July 2025

Waxaan ka qayb galay munaasabadda dhagax-dhigga dhismaha wadada isku xirta Bacaadweyn iyo Gaalkacyo. Madaxweynaha Dowladda Puntland, Mudane Siciid Cabdullaahi Deni, ayaa si rasmi ah u dhagax dhigay mashruucan muhiimka ah, isagoo sheegay in dhismaha wadadani uu ku saleysan yahay isku-tashi iyo dakhliga cashuuraha shacabka, taas oo qayb ka ah dadaallada dib-u-dhiska dalka. Munaasabadda dhagax-dhigga ayaa waxaa ka qeybgalay qaar ka mid ah Xildhibaanada Golaha Wakiillada, Wasiirro ka tirsan Xukuumadda, Isimo, waxgarad, iyo qaybaha kala duwan ee bulshada. SAWIRRO

Garoowe, 2 July 2025 — Guddoomiyaha Golaha Wakiillada Dowladda Puntland, Hon Abdirisak Ahmed Said, oo uu weheliyo Guddoomiye ku-xigeenka 2-aad, Hon Mohamed Mahamud Esse, ayaa maanta shir-guddoomiyey Fadhiga 12-aad ee Kalfadhiga 56-aad ee Golaha Wakiillada. Ajandaha fadhiga maanta wuxuu ahaa la xisaabtanka Xukuumadda, iyadoo Golaha hortageen masuuliyiinta 𝐖𝐚𝐬𝐚𝐚𝐫𝐚𝐝𝐝𝐚 𝐇𝐚𝐰𝐥𝐚𝐡𝐚 𝐠𝐮𝐮𝐝, 𝐆𝐚𝐚𝐝𝐢𝐢𝐝𝐤𝐚 𝐢𝐲𝐨 𝐆𝐮𝐫𝐲𝐞𝐲𝐧𝐭𝐚 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 iyo 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐧𝐚𝐜𝐬𝐢𝐠𝐚, 𝐖𝐚𝐫𝐬𝐡𝐚𝐝𝐚𝐡𝐚 𝐢𝐲𝐨 𝐌𝐚𝐚𝐥𝐠𝐚𝐬𝐡𝐢𝐠𝐚 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝. Wasiirrada, Agaasimayaasha Guud, Guddoomiyaha Hay’adda Waddooyinka Puntland, Agaasime-waaxeedyada iyo masuuliyiin kale oo ka tirsan labada wasaaradood ayaa Golaha ka horjeediyey warbixinno ku saabsan shaqada wasaaradahooda, guulaha la gaaray, caqabadaha jira iyo qorshayaasha mustaqbalka. Xildhibaannada Golaha Wakiillada ayaa su’aalo kala duwan ka weydiiyey howlaha wasaaraddahaasi u xil saaran yihiin. DHAMMAAD –