Wararka

Garoowe March 04, 2024: Guddoomiyaha Golaha Wakiillada DPL Mudane, Cabdirisaaq Axmed Siciid oo uu wehliyo Guddoomiye ku-xigeenka 2-aad Mudane, Maxamed Maxamuud Ciise ayaa maanta ka qayb galay Hadhimo sharafeed uu Golaha Wakiilladu ku maamuusey Shiikh Maxamed Idiris. Kulanka waxaa ka qayb galay qaar kamid ah culimaa’udiinka Puntland, waxaana Siikh Maxamed Idiris uu Mudaneyaasha u soo jeediyey muxaadaro diini ah oo la xiriirta mas’uuliyadd iyo horumarinta Bulshada. Ugu dambeyn, Guddoomiyaha Golaha Wakiillada oo kulanka soo xiray ayaa sheegay in markasta albaabka Baarlamaanku uu u furan yahay Culimada, islamarkaana ay sii xoojin doonaan wada shaqeyn Golaha Wakiillada iyo Culimada’udiinka Puntland. -DHAMMAAD

Garoowe, March 04, 2024: Guddiga Arrimaha Deegaanka & Kheyraadka Dabiiciga ah ee Golaha Wakiillada DPL ayaa maanta yeeshay kulankoodii 1-aad. Kulanka ayaa ujeedadiisu ahayd is-barasho iyo diyaarinta qorshayaasha hortebinta leh ee Guddiga. Falanqeyn dheer ka dib, waxay guddigu isla qaateen qorshayaaha hortebinta leh ee Guddigu ku hawlgalayo muddada dhow. Guddoomiyaha Guddiga Xild. Yaasiin Jaamac Cumar oo soo xiray kulanka, ayaa xubnaha Guddigu ku booriyey in loo diyaar garoobo fulinta qorshe hawleedka Guddiga. -DHAMMAAD

Garoowe, March 04, 2024: Guddoomiye ku-xigeenka 2-aad ee Golaha Wakiillada Dawladda Puntland Mudane, Maxamed Maxamuud Ciise ayaa furay kulan Aqoon-Is-waydaarsi ah oo loo qabtay Hawl-wadeenada Golaha Wakiillada. Aqoon is-waydarsigan ayaa diirradda lagu saarayaa Taageerada Maamul Ee Ka-Qaybgalka Dadweynaha Iyo Wacyigelinta Bulshada ee Golaha Wakiillada. Waxaana fududeeyey khuburo ka socota Hay’adda Max Planck foundation. Guddoomiye Mudane, Maxamed Maxamuud Ciise oo furay Aqoon is-waydaarsiga ayaa Hawl-wadeennada Golaha Wakiillada kula dar-daarmay in laga faa’iidaysto aqoon is-waydaarsiga si ay qeyb uga noqoto dardargelinta iyo casriyeynta hawlaha Golaha Wakiillada. – DHAMMAAD

Xildhibaan Maxamuud Dhakuul Xirsi oo ka tirsan Golaha Wakiillada Puntland, Wasiirka Xanaanada Xoolaha Maxamed Cabdulaahi Libaaxe, Taliye ku-xigeenka Ciidanka Booliska Puntland iyo xubno kale ayaa deegaanka Ceelaadhir ka dhagax dhigay xarunta Xanaanada Xoolaha, taas oo markii ugu horeysay halkaas laga hirgalinayo, islmarkaana qaabilsan caafimaadka & daaweynta Xoolaha. Sidoo kale mas’uuliyiintan ayaa dhagax dhigay dayactir iyo qaybo cusub oo lagu soo korhdinayo saldhiga Booliska ee Deegaanka Ceeldaahir ee Gobolka Bari. Ugu dambeyn, weftiga ka socda Dawladda Puntland xariga ka jaray xarunta cusub ee loo dhisay xanaanada Xoolaha Degmada Waaciye ee Gobolka Karkaar. -DHAMMAAD

Carmo, February 25, 2024: Guddiga Golaha Wakiilladu u xilsaaray xal u helida shaqaaqadii deegaanka sheerbi ayaa maanta ka qayb galay xiritaaanka shirka nabadeynta beelaha walaalaha ah, kaas oo laga soo soosaaray go’aanno lagu soo afjarayo colaadii dhacday. Waxaa sidoo kale madasha kasoo qayb galay qaar kamid ah isimmada Puntland, mas’uuliyiin ka tirsan Goleyaasha Dawladda, marti sharaf iyo qaybaha kale ee bulshada. Xildhibaannada ka socday Golaha Wakiillada DPL, oo shirka ka hadlay ayaa kula dardaarmay ergada labada beelood in sida ay tahay loo fuliyo heshiiska laga gaaray colaadii ka dhacay Magaalada Sheerbi. – DHAMMAAD

Garoowe, February 24, 2024: Guddoomiyaha Golaha Wakiilladda DPL, Mudane Cabdirisaaq Axmed Siciid ayaa maanta Xafiiskiisa ku qaabilay mas’uuliyiin ka socotay Hay’adda Save the Children oo uu hoggaaminayey madaxa Xafiiska hay’adda Save Children ee Puntland Maxamed Cabdulqaadir Siciid. Kulanka ayaa looga hadlay wada shaqeynta Golaha Wakiillada Dawladda Puntland iyo Hay’adda Save the Children iyo guud ahaan xoojinta shaqooyinka hay’addu ka wado deegaannada Puntland. -DHAMMAAD

Garoowe, February 22, 2024: Guddoomiye ku-xigeenka 1-aad ee Golaha Wakiillada Dawladda Puntland Mudane, Maxamed Baarri Shire, ayaa maanta kormeer ku tegay xarunta Taliska Ciidanka Booliska Puntland ee Garoowe. Guddoomiye ku-xigeenka ayaa waxaa halkaas ku soo dhaweeyey Taliyaha Ciidanka Booliska Puntland Gen. Muumin Cabdi Shire, Taliye ku-xigeenka iyo Hoggaanada Ciidanka Booliska. Intaas kadib Guddoomiye ku-xigeenka 1-aad Golaha Wakiillada Puntland ayaa ka dhegeystay madaxda Taliska Booliska waxyaabaha u qabsoomay, caqabadaha jira iyo qorsheyaasha guud ee la xiriira suggidda amaanka Magaalooyinka Puntland. – DHAMMAAD

Garoowe, Febraayo 22, 2024: Guddiga Shuruucda, Caddaaladda, Arrimaha Diinta iyo Dastuurka Golaha Wakiillada Dawladda Puntland ayaa maanta yeeshay kulankoodii 2-aad. Kulanka ayaa ujeedadiisu ahayd in ay dulmar guud ku sameeyaan Xeerarka Puntland, laga soo bilaabo 1998 ilaa 2023, iyagoo mid mid u dul-istaagay Xeerarka la sameeyey muddadaas. Guddoomiyaha Guddiga Maxamuud Dhakuul Xirsi oo soo xiray kulanka, ayaa soo xiray kulanka. https://t.me/parliamentofpl – DHAMMAAD – Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, Febraayo 21, 2024: Guddiga Xuquuqul insaanka, Haweenka & Arrimaha Qoyska ayaa maanta yeeshay kulankoodii 1-aad. Kulanka ayaa ujeedadiisu ahayd is-barasho iyo diyaarinta qorshayaasha hortebinta leh ee Guddiga. Falanqeyn dheer ka dib, waxay guddigu isla qaateen qorshayaaha hortebinta leh ee Guddigu ku hawlgalayo muddada dhow. Guddoomiyaha Guddiga Xild. Mowliid Abokor Caafi oo soo xiray kulanka, ayaa xubnaha Guddigu ku booriyey in loo diyaar garoobo fulinta qorshe hawleedka Guddiga. DHAMMAAD.

Garoowe, Febraayo 20, 2024: Guddiga Howlaha guud, Gaadiidka, Ganacsiga & Kaabayaasha Dhaqaalaha ee Golaha Wakiillada Dawladda Puntland ayaa maanta yeeshay kulankoodii 1-aad. Kulanka ayaa ujeeddadiisu ahayd is-barasho iyo diyaarinta qorshayaasha hortebinta leh. Falanqeyn dheer kadib, waxay guddigu isla qaateen qorsheyaasha hortebinta leh ee Guddigu ku hawlgalayo wakhtiga dhow. Guddoomiyaha Guddiga Xild. Cabdiweli Yuusuf Warsame soo xiray kulanka, ayaa xubnaha Guddigu ku booriyey in loo diyaar garoobo fulinta qorshe hawleedka Guddiga. – DHAMMAAD – Xafiiska Warfaafinta & Wacyi-gelinta Golaha Wakiillada Dawladda Puntland