Wararka

Garoowe, January 13, 2024: Guddoomiyaha Golaha Wakiillada Mudane, Cabdirisaaq Axmad Sicid oo ay wehliyaan Guddoomiye ku-xigeenka 1-aad Mudane, Maxamad Baarri Shire iyo Guddoomiye ku-xigeenka 2-aad Mudane, Maxamad Maxamud Ciise ayaa shir Guddoomiyey fadhiga 7-aad ee Kalfadhiga 1-aad ee Baarlamaanka 6-aad Golaha Wakiillada Dawladda Puntland. Guddoomiye Mudane Cabdirisaaq Axmed Siciid ayaa fadhiga furay, iyadoo ajanduhu ahaa akhrinta iyo ansixinta xeer-hoosaadka Golaha wakiilladda iyo dhismaha Guddiga joogtada ah Golaha Wakaiillada si waafaqsan qodobka 63-aad ee Dastuurka Dawladda Puntland. Ugu horeyn, waxaa Goluhu si aqlabiyad ah isula qaatay in lagu sii shaqeeyo xeer-hoosaadka Golaha Wakiillada ee horey u jiray inta laga dib u-eegis rasmi ah lagu sameynayo Xeer-hoosaadk. Ansixinta ka dibna waxaa Goluhu ku sameeyey dulmar guud. Dhanka kale, Guddoomiyaha Golaha Wkaiillada ayaa la wadaagay Xubnaha Golaha dhismaha Guddiga Joogtada ah oo ka kooban 10 madax Guddi, iyadoo Gobol kasta uu ka codsaday inay soo gudbiyaan xubnaha uga mid noqonaya Guddiga joogtada ah, hadii ay isku soo raaci waayaana Goluhu uu kala dooran doono xubnahaas. Ugu, Dambeyn Goluhu wuxuu isla qaatay inay dib isagu soo laabtaan Sabtida soo socota taariikhduna tahay 20-ka bisha Janaayo si loo dhammaystiro Guddiga Joogtada ah ee Golaha Wakiillada oo laf-dhabar u ah hawl-socodsiinta Golaha Wakiillada. DHAMMAAD

Garoowe, January 10, 2024: Guddoomiyaha Golaha Wakiillada Mudane, Cabdirisaaq Ahmad Siciid oo ay wehliyaan Guddoomiye ku-xigeenka 1-aad Mudane, Maxamad Baarri Shire Guddoomiye ku-xigeenka 2-aad Mudane, Maxamad Maxamuud Ciise ayaa maanta salaan sharaf iyo is xog wareysi ugu tagay Beeldaaje Ismaaciil Beeldaaje Yaasiin iyo Beeldaaje Maxamed Beeldaaje Ismaaciil. Sidoo kale kulanka waxaa ka qayb-galay Wasiirka Wasaaradda Amniga DPL, Wasiirka Wasaaradda Deegaanka, Wasiiru-Dawlaha Wasaaradda Dekadaha Soomaaliya, qaar kamid ah Taliyeyaasha Ciidamada, Xildhibaan ka tirsan Golaha Wakiillada Puntland iyo masuuliin kale. DHAMMAAD.

Garoowe, January 10, 2024: Guddoomiyaha Golaha Wakiillada Mudane, Cabdirisaaq Axmad Siciid ayaa maanta xafiiskii ku qaabilay mas’uuliyiinta xarunta PDRC oo Guddoomiyaha ugu yimid hambalyo.

Garoowe, January 10, 2024: Guddoomiyaha Golaha Wakiillada Mudane, Hon Abdirisak Ahmed Said oo ay wehliyaan Guddoomiye ku-xigeenka 1-aad Mudane, Hon Mohamed Baarri Shire iyo Guddoomiye ku-xigeenka 2-aad Mudane, Hon Mohamed Mohamoud Isse ayaa maanta Aqalka Wakiillada ku qaabilay qaar kamid ah Culimada Puntland. Culimada ayaa Guddoonka cusub ugu yimid hambalyo ku saabsan xilalka dhawaan loo doortay. DHAMMAAD.

Garoowe, January 08, 2024: Guddoomiyaha Golaha Wakiillada Mudane, Abdirisak Ahmed Said oo ay wehliyaan Guddoomiye ku-xigeenka 1-aad Mudane, Mohamed Baarri Shire iyo Guddoomiye ku-xigeenka 2-aad Mudane, Mohamed Mohamoud Isse ayaa shir Guddoomiyey fadhiga 6-aad ee Kalfadhiga 1-aad ee Baarlamaanka 6-aad Golaha Wakiillada Dawladda Puntland. Guddoomiye Mudane Cabdirisaaq Axmed Siciid ayaa shirka furay, iyadoo ajanduhu ahaa Doorashada Madaxweynaha & Madaxweyne ku-xigeenka Dawladda Puntland. Intaa kadib, waxaa la gudo galay Doorashada oo ay ku tartamayeen 11 Musharax Madaxweyne iyo 11 Musharax Madaxweyne ku xigeen, waxaana wareeggii ugu dambeeyey ee 3-aad isugu yimaadeen Madaxweynaha dib loo doortay ee Dawladda Puntland Mudane Siciid Cabdullaahi Deni oo helay 45 cod, halka Mudane Dr. Guuleed Saalax Barre helay 21 cod. Waxaana sidoo kale Madaxweyne ku-xigeen loo doortay Mudane Ilyaas Cusmaan Lugatoor. Ugu dambeyn Guddoomiyaha Golaha Wakiillada Mudane, Cabdirisaaq Axmed Siciid ayaa shacabka Puntland, siyaasiyiinta, culimada iyo ciidamada qalabka sida ku booriyey inay isku duubnaadaan oo ka wadashaqeeyaan dowladnimada iyo horumarka Puntland. DHAMMAAD

Garoowe, January 05, 2024: Guddoomiyaha Golaha Wakiillada Mudane, Abdirisak Ahmed Said oo ay wehliyaan Guddoomiye ku-xigeenka 1-aad Mudane, Mohamed Baarri Shire iyo Guddoomiye ku-xigeenka 2-aad Mudane, Mohamed Mohamoud Isse ayaa shir Guddoomiyey fadhiga 4-aad ee Kalfadhiga 1-aad ee Baarlamaanka 6-aad Golaha Wakiillada Dawladda Puntland. Guddoomiye Cabdirisaaq oo shirka furay ayaa Golaha la wadaagay in loo diyaar garoobo Doorashada Madaxweynaha iyo Madaxweyne ku-xigeenka si waafaqsan Dastuurka iyo Xeer hoosaadka Golaha Wakiillada DPL, wuxuuna magacaabay Guddiga Doorashada Madaxtooyada, taas oo ku asteysan Isniinta 08/01/2024, haddii EEBBE idmo, iyadoo Goluhu uu cod aqlabiyad leh ku ansixiyey. DHAMMAAD

This official Links of Facebook pages of Elected Official of Puntland Parliament. 1. Elected Speaker of Puntland Parliament Hon. Abdirisak Ahmed Said https://www.facebook.com/profile.php?id=61554912946337&mibextid=zLoPMf 2. Elected 1st Speaker of Puntland Parliament Hon. Mohamed Baarri Shire https://www.facebook.com/profile.php?id=61555303829468&mibextid=zLoPMf 3. Elected 2st Speaker of Puntland Parliament Hon. Mohamed Mohamoud Isse https://www.facebook.com/profile.php?id=61555248332347&mibextid=zLoPMf Contact official email info@puntlandparliament.com

Xildhibaannada Golaha Wakiillada Dawladda Puntland ayaa maanta si rasmi ah u doortay Guddoonka Golaha Wakiillada DPL hoggaamin doona 2024 – 2029. 1. Guddoomiyaha Golaha Wakiillada Dawladda Puntland Mudane, Abdirisak Ahmed Said 2. Guddoomiye ku xigeenka 1-aad Golaha Wakiillada Dawladda Puntland Mudane, Mohamed Baarri Shire 3. Guddoomiye ku xigeenka 2-aad Golaha Wakiillada Dawladda Puntland Mudane, Mohamed Mohamoud Isse DHAMMAAD

Garoowe, January 02, 2024: Guddoomiyaha Ku meel gaarka ah ee Golaha Wakiillada Dawladda Puntland Mudane, Xasan Cabdalla Xasan ayaa maanta shir-guddoomiyey fadhiga 2-aad ee Kalfadhiga 1-aad ee Baarlamaanka 6-aad Golaha Wakiillada Dawladda Puntland. Ugu horeyn, waxaa Maxkamadda Sare ee Puntland dhaarisay xubnaha Golaha Wakiillada ee ka maqnaa kulankii dhaarinta ee shalay, kuwaas oo dhamma 8 xildhibaan, waxaana sidaa ku dhamaystirmay 66-da xildhibaan ee Goluhu ka kooban yahay. Intaas ka dib, waxaa Guddoomiyaha Ku meel gaarka ahi Golaha la wadaagay in loo diyaar garoobo Doorashada Guddoonka Golaha Wakiillada si waafaqsan Dastuurka iyo Xeerkhoosaadka Golaha Wakiillada DPL, wuxuuna magacaabay Guddiga Doorashada Guddoonka Golaha Wakiillada, iyadoo Guddiguna Golaha la wadaagay Habraaca Doorashada Guddoonka Golaha Wakiillada oo ku asteysan khamiis, 04/01/2024, haddii eebbe idmo. Ugu dambeyn, Guddoomiyaha Ku meel gaar ah ah ee Golaha Wakiillada ayaa fadhiga soo xiray isagoo dadweynaha Puntland ugu baaqay in laga wada shaqeeyo xoojinta Amniga, laguna kalsoonaado Baarlamaanka 6-aad ee Golaha Wakiillada. DHAMMAAD.