Wararka

Garoowe, October 09, 2023: Guddiga arrimaha bulshada, dhaqanka, warfaafinta & isgaarsiinta ayaa maanta kormeer shaqo ku tagay Wasaaradda Caafimaadka DPL, halkaas oo ay warbixin kaga dhageysteen Wasiirka Caafimaadka & Agaasimaha Guud ee Wasaaradda. Guddiga ayaa warbixin la xiriirta shaqooyinka Wasaaradda ka socda, qorsheyaasha degsan, waxyaabaha u qaab-soomay iyo weliba caqabadaha jira ka dhageystay mas’uuliyiinta Wasaaradda Caafimaadka, waxaana sidoo kale ay su’aalo ka weydiiyeen arrimaha ay ka hadleen. Kormeerka shaqo ee Guddiga ayaa qeyb ka ah shaqooyinka Guddiyadda Golaha Wakiillada DPL, waxaana warbixintooda ay ku soo bandhigaan fadhiga guud ee Golaha. DHAMMAAD

Goldogob, October 08, 2023: Guddiga Hawlaha Guud & Guddiga Deegaanka ee Golaha Wakiillada DPL waxay maanta safar shaqo ku tageen Degmada Galdogob, iyagoo kormeeray xarunta Dawladda hoose ee Degmada. Guddiyada ayaa waxaa halkaasi ku qaabilay Duqa Degmada Goldogob, ku-xigeenkiisa iyo Xildhibaanada Golaha Deegaanka, iyagoo ka warbixiyey xaaladda guud ee Goldogob sida arrimaha amniga, arrimaha bulshada iyo caqabadaha haysta. Maamulka Goldogob ayaa sidoo kale Guddiyada la wadaagay warbixinta dagaal beeleedkii dhawaan ka dhacay aagaasi. Kormeerada ayaa ka mid ah shaqooyinka Dastuuriga ah ee Guddiyada Golaha Wakiillada, iyadoo warbixintooda lagu soo bandhigo fadhiga guud ee Golaha Wakiillada. DHAMMAAD

Boosaaso, October 08,2023: Guddiga Arimaha Gudaha, Guddiga xaquuqul Insaanka iyo Guddiga Amniga Golaha Wakiillada DPL oo maalmahan kormeer Shaqo ku jooga Gobolka Bari ayaa booqasho ku tagay Xabsiga, Dekadda iyo Garoonka Diyaaradaha Boosaaso. Mudaneyaasha ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiinta. Ugu dambeyntii Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaan Golaha Wakiilladu, kuna dadaali doonaan sidii wax looga qaban lahaa baahiyaha kala duwan. DHAMMAAD

Garoowe, October 08 2023: Guddiga Arrimaha Bulshada, dhaqanka, warfaafinta & isgaarsiinta ee Golaha wakiillada DPL ayaa maanta oo taariikhdu tahay 8/10/2023 waxay kormeer shaqo ku tageen Cusbitaalka guud ee magaalada Garoowe, iyagoo u kuur galay adeegyada caafimaad ee uu bulshada u hayo iyo baahiyaha ka jira. Waxaana warbixin ku saabsan xaaladda Cisbitaalka iyo shaqooyinka ka socda Guddigu ay ka dhageysteen Agaasimaha Cusbitaalka Dr. Hodan Cali shire, iyagoo sidoo kalena su’aalo ka weydiiyey arrimahaas. Ugu,dambeyn Guddiga ayaa soo kormeeray dhismaha Cusbitaalka ka socda oo meel gabo-gabo ah maraya, iyagoo warbixin ka dhageystay Eng-neerada gacanta ku haya. DHAMMAAD

Guddiyada kala ah; Arimaha gudaha & Xuquuqul Insaanka iyo Amniga Golaha Wakiillada DPL oo kormeer ku jooga Gobolka Bari, ayaa booqasho ku tagay xarunta Maamulka Gobalka Bari, iyagoo Guddiyadu xaruunta gobalka kula kulmay Gudoomiyaha Gobalka Bari , Duqa Degmada Bosaaso iyo Gudigga Amniga Gobalka Bari. Mudanayaashan ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiinta. Sidoo kale guddiyadu waxay kormeereen Saldhiga bartamaha iyo garoonka kubada cagta Boosaaso. Ugu dambeyntii, Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaa

Gaalkacyo, October 07 2023: Guddiga Hawlaha Guud, Gaadiidka, Ganacsiga & kaabayaasha dhaqaalaha iyo Guddiga Arrimaha Deegaanka & khayraadka dabiiciga ah oo komeer shaqo ku jooga Gobolka Mudug ayaa maanta u kuurgalay xaaladda guud ee Gobolka Mudug. Guddiyada ayaa waxay kulan la qaateen Guddoomiyaha Gobolka Mudug, ku-xigeenkiisa, Duqa Degmada Gaalkacyo, Xoghayaha Degmada & qaar kamid ah isu-duwayaasha Wasaaradaha ee heer Gobol, iyagoo ka dhageystay warbixin ku saaban xaaladda guud ee Gobolka Mudug sida Amniga iyo Adeegyada bulshada & caqabadaha jira. Ugu dambeyntii, Guddiyada ayaa sheegay in warbixinta kormeerkooda ay hor geyn doonaan fadhiga guud ee Golaha Wakiillada, iyadoo socdaalkani uu qayb ka yahay kormeerada Guddiyada ee loogu kuurgalo xaaladaha dalka. DHAMMAAD.

Guddiga Maaliyadda, Dhaqaalaha iyo Xisaabaadka & Guddiga Siyaasadda, Qorsheynta, Horumarinta Dhaqaalaha iyo Xiriirka Caalamiga ah ee Golaha Wakiillada DPL ayaa maanta safar shaqo waxay ku tageen Gobollada Haylaan iyo Karkaar, iyagoo u kuurgalay Xaaladaha guud ee Goboladaas. Guddiyadda oo ugu horeyn tagay magaalada Dhahar ee Gobolka haylaan ayaa waxay kulan la qaateen Guddoomiyaha Gobolka, Duqa degmada, Xoghayaha Dawladda hoose, Taliyaha Qaybta Booliska ee Gobolka, Guddoomiyaha Maxkamadda, Xeer-ilaaliayaha, qaar kamid ah Xildhibaanada Degmada dhahar iyo Isudu-waayaasha heer Gobol. Waxayna mas’uuliyiintu Guddiyadda uga warbixiyeen Xaalada guud ee Gobolka, caqabadaha iyo baahiyaha jira, waxaana ugu dambeyn Guddiyaddu ay kormeer ku sameeyeen saldhiga Degmada Dhahar. Dhanka, kale Guddiyadda ayaa kormeer shaqo ku tagay magaalada Qardho ee Xarunta Gobolka Karkaar, waxayna kulan la qaateen Madaxda Xafiiska Wasaaradda Maaliyadda ee Gobolka karkaar, iyadoo Xisaabiyaha Gobolku uu ka warbixiyey habka shaqadu u socoto, gaar ahaan uruurinta dakhliga, Wax-soosaarka iyo Canshuuraha Gobolka Karkaar. DHAMMAAAD

Garoowe: September 13, 2023: Guddoomiyaha Golaha Wakiillada DPL Mudane, Cabdirashiid Yuusuf Jibriil iyo Madaxa UNDP Soomaaliya Mr Lionel Laurens ayaa shirkooda uga hadlay mashaariicda UNDP ka fuliso Puntland, Doorashooyinkii Goleyaasha Degaanka ee ka qabsoomay Puntland, xoojinta wada shaqeynta Golaha Wakiilladda Dawladda Puntland iyo sidii Hay’adda UNDP taageero buuxda uga geysan lahayd qorshaha Horumarinta Golaha Wakiillada. Kulanka ayaa waxaa sidoo kale goob-joog ka ahaa Xoghayaha guud ee Golaha Wakiilladda iyo Madaxa Xafiiska UNDP ee Garoowe. DHAMMAAD.

Garoowe: September 12, 2023: Guddoomiyaha Golaha Wakiillada DPL Mudane, Cabdirashiid Yuusuf Jibriil oo uu weheliyo ku-xigeenka 2-Mudane, Ismaaciil Maxamed Warsame ayaa maanta shir-Guddoomiyey fadhiga 1-aad ee Guddiga joogtada ah, kaas oo ka qabsoomay xarunta Golaha Wakiillada. Fadhiga maanta Guddiga Joogtada ah ee Golaha Wakiilladu waxay lagu falaqeeyeen arrimo ay mid yihiin Xaaladda Guud ee Siyaasadda, Amniga iyo dhaqalaaha, waxaana warbixinno arrimahaas la xiriira looga dhegeystey madax-guddiyeedyada Guddiga joogtada ah ee u xilsaaran. DHAMAAD Xafiiska Warfaafinta & Wacyi-gelinta, Golaha Wakiillada Dawladda Puntland.

Garoowe, September 09, 2023: Guddoomiyaha Golaha Wakiillada Dawladda Puntland Mudane Cabdirashiid Yuusuf Jibriil oo uu wehliyo Guddoomiye ku-xigeenka 2aad Mudane, Ismail Maxamed Warsame ayaa maanta shir-Guddoomiyey fadhiga 21-aad, Kalfadhiga 52-aad ee Golaha Wakiillada Dawladda Puntland. Ajandaha ayaa ah Ansixinta Xubnaha magacaaban ee Guddiga Doorashooyinka Puntland – PEC sida uu qabo qodobka 113-aad Farqadiisa 1aad, Xarafka X iyo Qodobka 132-aad ee Dastuurka Dawladda Puntland. Kadib markii Xildhibaannada ay dhageysteen Taariikhdooda, waxay cod aqlabiyad ah ku ansixiyeen saddex xubnood oo ka dhinaa Guddiga Doorashooyinka Puntland ee PEC, tirada guud ayaana noqonaysa 12 xubnood. Xildhibaannada ayaa Xasaanadda siiyey Xubnaha Guddiga Doorashooyinka Puntland – PEC, waxaana dhaariyey Garsoore ka socda Maxkamadda sare. Xubnaha ayaa kala ah; 1. Cabdisalam Bashiir Cabdisalam 2. Maxamuud Axmed Caynab (Gubsul) 3. Ubax Cabdullahi Abshir DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland