Wararka

Garoowe: October 14, 2023: Guddiga Shuruucda, Caddaaladda, Arrimaha Diinta & Dastuurka Golaha Wakiillada DPL ayaa maanta booqasho shaqo ku tagay Hay’adda Foreensik-Sayniska Puntland. Guddiga ayaa warbixin ka dhageystay maamulka xarunta, taas oo ku saabsan waxqabadkoodii muddadii la soo dhaafay, caqabadaha jira iyo qorsheyaasha u degsan, iyadoo Hay’addu ay ka shaqeyso baarista cilmiyeed ee dembiyada. Ugu dambeyntii, Guddiga ayaa hay’adda uga mahadceliyey shaqada baaxadda leh ee ay u hayaan shacabka reer Puntland iyo ummadda Soomaaliyeed. DHAMMAAD

Garoowe: October 12, 2023: Guddiga Amniga & Nabadgalyada Golaha Wakiillada DPL ayaa maanta shir kula yeeshay habka fogaan araga Louise Khabure oo ah khabiir sare oo qaabilsan qiimeynta barnamijka wadashaqeynta Booliska (JPP). Guddiga iyo khabiirka ayaa iska xog wareystay arrimo ay kamid yihiin sidii loo sii xoojin lahaa mashruuca (JPP) iyo In lagu saleeyo baahiyaha ay qabaan Ciidanka Booliska Puntland. Sidoo kale Guddiga ayaa khabiirka la wadaagay talooyin ku saabsan horumarinta mashruuca iyo doorka ay ku yeelanayaan Baarlamaanku. DHAMMAAD

Garoowe: October 11, 2023: Guddiga Shuruucda, Caddaaladda Arrimaha Diinta & Dastuurka Golaha Wakiillada DPL ayaa maanta kormeer shaqo ku tagay Taliska Guud ee Ciidanka Asluubta DPL. Guddiga ayaa warbixin ka dhageystay ku-simaha Taliyaha Guud ee Ciidanka Asluubta DPL iyo Saraakiisha kale ee Taliskaasi, waxayna warbixintani la xidhiidhaa waxqabadka Taliskan, xaaladda Xabsiyada Puntland, Maxaabiista ku xiran iyo Caqabadaha jira. Guddiga ayaa ballanqaaday inay baahiyaha Asluubta ay horgeyn doonaan Golaha Wakiillada marka uu furmo Kalfadhigu, sidoo kalana u gudbin doonaan cid kasta oo wax qaban karta. DHAMMAAD.

Garoowe: October 10,2023: Guddiga Shuruucda, Caddaaladda, Arrimaha Diinta & Dastuurka Golaha Wakiillada DPL ayaa maanta kormeer ku tagay Wasaaradda Caddaaladda, Arrimaha Diinta, Dhaqancelinta & Dastuurka DPL. Guddiga ayaa la kulmay Wasiirka Wasaaradda, Wasiiru-dawlaha & Agaasimaha Guud, Waxayna Mudaneyaashu mas’uuliyiintan ka dhagaysteen warbixin ballaaran oo ku saabsan waxqabadka Wasaaradda, Qorsheyaasha iyo Caqabadaha jira. Sidoo kale, Guddiga ayaa mas’uuliyiinta Wasaaradda Cadaaladda weydiiyey su’aalo ku saabsan arrimaha ay ka hadleen. DHAMMAAD.

Boosaaso, October 09,2023: Guddiga Arimaha Gudaha, Guddiga xaquuqul Insaanka iyo Guddiga Amniga Golaha Wakiillada DPL oo Maalmahanba kormeer Shaqo ku jooga Gobolka Bari, ayaa Maanta booqasho ku tagay Dowladda Hoose Degmada Bosaaso iyo Xaruunta Garsoorka Gobolka Bari. Mudaneyaasha ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiinta. Ugu dambeyntii Guddiga ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaan Golaha Wakiilladu, kuna dadaali doonaan sidii wax looga qaban lahaa baahiyaha kala duwan. Xafiiska Warfaafinta & Wacyi-gelinta Golaha Wakiillada Dawladda Puntland DHAMMAAD

Garoowe, October 09, 2023: Guddiga arrimaha bulshada, dhaqanka, warfaafinta & isgaarsiinta ayaa maanta kormeer shaqo ku tagay Wasaaradda Caafimaadka DPL, halkaas oo ay warbixin kaga dhageysteen Wasiirka Caafimaadka & Agaasimaha Guud ee Wasaaradda. Guddiga ayaa warbixin la xiriirta shaqooyinka Wasaaradda ka socda, qorsheyaasha degsan, waxyaabaha u qaab-soomay iyo weliba caqabadaha jira ka dhageystay mas’uuliyiinta Wasaaradda Caafimaadka, waxaana sidoo kale ay su’aalo ka weydiiyeen arrimaha ay ka hadleen. Kormeerka shaqo ee Guddiga ayaa qeyb ka ah shaqooyinka Guddiyadda Golaha Wakiillada DPL, waxaana warbixintooda ay ku soo bandhigaan fadhiga guud ee Golaha. DHAMMAAD

Goldogob, October 08, 2023: Guddiga Hawlaha Guud & Guddiga Deegaanka ee Golaha Wakiillada DPL waxay maanta safar shaqo ku tageen Degmada Galdogob, iyagoo kormeeray xarunta Dawladda hoose ee Degmada. Guddiyada ayaa waxaa halkaasi ku qaabilay Duqa Degmada Goldogob, ku-xigeenkiisa iyo Xildhibaanada Golaha Deegaanka, iyagoo ka warbixiyey xaaladda guud ee Goldogob sida arrimaha amniga, arrimaha bulshada iyo caqabadaha haysta. Maamulka Goldogob ayaa sidoo kale Guddiyada la wadaagay warbixinta dagaal beeleedkii dhawaan ka dhacay aagaasi. Kormeerada ayaa ka mid ah shaqooyinka Dastuuriga ah ee Guddiyada Golaha Wakiillada, iyadoo warbixintooda lagu soo bandhigo fadhiga guud ee Golaha Wakiillada. DHAMMAAD

Boosaaso, October 08,2023: Guddiga Arimaha Gudaha, Guddiga xaquuqul Insaanka iyo Guddiga Amniga Golaha Wakiillada DPL oo maalmahan kormeer Shaqo ku jooga Gobolka Bari ayaa booqasho ku tagay Xabsiga, Dekadda iyo Garoonka Diyaaradaha Boosaaso. Mudaneyaasha ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiinta. Ugu dambeyntii Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaan Golaha Wakiilladu, kuna dadaali doonaan sidii wax looga qaban lahaa baahiyaha kala duwan. DHAMMAAD

Garoowe, October 08 2023: Guddiga Arrimaha Bulshada, dhaqanka, warfaafinta & isgaarsiinta ee Golaha wakiillada DPL ayaa maanta oo taariikhdu tahay 8/10/2023 waxay kormeer shaqo ku tageen Cusbitaalka guud ee magaalada Garoowe, iyagoo u kuur galay adeegyada caafimaad ee uu bulshada u hayo iyo baahiyaha ka jira. Waxaana warbixin ku saabsan xaaladda Cisbitaalka iyo shaqooyinka ka socda Guddigu ay ka dhageysteen Agaasimaha Cusbitaalka Dr. Hodan Cali shire, iyagoo sidoo kalena su’aalo ka weydiiyey arrimahaas. Ugu,dambeyn Guddiga ayaa soo kormeeray dhismaha Cusbitaalka ka socda oo meel gabo-gabo ah maraya, iyagoo warbixin ka dhageystay Eng-neerada gacanta ku haya. DHAMMAAD

Guddiyada kala ah; Arimaha gudaha & Xuquuqul Insaanka iyo Amniga Golaha Wakiillada DPL oo kormeer ku jooga Gobolka Bari, ayaa booqasho ku tagay xarunta Maamulka Gobalka Bari, iyagoo Guddiyadu xaruunta gobalka kula kulmay Gudoomiyaha Gobalka Bari , Duqa Degmada Bosaaso iyo Gudigga Amniga Gobalka Bari. Mudanayaashan ayaa warbixin dhinacyo badan taabanaysa ka dhagaystay mas’uuliyiinta kala duwan ee halkaasi ku sugnaa, iyagoo sidoo kale Guddiyada la wadaagay waxqabadkoodi, Caqabadaha jira iyo Qorshayaasha hortebinta leh. Waxa ay sidoo kale Guddiyadu su’aalo kala duwan weydiiyeen mas’uuliyiinta. Sidoo kale guddiyadu waxay kormeereen Saldhiga bartamaha iyo garoonka kubada cagta Boosaaso. Ugu dambeyntii, Guddiyada ayaa ballanqaaday in warbixinta ay la wadaagi doonaan cid kasta oo ay khuseyso oo ay ugu horreeyaa