradda Deegaanka ku bogaadiyey qabsoomida shirweynahan ayaa yiri ”waxaynu hadda la daala dhacaynaa abaaro iyo dhibaatooyin kale oo ka dhashay isbedelka cimilada taas oo ka liiftay in baadka iyo biyuhuba gabaabsi noqdaan, waxayna u baahan tahay in isku duubni iyo da’daal wadareed lagu wajaho”. Shirweynaha waxaa ka qayb galay Wasiirro ka tirsan Golaha Xukuummada, Guddoomiyaha Maxkamadda sare, Xildhibaanno kamid ah Golaha Wakiillada, Guddoomiyeyaasha Gobolada, Taliyaha Ciidanka Booliska, Daneeyaasha arrimaha deegaanka Puntland & marti sharaf kale oo goobta lagu casuumay. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe, November, 12 2022: Guddoomiyaha Golaha Wakiillada DPL, Mudane Cabdirishiid Yuusuf Jibriil oo ay weheliyaan Guddoomiye ku-xigeenka 1-aad Mudane Cabdicasiis Cabdullahi Cusmaan & Guddoomiye Ku-xigeenka 2-aad Mudane Ismaaciil Maxamed Warsame ayaa maanta shir-guddoomiyey fadhiga 9-aad ee Kal-fadhiga 51-aad Golaha Wakiillada Dawladda Puntland. Fadhiga maanta waxaa Guddiga Arrimaha Deegaanka & Khayraadka Golaha ay u soo gudbiyeen warbixin ku saabsan hindise-xeereedka Khayraadka Biyaha Puntland, kaas oo Goluhu curiyey, waxaana Goluhu uu guda galay qodob-qodob uga doodista & ansixinta hindise-xeereedkan oo muhiim u ah Puntland, doodaas oo socon doonta maalmaha soo socda sida uu dhigayo qodobka 58-aad ee xeer hoosaadka Golaha Wakiillada DPL. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe, November 08, 2022: Guddoomiye ku-xigeenka 1-aad Golaha Wakiillada DPL, Mudane Cabdicasiis Cabdullahi Cusmaan & Guddoomiye ku-xigeenka 2-aad Mudane Ismaaciil Ismaaciil Maxamed Warsame ayaa maanta sagootiyey Guddoomiye ku-xigeenka 1-aad Golaha Shacabka BFS, Marwo Sacdiya Yaasiin Xaaji Samatar oo maalmahan safar shaqo ku joogtay Puntland. Munaasabadda sagootinta oo ka dhacday garoonka diyaaradaha ayaa waxaa ka qayb galay Xildhibaanno ka tirsan Puntland & DFS, Wasiiru-dowlaha Madaxtooyada Puntland, Xoghayeyaasha guud ee Baarlamaanada Puntland & Golaha Shacabka Soomaaliya iyo Saraakiil kale. Guddoomiye Sacdiya ayaa uga mahadceliyey Dawladda iyo Shacabka Puntland sidii wanaagsanayd ee loo soo dhaweeyey, loona maamuusay intii joogeen Garoowe. DHAMMAADXafiiska Warfaafinta & Wacyi-gelintaGolaha Wakiillada Dawladda Puntland

Garoowe: 06, November,2022: Guddoomiyaha Golaha Wakiillada DPL, Mudane Cabdirishiid Yuusuf Jibriil ayaa maanta sagootiyey Guddoomiyaha Golaha Shacabka BFS, Mudane Aadan Maxamed Nuur (Madoobe) oo maalmahan safar shaqo ku joogay Puntland. Munaasabadda sagootinta oo ka dhacday garoonka diyaaradaha ayaa waxaa ka qayb galay Xildhibaanno ka tirsan Puntland & DFS, Xoghayaasha guud ee Baarlamaanada Puntland & Golaha Shacabka Soomaaliya iyo Saraakiil kale. Guddoomiyaha Golaha Shacabka ayaa uga mahadceliyey Guddoomiyaha Golaha Wakiillada Puntland sidii wanaagsanayd ee loo soo dhaweeyey, loona maamuusay intii joogeen Garoowe. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe 05, November,2022: Guddoomiyaha Golaha Wakiillada DPL, Mudane Cabdirashiid Yuusuf Jibriil oo ay wehliyaan Guddoomiye ku-xigeenka 1-aad Mudane Cabdicasiis Cabdullahi Cusmaan & Guddoomiye ku-xigeenka 2-aad Mudane Ismaaciil Maxamed Warsame ayaa maanta ka qayb galay Qado Sharafeed loogu sameeyey Beeraha Garoowe Guddoomiyaha Golaha Shacabka BFS, Mudane Aadan Maxamed Nuur oo ay wehliso Guddoomiye ku-xigeenka 1-aad Marwo Sacdiya Yaasiin Xaaji Samatar. Qado Sharafta oo Golaha Wakiilladu ku maanuusay weftiga Guddoomiyaha Golaha Shacabka ee maalmahan safar shaqo ku joogay Garoowe ayaa waxaa ka qayb-galay Xildhibaanno ka tirsan DFS & Puntland, Senataro ka tirsan Aqalka sare, Xoghayaasha guud Baarlamanada Puntland & Golaha Shacabka, Duqa Garoowe iyo Howl-wadeenno ka tirsan Baarlamaanada Puntland & DFS. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe 05,November,2022: Guddoomiyaha Golaha Wakiillada DPL, Mudane Cabdirishiid Yuusuf Jibriil ayaa maanta Aqalka Wakiillada ku soo dhaweeyey Guddoomiyaha Golaha Shacabka BFS, Mudane Aadan Maxamed Nuur (Madoobe) iyo wefti uu hoggaaminayo oo maalmahan ku sugan Puntland. Munaasabada soo dhaweynta waxaa ka qayb-galay Guddoomiye ku-xigeenka 1-aad Golaha Wakiillada Puntland Mudane Cabdicasiis Cabdullahi Cusmaan, Guddoomiye ku-xigeenka 2-aad Mudane Ismaaciil Maxamed Warsame, Guddoomiye ku-xigeenka 2-aad Golaha Shacabka BFS Mudane Cabdullaahi Cumar Abshirow iyo Xildhibaanno ka kala tirsan DFS & Puntland. Madaxda ayaa kormeeray Xafiisyada kala duwan ee Aqalka Wakiillada Puntland oo uu ku jiro Hoolka weyn ee Baarlamaanka. Guddoomiyaha Golaha Shacabka DFS ayaa ku bogaadiyey Guddoomiyaha Golaha Wakiillada Puntland shaqada muuqata oo ku soo kordhiyey Aqalka Wakiillada oo ay ku jiraan xafiisyo cusub oo loogu talagalay Guddiyada & Howl-wadeenada, si loo fududeeyo, loona casriyeeyo shaqada Baarlamaanka Puntland. Ugu dambeyn, Madaxda Goleyaasha Federalka & Puntland ayaa yeeshay shir gaar ah oo ay uga arinsanayaan sii xoojinta wada shaqeynta labada dhinac. DHAMMAAD Xafiiska Warfaafinta & Wacyi-gelinta,Golaha Wakiillada Dawladda Puntland

Garoowe 05,November,2022: Guddoomiyaha Golaha Wakiillada DPL, Mudane Cabdirishiid Yuusuf Jibriil & Guddoomiyaha Golaha Shacabka BFS, Mudane Aadan Maxamed Nuur (Madoobe) ayaa xalay bulshada kula caweeyey Martisoor Hotel. Madaxda ayaa wakhti kula qaatay halkaasi dad kala duwan, waxaana ku wehlinayey Xildhibaanno ka tirsan DFS & Puntland, Xoghayaha guud ee Golaha Shacabka iyo Saraakiil kale. DHAMMAAD Xafiiska Warfaafinta & Wacyi-gelinta,Golaha Wakiillada Dawladda Puntland

Garoowe: 04, November, 2022: Guddoomiyaha Golaha Wakiillada Mudane Cabdirishiid Yuusuf Jibriil & Madaxweyne ku-xigeenka Mudane Axmed Cilmi Cismaan ayaa maanta booqasho salaan ah ugu tagay Guddoomiyaha Golaha Shacabka Baarlamaanka Jamhuuriyadda Federalka Soomaaliya, Mudane Aadan Maxamed Nuur, hoyga uu ka degan yahay qasriga Madaxtooyada Garoowe, halkaas oo kulan ku yeesheen madaxdu. Kulanka oo ahaa kala warqaadasho ayey madaxdu ku gorfeeyeen xaalada guud ee Soomaaliya iyo mida Puntland, waxaana madaxda oo ay wehliyaan masuuliyiin kala duwan oo ka tirsan Goleyaasha Puntland iyo Federalka ay kala qayb galeen tobanaan dad ah tukashada Salaada jimcaha, taas oo ka qabsoontay masaajidka Shuhadada ee ku yaala Madaxtooyada Garoowe. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland