Wararka

Garoowe, September 17, 2022: Guddoomiyaha Golaha Wakiillada DPL Mudane, Cabdirashiid Yuusuf Jibriil Cawl oo mudooyinkii dambe safar ugu maqnaa dalka dibadiisa ayaa maanta dib ugu soo laabtay Caasimadda Puntland es Garoowe, iyadoo Garoonka Diyaaradaha ay kusoo dhaweeyeen Guddoomiye ku-xigeenka 2-aad Mudane, Ismaaciil Maxamed Warsame, Xildhibaanno, Wasiiro, Maamulka Gobolka Nugaal, Saraakiil iyo dadweyne kale. Guddoomiyaha oo soo dhaweyn kadib loosoo galbiyey qaybta nasiinada ee Garoonka ayaa la hadlay Warbaahinta, waxaana uu ka mahadceliyey soodhweynta sare ee loo sameeyey. Guddoomiyaha oo ka hadlay xaaladda dalka ayaa yiri “Kalfadhigii 50-aad ee Goluhuna waa inoo furanyahay, waxaan rajeyn doona in dhakhso aan u howlgali doono, marka aan latashado Guddoomiye ku-xigeenada iyo Guddiyada Golaha”. Guddoomiyaha oo u hambalyeey Doorashadii Golaha Degaanka ee Degmada Eyl oo lagu doortay Guddoomiye iyo Guddoomiye ku-xigeen iyo sidoo kale, Barnaamijka Dimiqraadiyada Puntland, ayaa dhinaca kale shacabweynaha reer Puntland u sheegay in 8-da January 2024 uu marwalba uu dalku doorasho gali-doono. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe, September 14 2022: Ku-simaha Guddoomiyaha Golaha Wakiillada DPL Ahna Guddoomiye ku-xigeenka 1aad Mudane, Cabdicasiis Cabdullaahi Cismaan ayaa maanta Aqalka Wakiillada ku qaabilay Dr. Maryan Qaasim oo kasocotay Hay’adda UNFPA. Kulanka ayaa looga hadlay xoojinta wadashaqeynta Dawladda Puntland iyo UNFPA iyo sidii loo sii labo jibaari lahaa Shaqooyinka Hay’addu ay ka wado deegaanada Puntland. Kulanka waxaa sidoo kale ka qayb-galay Xoghayaha guud ee Golaha Wakiilladda iyo saraakiil ka socotay hay’adda UNFPA xafiiskeeda Puntland. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Ku-simaha Guddoomiyaha Ahna Guddoomiye ku xigeenka 1aad ee Golaha Wakiillada Dawladda Puntland Mudane Cabdicasiis Cabdullahi Cusmaan ayaa maanta Daah-furay mashruuc ka shaqaynta Horumarka Haweenka Puntland. Ku-simaha Guddoomiyaha Ahna Guddoomiye ku xigeenka 1aad ee Golaha Wakiillada DPL waxaa ku wehlinayey xubno ka tirsan Goleyaasha Dawladda, isaga oo xusay in Haweenka Soomaaliyeed ay kaalin muuqata ku leeyihiin dib-u-dhiska iyo horumarinta dalka, waxa uuna boggaadiyey mashruuc ka shaqaynta Horumarka Haweenka, iyo ka qayb galaan siyaasadda & hoggaaminta. Mashruucaan ayaa xooga saaraha arrimaha Waxbarashada, Nabadda, Caafimaadka ganacsiga iyo doorka Haweenka ee ka qeyb-galka Siyaasadda dalka. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibriil Cawl ayaa kulan la qaatay Jaalliyadda reer Puntland ee ku nool dalka Denmark. Kulanka ayaa iyaguna waxaa ka qayb ahaa Jaalliyadaha Soomaalida ee ku nool Magaalada Aarhus ee dalka Denmark. Guddoomiyaha ayaa Jaalliyadda reer Puntland uga warbixiyay xaaladda guud ee Dalka, horumarrada ay ku tallaabsatay Dawladda Puntland, iyo qorshayaasha socda, isaga oo kula dar-daarmay Jaaliyadda inay kaalin ka qaataan horumarka, iyo maalgashiga dalka. Guddoomiyaha ayaa ugu baaqay Jaalliyadda inay gacan ka gaystaan u gurmashada dadka reer Puntland ee ay abaaruhu waxyeelleeyeen muddooyinkii dambe. Dhinaca kale, Guddoomiyaha Jaalliyadda Puntland ee Magaalada ÅRHUS ee dalka Denmark Abshir Shiikhdoon ayaa Guddoomiyaha Golaha Wakiillada DPL uga war-bixiyey xaaladda Qurba-joogta reer Puntland ee ku nool dalka Denmark, kaalintooda ku aadan inay qeyb ka noqdaan horumarka, maalgashiga Puntland iyo gurmadka Abaaraha. Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibriil Cawl ayaa socdaal ku jooga maalmahaan dalka Denmark. DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland

Garoowe, Agoosto 25, 2022: Ku-simaha Guddoomiyaha Golaha Wakiillada DPL Ahna Guddoomiye Ku-xigeenka 2aad Mudane, Ismaaciil Maxamed Warsame, Madaxweynaha DPL Mudane, Siciid Cabdullahi Deni, Madaxweyne ku xigeenka DPL Mudane Axmed Cilmi Cusmaan Karaash, qaar ka mid ah Goleyaasha Dawladda ayaa ka qeyb galay soo dhaweynta Madaxweynaha Jamhuuriyadda Federalka ee Soomaaliya Mudane, Xassan Sheikh Maxamuud oo maanta soo gaaray Caasimadda Garoowe. Socdaalka Madaxweynaha JFS waxaa qeyb ka ahaa xubno ka mid ah Goleyaasha JFS. DHAMMAADXafiiska Warfaafinta & Wacyi-gelinta,Golaha Wakiillada Dawladda Puntland

Garoowe, Agoosto 03, 2022: Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibriil Cawl ayaa kulan gaar ah la qaatay Guddiga Ururinta natiijada La Xisaabtanka Hay’adaha Dawladda ee Kalfadhiga 50-aad. Guddoomiyaha ayaa warbixin uga dhageystay Guddiga, taas oo ku saabsan shaqada Guddiga kadib magacaabistii 25 Luulyo, 2022 taas oo Guddoomiyaha ku magacaabay Xeer Lr. 53 sida uu qabo Dastuurka Dawladda Puntland Qodobka 64-aad iyo Xeer-hoosaadka Golaha Wakiillada DPL Qodobka 8-aad farqadda 11-aad. Guddiga ayaa maalmaha soo socda lagu waddaa inay soo dhammeystiraan Xog-ururinta Natiijada La Xisaabtanka Hay’adaha Dawladda ee Kalfadhiga 50-aad. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Guddoomiyaha Golaha Wakiillada DPL Mudane, Cabdirashiid Yuusuf Jibriil ayaa caawa ka qeyb-galay munaasabada 1-da Agoosto oo ku beegnayd sannad-guuradii 24-aad ee ka soo wareegtay xilligii la aas-aasay Dawladda Puntland. Xafladda oo ka qabsoontay Madaxtooyada Dawladda Puntland ee Garoowe waxaa sidoo kale ka qayb galay Madaxweynaha DPL Mudane Siciid Cabdulaahi Deni, Madaxweyne ku xigeenka Axmed Cilmi Cismaan, Guddoomiye Ku xigeenka 2aad ee GW DPL, Mudane, Ismaaciil Maxamed Warsame, Xildhibaanno ka tirsan Golaha Wakiillada, Wasiiro, qeybaha kala duwan ee bulshada Puntland iyo marti sharaf kale oo goobta lagu casuumay. Xuska Sannadkaan ayaa ahaa mid ka duwan sannadkii hore, waxaana dhaqaale loogu ururiyey dadka ay abaaraha saameynta ku yeesheen ee nool Puntland, waxaana hadalo ka jeediyey Madaxweynaha iyo Guddiga Gurmadka Abaaraha. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland.