Wararka

Garowe, 19 Janaayo 2026- Guddiga Gaarka ah ee Guddiga Joogtada Golaha Wakiilladu u xil saaray u kuurgeliddaa xaaladda Abaaraha ka jira deegaannada Puntland ayaa kulan la qaatay Guddiga Abaaraha qeybta Isku-dubaridka gargaarka iyo xog uruurinta. Ujeeddada ahayd in xildhibaannu warbixin ka helaan qorshahaha hay’adaha dawladda ee ku aaddan taakulaynta dadka iyo duunyada abaartu saamaynta iyo sida ugu habboon oo loo midaynkaro shaqooyinka loona dar-dargelinkaro. Kulanka oo ka dhacay Wasaaradda Gargaarka iyo Maaraynta Masiibooyinka Puntland, waxaa warbixin dhammaytiran looga dhageystey wixii u qabsoomay muddaddi ay shaqada Gacanta ku hayeen Guddiga iskudubbaridka Gar-gaarka iyo Xog-ururinta, warbixintaasoo ku saabsaynayn xaaladda dhabta deegaannda sida ay u kula daran yihiin, xogaha laga soo ururiyey deegaannda Puntland, qeybaha ay isugu jiraan taakulaynta dadka la gaarsiiyey, qorshaha lagu hawlgeliyo iyo kulamada kale ay la qaateen hay’adaha bah-wadaagta la ah Wasaaradda Gar-gaarka dawladda Puntland. Intii kulan socdey Guddiga Abaaraha ayaa warbixinta ku daray qorshahooda shaqo iyo caqabadaha jira sidii si wadajir ah wax looga Qaban lahaa, si gurmad loogu fidiyo dadka guuraaga ah ee waxyeelladu ka soo gaartey abaarta, islamarkaana qorshe mideysan loo samayn lahaa. Intaa kadib xildhibaannada guddiga Hay’adaha dawladda waxay su’aalo ka weydiiyeen warbixintii ay la wadaageen, iyagoo talo ku biiriyey kulana dar-daarmay in lalaba jibaaro shaqada ay guddiga xukuumadu u xilsaartay Abaaraha iyo jawaab ka bixinta arrimaha taagan. DHAMMAAD

Garoowe : 06 January 2026: Guddoomiye Ku-xigeenka 2-aad, Hon Mohamed Mahamud Esse, iyo qaar ka mid ah Xildhibaannada Golaha, ayaa caawa ka qayb galay kulan wadatashi iyo is-xogwareysi ah oo uu la yeeshay Madaxweynaha Dowladda Puntland Mudane Siciid Cabdullaahi Deni, oo uu weheliyo Madaxweyne Ku-xigeenka Dowladda Mudane Ilyaas Cismaan Luagatoor. Kulanka ayay uga wada hadleen guud ahaan xaaladda Soomaaliya, doorka Puntland ee Dowlad dhiska Soomaaliya iyo Isbedelka ka socda Gobolka. Waxaa kulanka ku weheliyay Senator Cabdiraxmaan Faroole Madaxweynihii hore ee Dowladda Puntland Ahna Senator ka tirsan Aqalka Sarre ee Dowladda Federaalka ah ee Soomaaliya, qaar ka mid ah Xildhibaannada Puntland ku metela labada Aqal ee Baarlamaanka Soomaaliya. – DHAMMAAD-

𝐆𝐚𝐫𝐨𝐨𝐰𝐞, 𝟕 𝐃𝐞𝐜𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dowladda Puntland Hon Abdirisak Ahmed Said, oo uu weheliyo Guddoomiye Ku-xigeenka 2-aad Mohamed Mahamud Esse – Awoowe, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟐𝟐-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhigan wuxuu ahaa: U qareemidda dadka baahiyaha gaarka ah qaba, kuwaas oo ay ka mid yihiin waayeelka, agoomaha, iyo dadka naafada ah ee Puntland. Xildhibaannada Golaha ayaa si qoto dheer uga dooday xaaladda ay ku sugan yihiin dadkaas iyo sida ugu habboon ee dowladdu uga jawaabi karto baahiyahooda, iyagoo muujiyay muhiimadda ay leedahay in loo helo siyaasad, miisaaniyad iyo adeegyo waara oo la xiriira arrimaha bulshada. Ugu dambayn, Guddoomiyaha Golaha Wakiillada ayaa arrintaas u xilsaaray 𝐆𝐮𝐝𝐝𝐢𝐠𝐚 𝐀𝐫𝐫𝐢𝐦𝐚𝐡𝐚 𝐁𝐮𝐥𝐬𝐡𝐚𝐝𝐚, 𝐃𝐡𝐚𝐪𝐚𝐧𝐤𝐚, 𝐖𝐚𝐫𝐟𝐚𝐚𝐟𝐢𝐧𝐭𝐚 𝐢𝐲𝐨 𝐈𝐬𝐠𝐚𝐚𝐫𝐬𝐢𝐢𝐧𝐭𝐚 iyo xildhibaanno kale oo lagu daray, si ay u soo diyaariyaan warbixin dhammeystiran iyo talooyin lagaga jawaabayo baahiyaha dadka nugul ee Puntland. DHAMMAAD

𝐆𝐚𝐫𝐨𝐨𝐰𝐞, 6 𝐃𝐞𝐜𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dawladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟐𝟏-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhiga oo ahaa u yeeridda Golaha Garsoorka Puntland ayaa qaar kamid ah xildhibannada Golaha Wakiilladu ay soo jeediyeen in dib loo celiyo la xisaabtanka Garsoorka, maadama ay kala maqan yihiin Guddiga Maamulka Sare ee Garsoorka, waxayna xildhibaannada Goluhu soo jeediyeen in garsoorka oo dhammaystiran ay golaha horyimaadaan. Intaas kadib, waxaa cod loo qaatay soojeedinta xildhibaannada, waxaana ugu codeeyey in dib loo celiyo garsoorka 𝟐𝟗 Mudane, halka 𝟗 Mudane ay u codeeyeen in Ajandaha la siiwado, Guddoonka Goluhu ma coddayn, waxaana ka Aaamusay 𝟒 Mudane. DHAMMAAD

Garoowe, 1 December 2025 – 𝐆𝐮𝐝𝐝𝐢𝐠𝐚 𝐌𝐚𝐚𝐥𝐢𝐲𝐚𝐝𝐝𝐚, 𝐃𝐡𝐚𝐪𝐚𝐚𝐥𝐚𝐡𝐚 𝐢𝐲𝐨 𝐗𝐢𝐬𝐚𝐚𝐛𝐚𝐚𝐝𝐤𝐚 𝐞𝐞 𝐆𝐨𝐥𝐚𝐡𝐚 𝐖𝐚𝐤𝐢𝐢𝐥𝐥𝐚𝐝𝐚 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 ayaa maanta kulan la-tashi ah la qaatay qaar ka mid ah Wasaaradaha iyo Hay’adaha Dowladda ee ka shaqeeya dakhli ururinta, iyadoo uu shir-guddoominayay Guddoomiyaha Guddiga, Xildhibaan Xasan Yusuuf Majabe. Kulankan ayaa qayb ka ah howlaha diyaarinta Qabyo-Qoraalka Miisaaniyadda Sanadeedka 2026, waxaana diiradda lagu saaray wadatashiga la xiriira dakhliga dowladda, habraacyada ururintiisa, caqabadaha jira iyo fursadaha lagu kordhin karo dakhliga sanadka soo socda. Mas’uuliyiintii ka socday wasaaradaha iyo hay’adaha dowladda ayaa guddiga la wadaagay warbixino iyo talooyin ku saabsan dakhli ururinta dawladda iyo sidii kor loogu qaadi lahaa. Guddiga ayaa dhankiisa su’aalo muhiim ah ka weydiiyey hay’adaha, kuwaasoo ku saabsanaa qiyaasta dakhliga 2026, wada-shaqeynta Wasaaradda Maaliyadda, iyo talooyinka lagu horumarin karo hufnaanta iyo isla-xisaabtanka dakhli ururinta. Ugu dambayn, Guddiga Maaliyadda, Dhaqaalaha iyo Xisaabaadka ayaa uga mahadceliyey mas’uuliyiinta sida ay uga soo qayb galeen kulanka, kuna bogaadiyey doorkooda muhiimka ah ee ku aaddan diyaarinta miisaaniyadda iyo horumarinta nidaamka dhaqaalaha dowladda. DHAMMAAD

𝐆𝐚𝐫𝐨𝐨𝐰𝐞, 𝟏𝟓 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dawladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟏𝟎-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhigan ayaa ahaa ka shaqaynta 𝐰𝐚𝐱-𝐤𝐚-𝐛𝐞𝐝d𝐞𝐥𝐤𝐚 𝐗𝐞𝐞𝐫𝐤𝐚 𝐗𝐚𝐛𝐬𝐢𝐲𝐚𝐝𝐚 𝐏𝐮𝐧𝐭𝐥𝐚𝐧𝐝. Fadhiga maanta waxaa sidoo kale goob-joog ahaa arday ka socota 𝐉𝐚𝐚𝐦𝐚𝐜𝐚𝐝𝐝𝐚 𝐀𝐝𝐦𝐚𝐬, sida uu qabo qodobka 54-aad ee Xeer-hoosaadka Golaha. Ugu horayn 𝐆𝐮𝐝𝐝𝐢𝐠𝐚 𝐒𝐡𝐮𝐫𝐮𝐮𝐜𝐝𝐚, 𝐂𝐚𝐝𝐝𝐚𝐚𝐥𝐚𝐝𝐝𝐚, 𝐀𝐫𝐫𝐢𝐦𝐚𝐡𝐚 𝐃𝐢𝐢𝐧𝐭𝐚 𝐢𝐲𝐨 𝐃𝐚𝐬𝐭𝐮𝐮𝐫𝐤𝐚 ayaa Golaha u soo jeediyay warbixin faah-faahsan oo ku saabsan wax-ka-beddelka xeerka. Intaas kadib, Xildhibaannada Golaha ayaa si qodob-qodob ah u guda galay 𝐝𝐨𝐨𝐝𝐝𝐚, 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐢𝐲𝐨 𝐤𝐚𝐚𝐛𝐢𝐬𝐭𝐚 hindise xeereedka, iyadoo la qorsheeyay in dooddu ay sii socoto fadhiyada dambe. DHAMMAAD

Garoowe, 11 November 2025 –𝐆𝐮𝐝𝐝𝐢𝐠𝐚 𝐒𝐡𝐮𝐫𝐮𝐮𝐜𝐝𝐚, 𝐂𝐚𝐝𝐝𝐚𝐚𝐥𝐚𝐝𝐝𝐚, 𝐀𝐫𝐫𝐢𝐦𝐚𝐡𝐚 𝐃𝐢𝐢𝐧𝐭𝐚 𝐢𝐲𝐨 𝐃𝐚𝐬𝐭𝐮𝐮𝐫𝐤𝐚 ee Golaha Wakiillada Dowladda Puntland ayaa kulan latashi ah oo ku saabsan 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐗𝐞𝐞𝐫𝐤𝐚 𝐗𝐚𝐛𝐬𝐢𝐲𝐚𝐝𝐚 𝐏𝐮𝐧𝐭𝐥𝐚𝐧𝐝 la qaatay Culimada Puntland, Xafiiska Difaaca Xaquuqda Aadanaha Puntland iyo Wasaaradda Caddaaladda iyo Arrimaha Diinta Dawlada Puntland. Kulankan oo uu Shir gudoomiyey Gudoomiyaha guddiga 𝐗𝐢𝐥𝐝𝐡𝐢𝐛𝐚𝐚𝐧 𝐌𝐚𝐱𝐚𝐦𝐮𝐮𝐝 𝐃𝐡𝐚𝐤𝐮𝐮𝐥 𝐗𝐢𝐫𝐬𝐢 ayaa ahayd in la helo aragtiyo,su’aalo laga waydiiyey qodob kamid ah xeerka iyo talooyin wax ku ool ah oo lagu horumarinayo xeerka, si uu ugu waafaqo dastuurka dalka, xuquuqda aadanaha, iyo xaaladda dhabta ah ee xabsiyada Puntland. Guddigu wuxuu xusay muhiimadda ay leedahay ka-qaybgalka daneeyayaasha si loo dhiso xeer cadaalad iyo hufnaan leh. DHAMMAAD

𝐆𝐚𝐫𝐨𝐨𝐰𝐞, 𝟒 𝐍𝐨𝐯𝐞𝐦𝐛𝐞𝐫 𝟐𝟎𝟐𝟓 – Guddoomiyaha Golaha Wakiillada Dowladda Puntland Hon Abdirisak Ahmed Said, oo ay weheliyaan Guddoomiye Ku-xigeenka 1-aad Hon Mohamed Baarri Shire iyo Guddoomiye Ku-xigeenka 2-aad Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟖-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha Wakiillada. Ajandaha fadhigan ayaa ahaa sii wadista ka shaqaynta 𝐇𝐢𝐧𝐝𝐢𝐬𝐞 𝐱𝐞𝐞𝐫𝐞𝐞𝐝𝐤𝐚 𝐁𝐚𝐧𝐠𝐢𝐠𝐚 𝐃𝐚𝐰𝐥𝐚𝐝𝐝𝐚 𝐢𝐲𝐨 𝐇𝐚𝐲’𝐚𝐝𝐚𝐡𝐚 𝐌𝐚𝐚𝐥𝐢𝐲𝐚𝐝𝐝𝐚. Xildhibaannada Golaha ayaa si qodob-qodob ah u guda galay 𝐝𝐨𝐨𝐝𝐝𝐚, 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐢𝐲𝐨 𝐤𝐚𝐚𝐛𝐢𝐬𝐭𝐚 hindise xeereedka. Intaas ka dib , Xildhibaanada Golaha Wakiillada Dawladda Puntland, waxay maanta cod aqlabiyad leh ku meelmariyeen Ansixinta 𝐇𝐢𝐧𝐝𝐢𝐬𝐞 𝐱𝐞𝐞𝐫𝐞𝐞𝐝𝐤𝐚 𝐁𝐚𝐧𝐠𝐢𝐠𝐚 𝐃𝐚𝐰𝐥𝐚𝐝𝐝𝐚 𝐢𝐲𝐨 𝐇𝐚𝐲’𝐚𝐝𝐚𝐡𝐚 𝐌𝐚𝐚𝐥𝐢𝐲𝐚𝐝𝐝𝐚 waxaa Oggol ugu codeeyay 30 mudane, waxaa diiday 2 Mudane, halka ay ka aamuseen 6 Mudane. Ugu dambayn, waxaa loo qaybiyey Xildhibaanada 𝐖𝐚𝐱-𝐤𝐚 𝐛𝐞𝐝𝐞𝐥𝐤𝐚 𝐗𝐞𝐞𝐫𝐤𝐚 𝐗𝐚𝐛𝐬𝐢𝐲𝐚𝐝𝐚 𝐏𝐮𝐧𝐭𝐥𝐚𝐧𝐝, si ay ugu sameeyaan akhrin, si waafaqan Xeer-hoosaadka Golaha. DHAMMAAD*