Wararka

Garoowe, June 12, 2023: Guddiga Amniga & Nabadgalyada Golaha Wakiillada ayaa maanta warbixin ka dhageystay mas’uuliyiinta Wasaaradda Amniga DPL. Guddiga oo Wasaaradda Amniga ugu yeeray aqalka Wakiillada ayaa warbixin ka dhageystay, taas oo ku aadan guud ahaan xaaladaha amni ee dalka, waxyaabaha u qabsoomay iyo caqabadaha haysta, iyagoo sidoo kalena su’aalo ka weydiiyay arrimaha ay ka hadleen. Guddiga Amniga iyo Nabadgelyada ayaa u xil-saaran la socodka xaaladaha nabadgelyo iyo amni ee dalka, ururinta dhacdooyinka nabadgelyo iyo amni xumo ee u baahan wax looga qabto. DHAMMAAD.

Garoowe: June 11, 2023: Guddiga Howlaha Guud, Gaadiidka, Ganacsiga iyo Kaabayaasha Dhaqaalaha ayaa maanta warbixin ka dhageystay Wasaaradda Tamarta iyo Maareeyaha korontada. Kulan ka qabsoomay aqalka Wakiillada ayey Guddigu ku xog wareysteen Wasiiru-Dawlaha & Wasiir ku-xigeenka Wasaaradda Tamarta, Macdanta & Biyaha, kuwaas oo ka warbixiyey wixii u qabsoomay Wasaaradda, caqabadaha jira, mashaariicda socda iyo qorsheyaasha degsan. Sidoo kale Guddiga ayaa warbixin ka dhageystay Maareeyaha Wakaaladda korontada, kaas oo Guddiga la wadaagay waxqadka Wakaalad iyo caqabadaha jira. Ugu dambeyn Guddiga ayaa mas’uuliyiinta weydiiyey su’aalo ku saabsan arrimaha ay ka hadleen. DHAMMAAD

Garoowe: June 10, 2023: Guddiga Howlaha Guud, Gaadiidka, Ganacsiga iyo Kaabayaasha Dhaqaalaha ayaa maanta u kuurgalay hanaanka shaqo ee Garoonka Diyaaradaha Garoowe. Guddiga ayaa waxaa ku soo dhaweeyey airport-ka Maxamed Abshir Wasiirka Duulista Hawada & Garoomada Puntland, Agaasimaha Guud ee Wasaaradda, Maareeyaha Garoonka iyo mas’uuliyiin kale oo ka tirsan Wasaaradda, waxaana ay kormeer ku sameeyeen dhamaan qaybaha kala duwan ee Garoonka. Guddiga ayaa warbixin ku saabsan sida ay tahay shaqada Garoonka ka dhageysta Wasiirka iyo xubnaha kale, kuwaas oo la wadaagay horumarka la gaaray, caqabadaha jira iyo qorsheyaasha degsan. Kormeerada ayaa kamid ah shaqooyinka Dastuuriga ee Golaha Wakiillada, sida uu qabo Dastuurka DPL iyo Xeer-hoosaadka Golaha Wakiillada. DHAMMAAD

Garoowe: June 10, 2023: Guddiga Shuruucda & Caddaaladda Golaha Wakiillada ayaa maanta warbixin ka dhageystay Wasiirka Caddaalada Puntland. Kulan ka qabsoomay aqalka Wakiillada ayuu Wasiirku faah-faahin ka siiyey Guddiga wixii u qabsoomay Wasaaradda, caqabadaha jira, mashaariicda socda iyo qorsheyaasha degsan. Ugu dambeyn, Guddiga ayaa Wasiirka weydiiyey su’aalo ku saabsan arrimaha uu ka hadlay Wasiirku. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, June 10, 2023: Guddiga Amniga & Nabadgalyada Golaha Wakiillada ayaa maanta warbixin ka dhageystay Taliyaha ciidanka Booliska DPL oo ay wehliyaan Taliye ku-xigeenka iyo saraakiil kale. Kulanka oo ka dhacay xarunta Golaha Wakiillada DPL ayaa ahaa is xog wareysi, iyadoo Taliska Boolisku uu Guddiga la wadagaay horumarka laga gaaray sugida amaanka, caqabadaha jira iyo guud xaalada amni ee wakhtigan ka jirta dalka. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland

Garoowe, June 07, 2023: Guddiga Hawlaha Guud, Gaadiidka, Ganacsiga & kaabayasha dhaqaalaha ayaa maanta xatunta Golaha Wakiillada kulan xog wareysi ah kula qaatay Wasiirka Howlaha guud, Gaadiidka & Guryeynta & Guddoomiyaha Hay’adda wadooyinka Puntland. Kulankan ayaa yimid, kadib markii Guddigu dhawaan booqdeen qaybo kamid ah Jidka laamiga ah ee xiriiriya Goboladda Puntland, kaas oo wax-yeelo kasoo gaartay Roobabkii dhawaan ka da’ay deegaanka Xaaji-kheyr. Guddiga ayaa mas’uuliyiinta weydiiyey su’aalo ku saabsan baaxada dhibka gaaray laamiga iyo talaabooyinka ilaa hada la qaaday. DHAMMAAD Xafiiska Warfaafinta & Wacyi-gelinta Golaha Wakiillada Dawladda Puntland.

Garoowe, June 06, 2023: Shirka oo qabsoomay xarunta Golaha Wakiillada ayey Guddiyadu ku dhageysteen warbixin ku saasabsan shaqada wakhtigan ee nidaamka caddaalada Puntland, caqabadaha jira iyo waxyaabaha u qabsoomay, iyadoo warbixintaasi ay Guddiga u faah-faahiyeen Guddoomiye ku-xigeenka Maxkamadda sare & Garsooreyaal kale oo ka tirsan Maxkmadda sare. Guddiga Arrimaha gudaha, Federaalka & Dimuqraadiyadda iyo Guddiga Xuquuqda aadanaha, Arrimaha qoyska & Horumarinta haweenka Golaha wakiillada ayaa sidoo kale mas’uuliyiinta weydiiyey su’aalo ku saabsan arrimaha ay ka hadleen. Ugu dambeyntii, Xildhibaannada oo la dardaarmay Maxkamadda sare ayaa sheegay in warbixinta kormeerkooda ay hor geyn doonaan Golaha Wakiillada, sida uu qabo dastuurka Dawladda Puntland. DHAMMAAD

Qardho, June 06, 2023: Guddiga Shuruucda, Caddaaladda, Arrimaha Diinta & Dastuurka, Guddiga Maaliyadda, Dhaqaalaha & Xisaabaadka iyo Guddiga Hawlaha Guud, Gaadiidka, Ganacsiga & Kaabayaasha Dhaqaalaha Golaha Wakiillada oo kormeer ku jooga Gobolka Karkaar, ayaa booqasho ku tagay xarumaha xarunta Gobalka ,Maxkamada Darajada 1aad ee gobolka Karkaar & Wasaaradda Maaliyadda. Mudanayaasha ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiintaasi. Ugu dambeyntii Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaan Golaha Wakiilladu, kuna dadaali doonaan sidii wax looga qaban lahaa caqabadaha jira. DHAMMAAD.

Gaalkacyo, June 05, 2023: Guddiga Arrimaha Bulshada, Dhaqanka & Warfaafinta iyo Guddiga Amniga & Nabadgelyada oo kormeer shaqo ku jooga Gobolka Mudug ayaa booqday Cusbitaalka guud ee Gaalkacyo, Jaamacada Puntland University (Pust) iyo Xafiiska isuduwaha Caafimaadka Gobolka. Halkaas oo Guddiya Golaha Wakiilladu ay kaga dhageysteen mas’uuliyiint xarumahan warbixin ku saabsan xaalada caafimaad iyo waxbarasho ee heer Gobol, caqabadaha jira. Ugu dambeyntii, Guddiyada ayaa sheegay in warbixinta kormeerkooda ay hor geyn doonaan fadhiga guud ee Golaha Wakiillada, iyadoo socdaalkani uu qayb ka yahay kormeerada Guddiyada ee la socoshada shaqooyinka ka socda dalka. DHAMMAAD.

Garoowe, June 04, 2023: Guddiga arrimaha gudaha, federaalka & dimuqraadiyadda iyo Guddiga xuquuqda aadanaha, arrimaha qoyska & horumarinta haweenka oo maanta booqday xafiiska difaacaha xuquuqda Puntland ayaa warbixin ka dhageystay Guddoomiyaha Xafiiska. Warbixinta xafiisku uu la wadaagay Guddiyada oo ku saabsanayd heerka wakhtigan ay gaarsiisan tahay xaalada xuquuqda aadanaha Puntland, ayaa sheegay inay diiwaan geliyeen dhammaan dhacdooyinkii 6-dii bilood ee lasoo dhaafay, kuwaas oo ka dhan ahaa xuquuqda aadanaha. Mudaneyaasha oo su’aalo ka weydiiyey arrimaha uu ka hadlay Guddoomiyaha xafiisku, ayaa balanqaaday in warbixinadaasi oo dhameystiran laga soo jeedin doono kalfadhiga guud ee Golaha Wakiillada. DHAMMAAD