Wararka

Garoowe, 2 Luulyo 2026 – 𝐆𝐮𝐝𝐝𝐢𝐠𝐚 𝐀𝐫𝐫𝐢𝐦𝐚𝐡𝐚 𝐆𝐮𝐝𝐚𝐡𝐚, 𝐅𝐞𝐝𝐞𝐫𝐚𝐚𝐥𝐤𝐚 𝐢𝐲𝐨 𝐃𝐢𝐦𝐮𝐪𝐫𝐚𝐚𝐝𝐢𝐲𝐚𝐝𝐝𝐚 ee Golaha Wakiillada Dowladda Puntland ayaa maanta kulan la-tashi ah oo ku saabsan wax-ka-beddelka Xeerka Maamulka Gobollada, Degmooyinka iyo Dhismaha Dowladaha Hoose la yeeshay Guddoomiyaha Gobolka Nugaal, Duqa Caasimadda Garoowe, ku-xigeenkiisa iyo hawl-wadeenno ka tirsan Dowladda Hoose ee Garoowe. Kulanka, oo uu shir-guddoominayey Guddoomiyaha Guddiga Arrimaha Gudaha, Federaalka iyo Dimuqraadiyadda, Mudane Xildhibaan Cabdirisaaq Jaamac Aadan, ayaa ujeeddadiisu ahayd in la helo talooyin iyo aragtiyo ku saabsan geeddi-socodka wax-ka-beddelka Xeerka Maamulka Gobollada, Degmooyinka iyo Dhismaha Dowladaha Hoose. Xeerkan oo maraya akhriskiisa labaad, si waafaqsan Xeer-hoosaadka Golaha Wakiillada. Intii uu kulanku socday, guddigu waxa uu mas’uuliyiinta weydiiyey su’aalo la xiriira qodobbada xeerka, si loo helo aragtiyo iyo talooyin wax ku ool ah oo lagu tayeeyo xeerka, isla markaana loo fududeeyo hirgelintiisa iyo dhaqangelintiisa. Kulanka ayaa diiradda lagu saaray ururinta talooyinka iyo fikradaha la xiriira dib-u-eegista xeerka, si loo diyaariyo xeer waafaqsan baahiyaha maamulka iyo horumarinta nidaamka dowladaha hoose. Mas’uuliyiinta Dowladda Hoose ee Garoowe ayaa ka jawaabay su’aalihii la weydiiyey, iyagoo sidoo kale soo jeediyey talooyin iyo aragtiyo ku saabsan qodobbada wax laga weydiiyey, si xeerku u noqdo mid ka jawaabaya baahiyaha jira isla markaana fududeeya hannaanka maamulka dowladaha hoose. DHAMMAAD

𝐆𝐚𝐫𝐨𝐨𝐰𝐞, 𝟐𝟑 𝐉𝐮𝐧𝐞 𝟐𝟎𝟐𝟔 – Guddoomiyaha Golaha Wakiillada Dowladda Puntland, Mudane Hon Abdirisak Ahmed Said, oo ay weheliyaan Guddoomiye Ku-xigeenka 1-aad ee Golaha, Hon Mohamed Baarri Shire, iyo Guddoomiye Ku-xigeenka 2-aad ee Golaha, Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟕-𝐚𝐚𝐝 ee 𝐊𝐚𝐥𝐟𝐚𝐝𝐡𝐢𝐠𝐚 𝟓𝟖-𝐚𝐚𝐝 ee Golaha Wakiillada Dowladda Puntland. Ajandaha fadhiga Maanta Xasaanadsiinta mas’uuliyiinta u baahan xasaanadda Golaha Wakiillada. Ugu horrayn, qaar ka mid ah Wasiirrada la magacaabay ayaa Golaha la wadaagay taariikh-nololeedkooda iyo waayo-aragnimadooda shaqo. Ugu dambayn, Xildhibaannada Golaha Wakiillada Dowladda Puntland ayaa maanta cod aqlabiyad leh ku ansixiyey xasaanadda qaar ka mid ah xubnaha Golaha Wasiirrada. Xasaanadda ayaa waxaa oggolaaday 52 Mudane, waxaa diiday 4 Mudane, halka 2 Mudane ay ka aamuseen. DHAMMAAD

𝐆𝐚𝐫𝐨𝐨𝐰𝐞, 𝟐𝟐 𝐉𝐮𝐧𝐞 𝟐𝟎𝟐𝟔 – Guddoomiyaha Golaha Wakiillada Dowladda Puntland, Hon Abdirisak Ahmed Said, oo ay weheliyaan Guddoomiye Ku-xigeenka 1-aad ee Golaha, Hon Mohamed Baarri Shire, iyo Guddoomiye Ku-xigeenka 2-aad ee Golaha, Hon Mohamed Mahamud Esse ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟔-𝐚𝐚𝐝 ee 𝐊𝐚𝐥𝐟𝐚𝐝𝐡𝐢𝐠𝐚 𝟓𝟖-𝐚𝐚𝐝 ee Golaha Wakiillada Dowladda Puntland. Ajandaha fadhiga maanta ayaa ahaa sii-wadista dhageysiga Warbixinta Guddiyada Golaha Wakiillada DPL. Maanta waxaa warbixintooda Golaha la wadaagay guddiga kala ah :- 1- Guddiga Siyaasadda, Qorsheynta, Horumarinta Dhaqaalaha & Xiriirka Caalamiga. 2- Guddiga Hawlaha Guud, Gaadiidka, Ganacsiga iyo Kaabayaasha Dhaqaalaha. 3- Dhagaysiga warbixinnada Kormeerka xildhibaannadu ay ku tagey Degmooyinka katiran Gobollada Karkaar, Mudug iyo Nugaal. Xildhibaannada Golaha ayaa su’aalo iyo faahfaahin dheeraad ah ka waydiiyay guddiyada warbixinnadii iyo kormeeradii ay soo sameeyeen muddadii u dambeysay. DHAMMAAD

𝐆𝐚𝐫𝐨𝐨𝐰𝐞, 𝟐𝟏 𝐉𝐮𝐧𝐞 𝟐𝟎𝟐𝟔 – Guddoomiyaha Golaha Wakiillada Dowladda Puntland, Mudane Hon Abdirisak Ahmed Said, oo uu weheliyo Guddoomiye Ku-xigeenka 2-aad ee Golaha, Hon Mohamed Mahamud Esse, ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟓-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓𝟖-𝐚𝐚𝐝 ee Golaha Wakiillada Dowladda Puntland. Ajandaha fadhiga maanta ayaa ahaa sii-wadista dhageysiga Warbixinta Guddiyada Golaha Wakiillada DPL. Maanta waxaa warbixintooda Golaha la wadaagay guddiga kala ah :- 1- Guddiga Amniga iyo Nabadgelyada. 2- Guddiga Arrimaha Gudaha, Federaalka iyo Dimuqraadiyadda. 3- Guddiga Arrimaha Bulshada, Dhaqanka, Warfaafinta iyo Isgaarsiinta. Xildhibaannada Golaha ayaa su’aalo iyo faahfaahin dheeraad ah ka waydiiyay guddiyada warbixinnadii iyo kormeeradii ay soo sameeyeen muddadii u dambeysay. Golaha Wakiillada Dowladda Puntland ayaa sii wadi doona dhageysiga warbixinnada Guddiyada Joogtada ah. DHAMMAAD

𝐆𝐚𝐫𝐨𝐨𝐰𝐞, 20 𝐉𝐮𝐧𝐞 𝟐𝟎𝟐𝟔 – Guddoomiyaha Golaha Wakiillada Dowladda Puntland, Mudane Hon Abdirisak Ahmed Said, oo ay weheliyaan Guddoomiye Ku-xigeenka 1-aad ee Golaha, Hon Mohamed Baarri Shire, iyo Guddoomiye Ku-xigeenka 2-aad ee Golaha Hon Mohamed Mahamud Esse ayaa maanta shir-guddoomiyay 𝐅𝐚𝐝𝐡𝐢𝐠𝐚 4-𝐚𝐚𝐝 ee 𝐊𝐚𝐥𝐟𝐚𝐝𝐡𝐢𝐠𝐚 𝟓𝟖-𝐚𝐚𝐝 ee Golaha Wakiillada Dowladda Puntland. Ajandaha fadhiga maanta ayaa ahaa sii-wadista dhageysiga Warbixinta Guddiyada Golaha Wakiillada DPL. Maanta waxaa warbixintooda Golaha la wadaagay guddiga kala ah :- 1-Guddiga Arimaha Deegaanka iyo Kheyraadka Dabiiciga ah. 2-Guddiga Maaliyadda, Dhaqaalaha iyo Xisaabaadka Xildhibaannada Golaha ayaa su’aalo iyo faahfaahin dheeraad ah ka waydiiyay guddiyada warbixinnadii iyo kormeeradii ay soo sameeyeen muddadii u dambeysay. Golaha Wakiillada Dowladda Puntland ayaa sii wadi doona dhageysiga warbixinnada Guddiyada Joogtada ah. DHAMMAAD

𝐆𝐚𝐫𝐨𝐨𝐰𝐞, 17 June 𝟐𝟎𝟐6 – Guddoomiyaha Golaha Wakiillada Dowladda Puntland, Hon Abdirisak Ahmed Said oo ay weheliyaan Guddoomiye Ku-xigeenka 1-aad Hon Mohamed Baarri Shire , iyo Guddoomiye Ku-xigeenka 2-aad Hon Mohamed Mahamud Esse ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟐-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓8-𝐚𝐚𝐝 ee Golaha Wakiillada. Ajandaha fadhigan ayaa si gaar ah diiradda loogu saaray 𝐤𝐚 𝐝𝐨𝐨𝐝𝐢𝐬𝐭𝐚 𝐢𝐲𝐨 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐀𝐣𝐚𝐧𝐝𝐚𝐡𝐚 𝐊𝐚𝐥𝐟𝐚𝐝𝐡𝐢𝐠𝐚 𝟓8-𝐚𝐚𝐝, iyadoo loo marayo habraaca uu qeexayo Qodobka 42-aad ee Xeer-hoosaadka Golaha. Intaas kaddib, Xildhibaannada Golaha Wakiillada ayaa si rasmi ah u guda galay doodda iyo ansixinta Ajandayaasha, waxaana ugu dambeyn ay cod aqlabiyad leh ku ansixiyeen Ajandaha rasmiga ah ee Kalfadhiga 58-aad. Ajandaha la ansixiyay ayaa si rasmi ah loogu qaybin doonaa Xildhibaannada Golaha maalinta berri oo ku beegan 18ka Juun 𝟐𝟎𝟐6, si loo guda galo ajandayaasha ku xusan. DHAMMAAD –

Xildhibaan Khadar Faarax Maxamed, oo ka tirsan Golaha Wakiillada Dowladda Puntland, ayaa ka qayb galay furitaanka Kalfadhiga 58-aad ee Golaha Wakiillada Dowladda Puntland. Kalfadhigan ayaa si rasmi ah u furmay, iyadoo lagu guda geli doono gudashada waajibaadka dastuuriga ah ee Golaha, oo ay ka mid yihiin dejinta sharciyada, kormeerka hay’adaha dowladda iyo matalaadda shacabka Puntland.

Garowe, 15 June 2026- Gudoomiyaha Golaha Wakiilada Dowlada Puntland Hon Abdirisak Ahmed Said, oo ay weheliyaan Gudoomiye ku xigeenka 1-aad Hon Mohamed Baarri Shire, iyo Gudoomiye ku xigeenka 2-aad ee Golaha Hon Mohamed Mahamud Esse, ayaa goob joog ahaa Furitaanka Kal-fadhiga 58-aad Ee Golaha. Munaasabadda waxaa sidoo kale ka soo qeyb galay Madaxweynaha Dowladda Puntland H.E Said Abdullahi Deni, Madaxweyne ku-xigeenka H.E Ilyas Osman Lugatoor, Xildhibaannada Golaha Wakiillada, Guddoomiyaha Maxkamadda Sare, xubno ka tirsan Golaha Wasiirrada, Guddoomiyaha Maxkamadda Sare, Xeer ilaaliyaha Guud, Xubno katirsan Garsoorka, Duqa Garoowe, Isimo, Culimo, Qusulka Ethopia, hay’ado caalami ah, ururrada bulshada rayidka ah, saraakiil iyo marti sharaf kale. Guddoomiyaha Golaha Wakiillada Mudane Cabdirisaaq Axmed Siciid ayaa khudbad ka jeediyay furitaanka kal-fadhiga, isagoo si qoto dheer uga hadlay Waxqabadkii Golaha ee mudada labada kala fadhi,doorka Baarlamaanka 6-aad ee dhinacyada metelaadda shacabka, xeer-dejinta, kormeerka hay’adaha dowladda iyo samaynta korjoogtaynta iyo gaarista Dadweynaha iyo qorshasha kalfadhiga 58-aad ee Golaha Wakiillada. Ugu dambeyn, Madaxweynaha Dowladda Puntland Mudane Siciid Cabdullaahi Deni ayaa ka horjeediyey Golaha waxqabadka Xukuumadda muddadii u dhaxayasey labada kalfadhi, islamarkaana si rasmi u furay Kal-fadhiga 58-aad, sida ku xusan qodobka 80-aad, farqaddiisa 12-aad ee Dastuurka Dowladda Puntland. DHAMMAAD –

XILDHIBAANNADA GOLAHA WAKIILLADA DPL Ee KORMEERKA KU TAGEY DEGMADA EYL AYAA KULAN LA YEESHAY BULSHADA RAYIDKA AH. ‎‎EYL – 24May, 2025:— Xildhibaanno Katirsan Guddiyada Golaha Wakiillada Dowladda Puntland ee kormeerka ku tagay Gobolka Nugaal ayaa kulan muhiim ah la yeeshay bulshada rayidka ah ee Degmada EYL. ‎Kulankan waxaa Xildhibaannada kala qaybgalay Kuismaha Gudmoomiyaha ahana Gudoomiye ku xigeenka Degmada Eyl, Iyo Xoghayaha Degmada iyo qaybaha kala duwan ee bulshada. ‎Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan xildhibaannada, kuwaas oo si hufan uga jawaabay su’aalihii iyo cabashooyinki shirka laga soojeediyey. ‎Kulankan wuxuu qeyb ka yahay dadaallada Golaha Wakiillada Puntland ee lagu xoojinayo isla-xisaabtanka, is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaas oo wax ka tari kara hawlaha sharci-dejinta iyo waajibaadka kale ee Golaha. ‎ DHAMMAAD