Wararka

Boosaaso: 11,October, 2022: Guddiga Arrimaha Deegaanka & khayraadka Dabiiciga ah, Guddiga Siyaasadda, Qorshaynta Iyo Xiriirka Caalamiga ah iyo Guddiga Arrimaha Golaha oo maalmahan safar shaqo ku Joogay xarunta Gobolka Bari ee Boosaaso ayaa maanta Kulan la qaatay Duqa Degmada Boosaso oo ay weheliyaan Mas’uuliyiinta kale ee Dowladda Hoose. Kulanka ayaa Guddigu uga dhegaystay Duqa Degmada iyo masuuliyiinta kaleba warbixin la xiriirta Xaaladda Guud ee Degmada, Arrimaha Mashaariicda, Waddooyinka Magaalada iyo caqabadaha jira. Sidoo kale Guddigu waxa ay Booqasho ku tageen halka uu ka socdo Mashruuca Maalgashiga dhismaha Haamaha Shidaalka iyo dhigista tuubooyinka soo qaadaya shidaalka, Waxaana Guddigu kulan ay la qaateen Guddiga Ganacsatda Mashruucan Maalgelinaya. Ugu Dambayntii Guddigu waxa ay Safarkoodii Shaqo ee ay ku joogeen Magaalada Boosaso kusoo gaba-gabeeyeen Kormeer ay ku tageen Xarunta Wasaaradda Dekedaha iyo Gaadiidka Badda Puntland ee Gobolka Bari, halkaas oo ay kulan kula yeesheen Agaasimaha Guud iyo Mas’uuliyiinta Kale ee Wasaaradda. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Guddiga Shuruucda, Caddaaladda, Arrimaha Diinta & Dastuurka iyo Guddiga Xuquuqul Insaanka, Haweenka & Arrimaha Qoyska ee Golaha Wakiillada DPL ayaa kormeer ku tagay degmada Qardho ee Xarunta Gobolka Karkaar. Guddiyada ayaa booqday Xafiisyada kala duwan ee dawladda sida Xarunta degmada, Maamulka Gobolka, xafiiska Xeer-ilaalinta Gobolka, Maxkamadda Darajada 1-aad & Racfaanka, Taliska Booliska ee degmada Qardho, Taliska Qaybta Boliiska ee Gobolka Karkaar iyo Xabsiga dhexe ee magaalada Qardho. Waxay Guddiyadu warbixino ballaaran oo dhinacyo badan taabanaysa ka dhagaysteen dhammaan mas’uuliyiinta kala duwan, iyagoo Guddiyada uga warbixiyey xaladda degmada iyo guud ahaanba Gobolka, hawlaha qabsoomay iyo caqabadaha, iyagoo mudanayaasha uga mahadceliyey kormeerka ay ku yimadeen gobolka si ay ugu kuurgalaan baahiyaha jira. Intii ay ku guda-jireen booqashadooda, waxay sidoo kale Guddiyadu wareysteen maxaabiista ku xiran xabsiyada iyagoo ka dhagaystey warbixino la xiriira xaaladdooda nololeed, baahiyahooda iyo tabashooyinka ay qabaan. Ugu dambeyntii Guddiyada ayaa ballanqaaday in ay warbixinta la wadaagi doonaaan cid kasta oo ay khuseyso, kana jeedin doonaan Kalfadhiga soo socda, ayna ku dadaali doonaan sidii wax looga qaban lahaa baahiyaha kala duwan ee degmada iyo guud ahaanba gobolka. DHAMMAAD Faah-faahin kala xiriir; Xafiiska Warfaafinta & Wacyi-gelinta,Golaha Wakiillada Dawladda Puntland Facebook: https://www.facebook.com/Parliamentofpl Telegram: https://t.me/parliamentofpl Twitter: https://twitter.com/Parliamentofpl Instagram: https://instagram.com/parliamentofpl LinkedIn: https://www.linkedin.com/parliamentofpl Flickr: https://www.flickr.com/photos/190151741@N02/ YouTube: https://youtube.com/channel/UCe2H4Gvf_mwL852bBdNgiMw E-mail: info@puntlandparliament.com Website: http://puntlandparliament.com

Burtinle: 09,October 2022: Guddiga Arrimaha Gudaha, Dawladaha Hoose & Dimuqraadiyenta Golaha Wakiillada iyo Guddiga Arrimaha Bulshada, Dhaqanka, Warfaafinta & Isgaarsiinta iyo Guddiga Anshaxa & Arrimaha Golaha ayaa maanta u Kuur-galay Xaaladda guud Degmada Burtinle, Gobolka Nugaal. Guddiyada ka socda Golaha Wakiillada DPL, ayaa ugu horeyn booqday Xarunta Degmada, iyagoo la kulmay Guddoomiyaha Magaalada iyo Golaha Degaanka, iyagoo ka xog wareystay Xaalada guud ee Degmada sida Nabad-galyada, Mashaariicda socda, waxyaabaha qabsoomay iyo caqabadaha jira. Sidoo kale Guddiyada ayaa booqday Goobaha Waxbarashada Degmada sida Dugsiyadda dhexe iyo sare, Cisbitaalka Degmada oo dib-u-dhis uu ku socdo iyo meelo kale, iyagoo xog wareystay caqabadaha jira iyo waxyaabaha u qabsoomay. DHAMMAADXafiiska Warfaafinta & Wacyi-gelinta,Golaha Wakiillada Dawladda Puntland

Dhahar: 08,October 2022: Guddiga Shuruucda, Caddaaladda, Arrimaha Diinta & Dastuurka iyo Guddiga Xaquuqul Insaanka, Haweenka & Arrimaha Qoyska Golaha Wakiillada DPL ayaa maanta Kormeer ku tagay Degmada Dhahar ee Gobolka Haylaan. Guddiyada ayaa booqday qaybaha kala duwan ee xarumaha Dawladda oo ay ugu horreyso Degmada, Gobolka, Saldhiga Booliska iyo xarunta Garsoorka. Waxay Guddiyadu waxbixin mugleh ka dhagaysteen dhagaysteen Mas’uuliyiinta kala duwan ee heer Gobol, heer Degmo, bahda Garsoorka, Isku-duwayaashaWasaaradaha ee Gobolka, Ururka Haweenka iyo qaybaha kala duwan ee bulshada. Waxayna Guddiyada usoo gudbiyeen hawlaha kala duwan ee ka socda Gobolka Haylaan iyo sidoo kale caqabadaha jira, iyagoo Mudanayaasha uga mahadceliyey kormeerka ay ku yimaadeen Gobolka si ay ugu kuurgalaan xaalada Gobolka iyo baahiyaha jira. Ugu dambeyntii Guddiyada Baarlamaaanka ayaa ballanqaaday in warbixinta ay la wadaagi doonaan cid kasta oo ay khusayso, kana jeedin doonaan Kalfadhiga soo socda, ayna ku dadaali doonaan sidii wax looga qaban lahaa baahiyaha kala duwan ee Degmada iyo guud ahaanba Gobolka Haylaan. DHAMMAADXafiiska Warfaafinta iyo Wacyi-gelinta Golaha Wakiillada Dawladda Puntland