Wararka

Garoowe, May 06, 2024: Guddoomiyaha Golaha Wakiillada Dawladda Puntland Mudane, Hon Abdirisak Ahmed Said oo ay weheliyaan Guddoomiye ku-xigeenka 1-aad Golaha Wakiillada Mudane, Hon Mohamed Baarri Shire iyo Guddoomiye ku-xigeenka 2-aad Mudane, Hon Mohamed Mohamoud Isse ayaa shir-guddoomiyey fadhiga 4-aad ee Guddiga Joogtada ah. Fadhiga maanta waxaa looga hadlay xaaladda guud ee dalka, iyadoo Guddoomiyaha Golaha Wakiillada uu Guddiga joogtada ah warbixin dhinacyo badan taabanaysa ka siiyey safar uu tagey magaalada Nairobi, halkaas oo uu kulamo kala dawan kula yeeshay, Ganacsatada, Siyaasiyiinta iyo hay’adaha taageera horumarinta iyo tayeynta shaqada Baarlamaannada, kulamaas oo ku soo dhammmaday guul iyo is-afgarad. Dhinaca kale, waxaa warbixin laga dhageystey Guddiyada Shuruucda, Arrimaha Diinta iyo Dastuurka, Xuquuqada Isaanka, Haweenka & Arrimaha Qoyska iyo Amniga & Nabagelyada Golaha Wakiilada, kuwaaso kormeer ku tagey Maxkamadda Sare Dawladda Puntland, Maxkamadda Ciidamada Qalabka sida, Taliska Ciidanka Asluubta, Laanta Dembi-baarista iyo Saldhigyada Garoowe. Ujeeddada koormeerka oo ahayd uu kuurgelidda adeegyada caddaaladda, la socodka xaaladda maxaabiista iyo xalinta cabashooyinka dadweynaha. Intaas kadib guddigu waxay isla qaateen in wax qabashada caqabadaha jira wax laga weydiiyo Hay’adaha shaqada ku leh, si waafaqsan Dastuurka iyo Xeer-hoosaadka Golaha Wakiilada Puntland. – DHAMMAAD – Xafiiska Warfaafinta & Wacyi-gelinta, Golaha Wakiillada Dawladda Puntland.

Garoowe, May 4, 2024: Guddiyada ka socda Golaha Wakiillada oo maanta booqasho shaqo ku tegey Xabsiga dhexe ee Garoowe ayaa la kulmay maxaabiista u xiran dambiyada culus, iyagoo ka xog wareystay xaaladooda nololeed iyo tabashooyinka ay qabaan. Kormeerka Guddiyadda ay mudooyinkii dambe ay ku sameynayeen xaalada Caddaalada iyo dhowrista xuquuqda aadanah ayaa wax badan ka qabsoomay, iyadoo warbixintooda oo dhameystiran la horgeyn doono Kalfadhiga guud Baarlamanka iyo midka Guddiga Joogtad ah. Xildhibaannada maanta kormeerka sameeyey ayaa kala ahaa Xild. Maxamuud Dhakuul Xirsi iyo Xild. Mowliid Abokor Caafi, waxaana ku wehliyey Guddoomiyaha Xafiiska Difaacaha Xuquuqda aadanaha, Guddoomiyaha & Xeer ilaaliyaha Maxkamadda Ciidamada qalabka sida. -DHAMMAAD

Garoowe, May 01, 2024: Golaha Wakiillada Dawladda Puntland ayaa maanta si rasmi ah u la wareegay koox horey ugu ciyaari jirtey magaca SBC. Munaasibad Kooxda kula wareegyeen Golaha Wakiillada oo ka dhacday xarunta Golaha ayaa waxaa ka qeyb-galay, Xil. Cabdicasiis Axmed Saalax Guddoomiyaha Guddiga Arrimaha Bulshada, Xil. Maxamed Siciid Cali Guddoomiyaha Anshaxa iyo Arrimaha Golaha, Xildh Ibraahim Casayr Gurraase, Guddoomiye ku-xigeen Guddiga Siyasaasadda, Cabdirisaaq Xiddig Warsame Xoghayaha Guud, Hodon Siciid Xasan Wasiirka Wasaaradda Dhalinyarada iyo Ciyaaraha Puntland, Guddiga, Guddiga Olompikada Puntland, Xubno ka socdey Xiriirka Kubbada Cagta Guddoonka ciyaaraha ee Gobolka iyo masuulyiin kale iyo Kooxda Ciyaaradaha ku matalaysa Magaca Golaha Wakiillada. Xildhibaanada ayaa munaasabadda ka soojeediyey in ay muhiim tahay dhiirigelinta iyo horumarinta Dhalintada Puntland, waxayna uga mahadceliyey kooxdan ugu ciyaari jirtey magaca SBC iyo ciyaar wanaagooda iyo mas’uuliyihiinta gacanta ku hayey muddadii ay jireen. Tartanka Ciyaaraha ayaa xoojiya korna u qaada is-dhexgalka, walalnimada iyo midnimada dhallinyarada guud ahaan. Ugu dambayn Kooxdan ayaa ku ciyaaraysa Magaca Golaha Wakiillada waxayna ka qeyb galayaan tartanta Ciyaaraha heerka 1-aad ee dhawaan ka furmidoona. – DHAMMAAD –

Garoowe, April 30, 2024: Guddiyada ka socda Golaha Wakiillada oo ugu horeyn kormeeray xarunta maxkamadda ciidamada qalabka sida & dambiyada culus ayaa warbixin ka dhageystay Guddoomiyaha Maxkamadda, isagoo Guddiyada la wadaagay sida shaqadu u socoto, caqbadaha jira iyo waxyaabaha u qabsoomay. Sidoo kale Xildhibaannada ayaa su’aalo ka weydiiyey arrimaha uu ka hadlay Guddoomiyaha maxkamadda ciidamada iyo guud ahaan shaqada ay hayaan. Dhanka kale, Mudenayaasha katirsan Golaha Wakiillada ayaa kormeeray xarunta dhexe dambi baarista Puntland (CID), iyagoo warbixin ka dhageystay saraakiisha xarunta, shaqada ay bulshada u hayaan, caqabadaha haysta iyo waxyaabaha u qabsoomay. Ugu dambeyn Guddiyadda ayaa kormeeray xafiisyada xarunta dambi baarista halkaas oo ay ka socotay shaqada maalin laha ee dadweynaha loogu adeego. Xildhibaannada kormeerka sameeyey ayaa kala ahaa Guddoomiyaha Guddiga Shuruucda, Caddaaladda, Xild. Maxamuud Dhaluul Xirsi, Guddoomiyaha Guddiga Xuquuqul Insaanka Xild. Mowliid Abokor Caafi iyo Guddoomiyaha Guddiga Amniga Xassan Ducaale (Dhagax-tuur). -DHAMMAAD-

Garoowe, April 29, 2024: Guddiyada ka socda Golaha Wakiillada ayaa maanta kormeer shaqo ku tegay xarumaha Garsoorka Dawladda Puntland, iyagoo u kuurgalay habka shaqadu u socoto, caqabadaha jira iyo cabashooyinka dadweynaha ee arrimaha Cadaaladda. Guddiyadda ayaa ugu horeyn kulan la qaatay Guddoomiyaha Maxkamadda sare, ku-xigeenkiisa iyo xubno kamid ah Maamulka Garsoorka, iyagoo ka dhageystay warbixin ku saabsan waxqabadkooda, caqabadaha iyo tabashooyinka dadweynaha ee arrimaha Cadaaladda. Sidoo kale Xildhibaannada ayaa kormeeray Maxkamadda derajada 1-aad ee Gobolka Nugaal, Maxkamadda Racfaanka iyo Garsooreyaashooda, kuwaas oo ay ka xog wareysteen shaqooyinka ay u hayaan iyo caqabadaha haysta. Xildhibaannada kormeerka sameeyey ayaa kala ahaa Guddoomiyaha Guddiga Shuruucda, Caddaaladda, Xild. Maxamuud Dhaluul Xirsi, Guddoomiyaha Guddiga Xuquuqul Insaanka Xild. Mowliid Abokor Caafi iyo Guddoomiyaha Guddiga Amniga Xassan Ducaale (Dhagax-tuur). Ugu, dambeyn Mudaneyaasha ka tirsan Golaha Wakiillada ayaa booqday saldhiga galbeed ee magaalada Garoowe, halkaas oo ay ku dhageysteen maxaabiista xiran iyo caqabadaha jira. -DHAMMAAD-

Guddoomiyaha Golaha Wakiillada oo uu wehliyo Ku-simaha Madaxweynaha Ahna Madaxweyne ku-xigeenka Dawladda Puntland Mudane, Ilays Cusmaan Lugatoor ayaa beeray Geeddkii 1aad ee todobaadka dhireynta, Garoowe, April 28, 2024 : Guddoomiyaha Golaha Wakiillada Dawladda Puntland Mudane, Hon Abdirisak Ahmed Said, ayaa ka qeyb-galay Daah-furka todobaadka dhireynta Puntland kaas oo ay qabtay Wasaarada Deegaanka iyo Isbedelka Cimilada Puntland. Wasaaradda Deegaanka & Isbedelka Cimulada ayaa sheegtay in qorshaha Todobaadkaan uu yahay in guud ahaan Puntland lagu beero in ka badan 20 kun oo geed. Kulanka waxaa ka qeyb-galay Guddoomiyaha Guddiga Arrimaha Deegaanka & Kheyraadka Dabiiciga ah ee Golaha Wakiillada Xil. Yaasiin Jaamac Cumar, Xildhibaano iyo qaar ka mid ah Golaha Wasiiradda. DHAMMAAD – Xafiiska Warfaafinta & Wacyi-gelintaGolaha Wakiillada Dawladda Puntland

Garoowe, April 27, 2024: Guddoomiyaha Golaha Wakiillada Dawladda Puntland Mudane, Hon Abdirisak Ahmed Said ayaa maanta loogu soo dhoweeyay caasimadda Garoowe. Guddoomiyaha oo mudooyinkii dambe safar ugu maqnaa dalka dibadiisa ayaa Garoonka Diyaaradaha Gen. Maxamed Abshir waxaa ku soo dhaweeyay Guddoomiye ku-xigeenka 1-aad Golaha Wakiillada Dawladda Puntland Mudane Hon Mohamed Baarri Shire, Guddoomiye ku-xigeenka 2aad Hon Mohamed Mohamoud Isse, Xldhibaanno ka tirsan Golaha Wakiillada, Wasiiro iyo Hawlwadeena Golaha Wakiillada. Guddoomiyaha Golaha Wakiillada Dawladda Puntland Mudane, Cabdirisaaq Axmed Siciid ayaa soo dhaweynta kadib loo galbiyey qaybta VIP ee Garoonka, halkaas oo uu uga mahadceliyey dhammaan masuulyiintii soo dhaweysay. Guddoomiyaha ayaa sheegay intii uu ku sugnaa magaalada Nayroobi ee dalka Kenya inuu kulamo la qaatay qaar ka mid ah Dawladaha taageera Puntland, isaga oo kala hadlay sidii ay gacan uga geysan lahaayeen horumarka Puntland. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland.

Garoowe, April 25, 2024: Guddiyada ka socda Golaha Wakiillada ayaa maanta kormeer shaqo ku tegey Saldhigyada kuyaala Magaalada Garoowe, iyagoo u kuurgalay xaalada maxaabista, habka shaqadu u socoto iyo caqabadaha jira. Guddiyadda ayaa saldhig walba oo ay tagaan waxay marka hore warbixin ka dhageysanayeen Taliyaha Saldhiga, intaa kadib-na waxay la kulmayeen maxaabiista xiran, iyagoo ka xog wareysanaya xaaladdooda nololeed, baahiya haysta iyo tabashooyinka ay qabaan. Xildhibaannada kormeerka sameeyey ayaa kala ahaa Guddoomiyaha Guddiga Shuruucda, Caddaaladda, Xild. Maxamuud Dhaluul Xirsi, Guddoomiyaha Guddiga Xuquuqul Insaanka Xild. Mowliid Abokor Caafi iyo Guddoomiyaha Guddiga Amniga Xassan Ducaale (Dhagax-tuur). Ugu dambeyntii Guddiyada ayaa ballanqaaday in ay warbixinta la wadaagi doonaaan cid kasta oo ay khuseyso, si wax looga qabto caqabadaha jira. -DHAMMAAD-

Garoowe: April 25, 2024: Ku-simaha Guddoomiyaha Ahna Guddoomiye ku xigeenka 1-aad ee Golaha Wakiillada Dawladda Puntland Mudane, Hon Mohamed Baarri Shire, ayaa xarunta Wasaaradda Caafimaadka kaga qeyb-galay xuska Maalinta Duumada Adduunka oo sannad walba la xuso 25-ka Abriil. Wacyi-gelinta waxaa furay Wasiirka Wasaaradda Caafimaadka Dawladda Puntland Mudane Siciid Jaamac Qorsheel, waxaana kasoo qaybgalay Guddoomiyaha Guddiga Arrimaha Bulshada, dhaqanka & Warfaafinta Xil. Cabdicasiis Axmed Dhahar, xildhibaanno katirsan Golaha Wakiillada, madax ka socday Dawladda, Hay’adda Caafimaadka aduunka iyo bahda Caafimaadka Puntland. Kulankan wacyi-gelinta ah ayaa sannad walba loo qabtaa si dadka looga wacyigeliyo cudurka Duumada si looga hortaggo loona xakameyo. – DHAMMAAD – Xafiiska Warfaafinta & Wacyi-gelinta, Golaha Wakiillada Dawladda Puntland

Garoowe, April 24, 2024: Guddiyada ayaa ugu horeyn waxay warbixin balaaran oo dhinacyo kala duwan taabanaysa ka dhageysteen Taliyaha Ciidanka Asluubta iyo saraakiisha kale, iyagoo ka xog wareystay xaalada maxaabiista & caqabadaha haysta. Guddoomiyaha Guddiga Shuruucda, Caddaaladda, Xild. Maxamuud Dhaluul Xirsi, Guddoomiyaha Guddiga Xuquuqul Insaanka Xild. Mowliid Abokor Caafi, Guddoomiyaha Guddiga Amniga Golaha Wakiillada Xild. Xassan Ducaale (Dhagax-tuur) ayaa waxaa kormeerka ku wehliyey Guddoomiyaha Xafiiska Difaacaha Xuquuqda Aadana Puntland Siciid Cabdi Muumin. Intii ay ku guda-jireen booqashadooda, waxay sidoo kale Guddiyadu la kulmeen maxaabiista ku xiran xabsiga, iyagoo ka xog wareystay xaaladdooda nololeed, baahiyahooda iyo tabashooyinka ay qabaan. Ugu dambeyntii Guddiyada ayaa ballanqaaday in ay warbixinta la wadaagi doonaaan cid kasta oo ay khuseyso, kana jeedin doonaan Kalfadhiga soo socda ee Baarlamaanka. -DHAMMAAD-