Wararka

Baargaal, 8 Oktoobar 2025 – Guddiga Golaha Wakiillada Dowladda Puntland ee safarka shaqo ku jooga gobollada Bari iyo Raasasaayr ayaa maanta kormeer iyo u kuurgal ku sameeyey xarumaha dowladda iyo kuwa arrimaha bulshada ee degmada Baargaal. Guddigan oo ay weheliyaan qaar ka mid ah Golaha Wasiirrada, Maamulka Gobolka iyo Maamulka Degmada Baargaal ayaa booqday xarumo ay ka mid yihiin Cisbitaalka guud ee degmada, Dugsiga Sare, Xarunta Agoonta, Saldhigga Booliska iyo Xarunta Dawladda Hoose Intii uu socday kormeerka, mas’uuliyiinta xarumahaasi waxay guddiga la wadaageen warbixino ku saabsan baahiyaha ka jira, caqabadaha ay la tacaalayaan iyo horumarka laga gaaray adeegyada bulshada. Dhanka kale, Guddiga ayaa sidoo kale ka qayb galay munaasabad lagu dhagax dhigay Jaamacadda Raasasaayr oo laga hirgelinayo degmada Baargaal, taas oo qeyb ka ah dadaallada lagu xoojinayo waxbarashada sare ee gobolka. DHAMMAAD

Ufayn, 7- Oct- 2025 — Guddiga Golaha Wakiillada Dowladda Puntland ee kormeerka shaqo ku jooga Gobollada Bari iyo Raas’sayr ayaa caawa kulan muhiim ah la yeeshay bulshada rayidka ah ee Degmada Ufayn. Kulankan oo ka dhacay magaalada Ufayn waxaa ka qaybgalay Guddoomiyaha Degmada, xubno ka tirsan Golaha Deegaanka, iyo qaybaha kala duwan ee bulshada. Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan xildhibaannada, kuwaasoo si hufan uga jawaabay su’aalihii iyo tabashooyinkii lasoo jeediyay. Kulankan wuxuu qeyb ka yahay dedaallada Golaha Wakiillada Puntland ee lagu xoojinayo is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaasoo wax ka tari kara hawlaha sharci-dejinta iyo waajibaadka kale ee Golaha. DHAMMAAD –

Goldogob 07 Octoobar 2025: Guddiga ka socda Golaha Wakiillada Dowladda Puntland ee kormeerka ku maraya Gobolada Nugaal iyo Mudug ayaa galabta kulan la qaatay Maamulka iyo Shacabka degmada goldogob ee Gobolka Mudug. Xildhibaannada ayaa ugu horeyn warbixin ka dhageystay Maamulka Degmada, taas oo la xiriirta horumarka iyo caqabdaha jira, iyagoo sheegay in degmadu ku talaabsatay mudadii labada kalfadhi u dhaxaysay shaqooyin badan una qabsoomeen wax la taaban karo , sidoo kale waxay xuseen in lagama maarmaan tahay in hawlaha hormarintu sii socdaan lagana wada shaqeeyo shacab iyo dowladba. Sidoo kale, waxaa la isla gartay in xildhibaanada iyo maamulku si wadajir ah u kormeeraan xarumaha shacabka loogu adeego iyo guud ahaan magaalada goldogob wixii kasoo baxana ay la wadaagi doonaan hay’addaha ay khusayso si wax looga qabto. Kulankan wuxuu qeyb ka yahay dadaallada Golaha Wakiillada Puntland ee lagu xoojinayo xiriirka tooska ah ee kala dhexeeya bulshada Puntland. DHAMMAAD –

Kulanka Horumarinta Xirfadaha Digitalka oo Muqdisho Lagu Qabtay Ka Qaybgalka Madaxa Waaxda Production-ka Xafiiska Warfaafinta iyo Wacyigelinta Baarlamaanka Puntland Muqdisho – 17 Oktoobar 2025 Magaalada Muqdisho ayaa maanta martigelisay kulanka Horumarinta Xirfadaha Digitalka, oo ah mid muhiim ah oo lagu xoojinayay aqoonta iyo xirfadaha dhanka teknolojiyadda casriga ah ee dhalinyarada Soomaaliyeed. Kulanka waxaa ka soo qayb galay mas’uuliyiin heer dowladeed, khubaro ku xeel dheer arrimaha digitalka, iyo dhalinyaro xiisaynaysa kobcinta xirfadooda dhanka tignoolajiyada. Waxaa si gaar ah uga qayb galay Madaxa Waaxda Production-ka ee Xafiiska Warfaafinta iyo Wacyigelinta Baarlamaanka Puntland, Mudane Hanad Ali Jama, oo ka mid ah hormuudka u istaagay horumarinta xirfadaha digitalka ee Puntland. Intii uu socday kulanka, waxaa diiradda lagu saaray muhiimadda ay leedahay in la horumariyo xirfadaha digitalka si dhalinyarada Soomaaliyeed, gaar ahaan kuwa Puntland, ay uga faa’iidaystaan fursadaha shaqo ee ay bixiso tignoolajiyadda casriga ah. Mudane Hanad Ali Jama, oo kulanka khudbad ka jeediyay, ayaa tilmaamay in xirfadaha digitalka ay yihiin laf-dhabarta horumarka mustaqbalka, isla markaana ay door muhiim ah ka ciyaari karaan kobcinta dhaqaalaha Puntland. Wuxuu dhalinyarada ku boorriyay inay si buuxda uga faa’iidaystaan tababarada iyo barnaamijyada aqoonta ee la xiriira tiknoolajiyadda si ay ula jaanqaadaan isbeddelka degdegga ah ee dunida maanta. Sidoo kale, kulanka waxaa lagu falanqeeyay caqabadaha hortaagan dhalinyarada doonaysa inay horumariyaan xirfadahooda digitalka ah, iyadoo khubarada ka qayb gashay ay soo bandhigeen fikrado iyo qorshayaal lagu kobcinayo shaqo-abuurka digitalka, si dhalinyaradu ay u helaan fursado shaqo oo caalami ah. Ugu dambeyn, kulanka ayaa kusoo dhammaaday is-afgarad guud oo lagu adkeynayo iskaashiga u dhexeeya hay’adaha dowliga ah, kuwa gaarka loo leeyahay, iyo ururrada bulshada, si kor loogu qaado barnaamijyada tababarka digitalka iyo fursadaha ay dhalinyaradu ka heli karaan xirfadaha casriga ah ee dalka. Dhammaad.

#Buraan, 6 Oktoobar 2025 — Guddiga Golaha Wakiillada Dowladda Puntland ee kormeerka shaqo ku jooga Gobolka Haylaan ayaa caawa kulan muhiim ah la yeeshay bulshada rayidka ah ee Dagmadda Buraan. Kulankan oo ka dhacay Degmada Buraan waxaa ka qaybgalay Maamulka Degmada, xubno ka tirsan Golaha Deegaanka, iyo qaybaha kala duwan ee bulshada. Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan Xildhibaannada, kuwaas oo si hufan uga jawaabay su’aalihii iyo tabashooyinkii lasoo jeediyay. Dhinaca kale, waxaa laga soo jeediyey waxqabadka Golaha Wakillada ee ku aaddan Xeer-dejinta, Korjoogteynta Hay’adaha dawlaha iyo Matelaadda Kulankan wuxuu qeyb ka yahay dadaallada Golaha Wakiillada Puntland ee lagu xoojinayo isla-xisaabtanka, is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaas oo wax ka tari kara hawlaha sharci-dejinta iyo waajibaadka kale ee Golaha.

Rako raaxo 5 Oct 2025 — Guddiga Golaha Wakiillada Dowladda Puntland ee kormeerka shaqo ku jooga Gobolka karkaar degmada Rako Raaxo ayaa maanta kulan muhiim ah la yeeshay waxgaradka deegaanka Rako ee degmada. Waxaa xildhibaanada degmada ku soo dhaweeyey mas’uuliyiinta gobolka, degmada iyo bulshada qaybeheeda kala duwan. Intaa kadib, guddiga wuxuu kormeeray xarumaha dawladda sida maxkamada degmada, saldhiga Booliska, Cisbitaalka guud ee degmada, iskuulka hoose/dhexe iyo Sare ee degmada, iyo xarunta xannaanada xoolaha waxayna dhammaan ka dhegaysteen mas’uuliyiihta warbixin ku saabsan caqabadaha iyo baahiyaha ka jira xarumahaas ay booqashada ku tageen. Sido kale waxa ay booqdeen bolaha ku fidaya dhuldaaqsideedka Deegaanka Raxo. Ugu dambayntii, xildhibaanada ayaa ballanqaaday in ay baahiyada ay ka ururiyaan degmada ay horgeynayaan Golaha is loogu gudbiyo hay’adaha ku shaqada leh. Xildhibaanada ayaa kala hadlay mas’uuliyiinta degmada ka shaqeynta horumarinta adeegga iyo abaabulka bulshada is loogu horseedo iskutashi iyo in si wadajir ah wax loo wada qabsado. DHAMMAAD –

Kobdhexaad 5 Oct 2025 — Guddiga Golaha Wakiillada Dowladda Puntland ee kormeerka shaqo ku jooga Gobolka Bari ayaa maanta kulan muhiim ah la yeeshay waxgaradka deegaanka kobdhexaad ee degmada Ufayn. Kulankan waxaa ka qaybgalay Guddoomiyaha Deegaan Kobdhexaad, odayaasha dhaqanka, iyo bulshada qeybaheeda kala duwan. Kulanka ayaa diiradda lagu saaray isxogwaraysi ku saabsan baahiyaha deegaanka iyo caqabadaha ku gedaaman iyo sidii xal waara loogu heli lahaa. Bulshada deegaanka Kobdhexaad ayaa si diirran u soo dhoweeyay wafdiga, waxayna ka codsadeen in ay door firfircoon ka qaataan u qareemidooda bulshada ay wakiilka u yihiin si wax looga qabto baahiyaha kala duwan ee jira. Bulshada deegaan ayaa dhankooda xusay in ay diyaar u yihiin ka qeygalka horumarinta deegaanka. Intaas xilibaanada ayaa kormeer ku tagay iskuulka iyo Cisbtaalka deegaanka, iyagoo warbixin ka dhegeysty waxqabadka bahda caafimaadka iyo waxbarashada ,taasoo la xiriirtey horumarka la sameeyey iyo baahiyaha jira sidii wax looga qaban lahaa. DHAMMAAD –

Bursaalax 05 Octoobar 2025: Guddiga Golaha Wakiillada Dowladda Puntland ee kormeerka Shaqo ku maraya Gobollada Nugaal iyo Mudug ayaa galabta kulan la qaatay Maamulka iyo Shacabka Bursaalax ee Gobolka Mudug. Xildhibaannada ayaa ugu horeyn warbixin ka dhageystay Maamulka Degmada, taasoo la xiriirta horumarka iyo caqabdaha jira, iyagoo sheegay in caqabada ugu weyn ee wakhtigan ka jirta magaalada ay tahay aanooyinka qabiilka, islamarkaana looga baahan yahay in Dowladda, isimada iyo aqoonyahanka reer Puntland ay u istaagaan sidii xal rasmi ah looga gaari lahaa arrintan. Sidoo kale, qaar kamid ah dadkii kasoo qayb galay madasha oo isagu jiray odoyaal, haween iyo dhalinyaro ayaa iyaguna isku raacay in caqabadan taagan siwadajir ah wax looga qabto. Ugu damneyn, Xildhibaannada Golaha Wakiillada Dowladda Puntland ayaa sheegay in Shacabka Bursaalax ay u istaagaan xal u helidda Amniga iyo ilaalinta xasiloonida deegaanka, waxayna intaas raaciyeen in ay dowladda wadaagi doonaan hay’adaha ay khuseyso si wax looga qabto, islamarkaana ay soo saari doonaan baaq u gaar ah xaaladda Bursaalax ee joojinta aanooyinka. Kulankan wuxuu qeyb ka yahay dedaallada Golaha Wakiillada Puntland ee lagu xoojinayo xiriirka tooska ah ee kala dhexeeya bulshada Puntland. DHAMMAAD –

Garoowe, 4 Oktoobar 2025 — 𝐆𝐮𝐝𝐝𝐢𝐠𝐚 𝐀𝐫𝐫𝐢𝐦𝐚𝐡𝐚 𝐁𝐮𝐥𝐬𝐡𝐚𝐝𝐚, 𝐃𝐡𝐚𝐪𝐚𝐧𝐤𝐚, 𝐖𝐚𝐫𝐟𝐚𝐚𝐟𝐢𝐧𝐭𝐚 𝐢𝐲𝐨 𝐈𝐬𝐠𝐚𝐚𝐫𝐬𝐢𝐢𝐧𝐭𝐚 𝐞𝐞 𝐆𝐨𝐥𝐚𝐡𝐚 𝐖𝐚𝐤𝐢𝐢𝐥𝐥𝐚𝐝𝐚 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 ayaa maanta kulan muhiim ah la yeeshay 𝗪𝗮𝘀𝗮𝗮𝗿𝗮𝗱𝗱𝗮 𝗪𝗮𝘅𝗯𝗮𝗿𝗮𝘀𝗵𝗮𝗱𝗮 𝗶𝘆𝗼 𝗧𝗮𝗰𝗹𝗶𝗶𝗻𝘁𝗮 𝗦𝗮𝗿𝗲 𝗲𝗲 𝗗𝗼𝘄𝗹𝗮𝗱𝗱𝗮 𝗣𝘂𝗻𝘁𝗹𝗮𝗻𝗱. Kulanka oo uu shir guddoominayey Guddoomiye ku-xigeenka Guddiga, Xildhibaan Axmed Bile Siciid, ayaa si qoto dheer loogu falanqeeyey 𝗯𝗮𝗮𝗵𝗶𝘆𝗮𝗵𝗮 𝗶𝘆𝗼 𝗰𝗮𝗾𝗮𝗯𝗮𝗱𝗮𝗵𝗮 𝗵𝗮𝘆𝘀𝘁𝗮 𝗯𝗮𝗵𝗱𝗮 𝘁𝗮𝗰𝗹𝗶𝗶𝗻𝘁𝗮 𝘀𝗮𝗿𝗲 𝗲𝗲 𝗣𝘂𝗻𝘁𝗹𝗮𝗻𝗱. Intii uu kulanku socday, Guddigu waxa uu si toos ah warbixin uga dhagaystay 𝗪𝗮𝘀𝗶𝗶𝗿𝗸𝗮 𝗪𝗮𝘀𝗮𝗮𝗿𝗮𝗱𝗱𝗮 𝗪𝗮𝘅𝗯𝗮𝗿𝗮𝘀𝗵𝗮𝗱𝗮 𝗶𝘆𝗼 𝗧𝗮𝗰𝗹𝗶𝗶𝗻𝘁𝗮 𝗦𝗮𝗿𝗲, iyadoo la is-dhaafsaday aragtiyo ku aaddan sidii loo horumarin lahaa tayada waxbarasho iyo adeegyada tacliimeed ee heer jaamacadeed. Ugu dambayntii, Guddiga Arrimaha Bulshada iyo mas’uuliyiinta Wasaarada waxbarashada iyo Tacliinta Sare ayaa islaqaatay in dhaw looga wada shaqeeyo Arrimaha waxbarashada Puntland. DHAMMAAD –

Garoowe, 4 Oktoobar 2025 — Guddoomiyaha Golaha Wakiillada Dowladda Puntland Hon Abdirisak Ahmed Said, ayaa maanta shir guddoomiyey kulan muhiim ah oo lagaga hadlayay xal u helidda arrimaha deegaanka iyo maraynta dhulka. Kulankan ayaa waxaa soo qabanqaabiyey Guddiga Arrimaha Deegaanka iyo Khayraadka Dabiiciga ah ee Golaha Wakiillada. Kulanka waxaa ka soo qayb galay qaar ka mid ah guddiyada golaha sida, Arrimaha Gudaha Federaalka iyo Dimuqraadiyada, Amniga iyo Nabadgeliyada Golaha Wakiillada iyo Masuuliyiinta Wasaaradaha Xannaanada Xoolaha ,Beeraha iyo Waraabka, Deegaanka, Daaqa iyo Isbedelka Cimilada, Tamarta, Macdanta iyo Biyaha, Arrimaha Gudaha Federaalka iyo Dimuqraadiyadda, Amniga iyo DDR-ta. Guddoomiyaha Golaha oo si rasmi ah u furay kulanka ayaa sheegay in loo bahaan yahay xal deg-deg ah oo loo helo ilaalinta degaanka iyo mareynta dhulka, isagoo sheegay in goluhu horay u samayey xerar badan, balse loo baahan yahay in si rasmi ah loo fuliyo, iyadoo ay ka wada shaqaynayaan bah-wadaagta khayraadka Puntland. Guddiga Arrimaha Deegaanka iyo Khayraadka Dabiiciga ah, oo uu hoggaaminayo Xildhibaaan Yaasiin Jaamac Cumar Guddoomiyaha Guddiga, ayaa soo bandhigay warbixin ku saabsan xeerarka kala duwan ee Golaha horay u ansixiyey kuwaasoo khuseeya ilaalinta iyo horumarinta deegaanka. Xildhibaan Mursal Maxamed Cabdi, oo isna ka hadlay kulanka, ayaa muujiyey in xal u helidda arrimaha deegaanka dhulka ay tahay arrin degdeg ah oo mudan in si wadajir ah loo wajahdo. Dhinaca kale, Wasiirada iyo hay’adaha kala duwan ee kulanka ka qayb galay ayaa adkeeyey baahida loo qabo iskaashi dhow oo dhexmara hay’adaha dowladda, si xal waara loogu helo caqabadaha deegaanka iyo maraynta dhulka Puntland iyagoo soo jeediyey aragti iyo talooyin khibrado farsamo. Kulanka waxaa ka soo baxay arrimahan hoos ku qoran:- 1. In la sameeyo wacyigelin bulsho oo ballaran kuna saabsan ilaalinta deeganka iyo dhulka Puntland. 2. In wasaraadaha sare ku xusan la yimaadaan siyaasad midaysan oo lagu ilaalinaayo degaanka laguna maraynayo dhulka. 3. Fulinta iyo dhaqan-gelinta xeerarka Sahminta Saameynta Deegaanka iyo bulshada Puntland iyo xeerarka kale ee muhiimka ah. 4. Mideynta iyo dhaqan-gelinta xeerarka golaayshu meel mariyeen. 5. In la sameeyo kala saaridda dhulka iyo siyaasadda maamulka dhulka. 6. In la helo doorka degmooyinka ee ilaalinta degaanka Puntland. 7. In la sameeyo Ciidanka Boolis oo u gaar ah ilaalinta deegaanka. Ugu dambayntii guddoomiyaha Golaha ayaa mas’uuliyiinta kula dar-daramay fulinta qodobada ka soo baxay shirka, islamarkaana ballan qaaday in goluhu qaadanayo doorka kor-joogteynta hay’adaha dawladda ee ku aaddan ilaalinta deegaanka iyo maraynta dhulka. DHAMMAAD –