Wararka

Garowe, 25 Oktoobar 2025- Gudoomiyaha Golaha Wakiilada Dowlada Puntland Hon Abdirisak Ahmed Said, oo ay weheliyaan Gudoomiye ku xigeenka 1-aad Hon Mohamed Baarri Shire, iyo Gudoomiye ku xigeenka 2-aad ee Golaha Hon Mohamed Mahamud Esse, ayaa goob joog ahaa Furitaanka Kal-fadhiga 57-aad Ee Golaha. Munaasabadda waxaa sidoo kale ka soo qeyb galay Madaxweynaha Dowladda Puntland H.E Said Abdullahi Deni, Madaxweyne ku-xigeenka H.E Ilyas Osman Lugatoor, Xildhibaannada Golaha Wakiillada, Guddoomiyaha Maxkamadda Sare, xubno ka tirsan Golaha Wasiirrada, Guddoomiyaha Maxkamadda Sare, Xeer ilaaliyaha Guud, Xubno katirsan Garsoorka, Xafiiska Difaacaha Xuquuqda Aadanaha, Duqa Garoowe, Isimo, Culimo, hay’ado caalami ah, ururrada bulshada rayidka ah, saraakiil iyo marti sharaf kale. Guddoomiyaha Golaha Wakiillada Mudane Cabdirisaaq Axmed Siciid ayaa khudbad ka jeediyay furitaanka kal-fadhiga, isagoo si qoto dheer uga hadlay Waxqabadkii Golaha ee mudada labada kala fadhi,doorka Baarlamaanka 6-aad ee dhinacyada metelaadda shacabka, xeer-dejinta, kormeerka hay’adaha dowladda iyo samaynta korjoogtaynta iyo gaarista Dadweynaha iyo qorshasha kalfadhiga 57-aad ee Golaha Wakiillada. Ugu dambeyn, Madaxweynaha Dowladda Puntland Mudane Siciid Cabdullaahi Deni ayaa ka horjeediyey Golaha waxqabadka Xukuumadda muddadii u dhaxayasey labada kalfadhi, islamarkaana si rasmi u furay Kal-fadhiga 57-aad, sida ku xusan qodobka 80-aad, farqaddiisa 12-aad ee Dastuurka Dowladda Puntland. DHAMMAAD –

Garoowe, 23 Oktoobar 2025 — Agaasimaha Warbaahinta iyo Wacyigelinta Dadweynaha ee Golaha Wakiillada Puntland, Mudane Ibraahim Maxamuud Yuusuf, ayaa maanta ka qayb galay kulan muhiim ah oo uu Xoghayaha Guud Ee Golaha Wakiilada Dowlada Puntland, Abdirizak Hidig Warsame, la qaatay howl-wadeennada Golaha, kaasoo diiradda lagu saaray diyaar-garowga furitaanka 𝐊𝐚𝐥-𝐅𝐚𝐝𝐡𝐢𝐠𝐚 𝟓𝟕-𝐚𝐚𝐝 ee Golaha. Agaasimaha Warbaahinta iyo Wacyigelinta Dadweynaha ee Golaha Wakiillada Puntland, Mudane Ibraahim Maxamuud Yuusuf, waxay Xoghayaha la wadagey warbixin ku saabsan sida waaxyahoodu ugu diyaar garoobeen kala fadhiga, iyadoo la isla meel dhigay talaabooyinka lagama maarmaanka ah ee kor u qaadaya hufnaanta shaqada Golaha. Ugu dambayn, Xoghayaha Golaha ayaa kula dardaarmay dhammaan shaqaalaha in ay si daacadnimo leh oo hufan u gutaan waajibaadka ka saaran hirgelinta howlaha Golaha, gaar ahaan intuu socdo kala fadhigu. DHAMMAAD –

Garoowe , 21 Oktoobar 2025 — 𝐆𝐮𝐝𝐝𝐢𝐠𝐚 𝐒𝐢𝐲𝐚𝐚𝐬𝐚𝐝𝐝𝐚, 𝐐𝐨𝐫𝐬𝐡𝐞𝐲𝐧𝐭𝐚, 𝐡𝐨𝐫𝐮𝐦𝐚𝐫𝐢𝐧𝐭𝐚 𝐃𝐡𝐚𝐪𝐚𝐚𝐥𝐚𝐡𝐚 𝐢𝐲𝐨 𝐗𝐢𝐫𝐢𝐢𝐫𝐤𝐚 𝐂𝐚𝐚𝐥𝐚𝐦𝐢𝐠𝐚 ee Golaha Wakiillada Dowladda Puntland ayaa maanta kulan muhiim ah la yeeshay 𝐖𝐚𝐬𝐚𝐚𝐫𝐚𝐝𝐝𝐚 𝐐𝐨𝐫𝐬𝐡𝐞𝐲𝐧𝐭𝐚, 𝐇𝐨𝐫𝐮𝐦𝐚𝐫𝐢𝐧𝐭𝐚 𝐃𝐡𝐚𝐪𝐚𝐥𝐚𝐚𝐡𝐚 𝐢𝐲𝐨 𝐈𝐬𝐤𝐚𝐚𝐬𝐡𝐢𝐠𝐚 𝐂𝐚𝐚𝐥𝐚𝐦𝐢𝐠𝐚 𝐚𝐡. Kulanka oo uu shir guddoominayey Guddoomiyaha Guddiga, 𝐗𝐢𝐥𝐝𝐡𝐢𝐛𝐚𝐚𝐧 𝐌𝐚𝐱𝐚𝐦𝐮𝐮𝐝 𝐒𝐡𝐢𝐫𝐞 𝐂𝐢𝐬𝐦𝐚𝐚𝐧, ayaa si qoto dheer diiradda loogu saaray waajibaadka Guddiga ee kor-joogtaynta hay’adaha dowladda, waxaana guddigu uu warbixin dhammaystiran ka dhegeystay mas’uuliyiinta Wasaaradda Qorsheynta, Mashaariicda ka socda Puntland, tiradooda, Noocyada ay u qayb samaan. Sidoo kale Wasaaraddu waxay ka war bixisay Qorshaha Horumarinta 5 ta sanno ee ay gacanta ku hayso, halkuu marayo iyo caqabadaha ku gadaaman, sanduuqa horumarinta Puntland iyo dhisidda Xafiiska Qurba joogta Puntland oo ay hadda gacanta ku hayaaan. Ugu dambayn, Guddiga wuxuu Wasaaradda Su’aalo ka weydiiyey shaqooyinkeeda kuna dhiirigeliyey inay sii horumariyaan, iyadoo guddigu na uu ka balan qaaday wixii caqabado ee haystana inuu kala shaqayn doono sidii looga gudbi lahaa. DHAMMAAD –

Garowe, 20 Oktoobar 2025- 𝐆𝐮𝐝𝐝𝐢𝐠𝐚 𝐀𝐫𝐫𝐢𝐦𝐚𝐡𝐚 𝐆𝐮𝐝𝐚𝐡𝐚, 𝐅𝐞𝐝𝐞𝐫𝐚𝐚𝐥𝐤𝐚 𝐢𝐲𝐨 𝐃𝐢𝐦𝐮𝐪𝐫𝐚𝐚𝐝𝐢𝐲𝐚𝐝𝐝𝐚 𝐞𝐞 𝐆𝐨𝐥𝐚𝐡𝐚 𝐖𝐚𝐤𝐢𝐢𝐥𝐥𝐚𝐝𝐚 𝐃𝐚𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 ayaa maanta kulan muhiim ah ku yeeshay Xarunta Golaha, kulankaas oo diiradda lagu saaray xaaladda guud ee arrimaha gudaha dalka. Kulanka, oo uu shir-guddoominayey Guddoomiyaha Guddiga Xildhibaan CabdirisaaqJaamac Aadan, ayaa lagu falanqeeyey warbixino laga soo ururiyey gobollada iyo degmooyinka dalka, kuwaas oo la xiriira xaaladda amni, maamul, iyo horumarka adeegyada dadweynaha. Warbixinahaasi waxay xambaarsanaayeen xogo dhabta ah oo laga keenay shacabka iyo mas’uuliyiinta heer gobol iyo heer degmo, taas oo qeyb ka ah dadaallada Guddigu ugu jiro la socodka iyo korjoogtaynta xaaladaha dhabta ah ee ka jira gudaha . Sidoo kale, kulanka waxaa si gaar ah loogu lafa-guray diyaarinta qorshaha shaqo ee Guddiga ee Kalfadhiga 57-aad ee soo socda, iyadoo la isla meel dhigay arrimaha mudnaanta leh ee u baahan in si gaar ah loo eego mudada kalfadhigaasi. Guddigu waxa uu adkeeyey muhiimadda ay leedahay wada-shaqeynta hay’adaha dowladda iyo ka go’naanshiyaha Golaha Wakiillada in si hufan loo fuliyo waajibaadka dastuuriga ah ee saaran Guddiga Arrimaha Gudaha. Gabagabadii kulanka ayaa Guddigu ku balamay in la sii wado shaqada iyadoo kulamo lala yeelanayo Hay,adaha Kala duwan ee uu guddigu kor joogtaynta ku leeyahay. DHAMMAAD –

Garoowe, 18 Oktoobar 2025— Guddoomiyaha Golaha Wakiillada Dowladda Puntland, Hon Abdirisak Ahmed Said, ayaa maanta shir guddoomiyey kulan muhiim ah oo lagaga hadlayey xaaladda Guud ee dhaqaalaha Puntland iyo dabagalka Miisaaniyadda 2025. Kulanka waxaa qeyb ka ahaa Guddiga Maaliyadda, Dhaqaalaha iyo Xisaabaadka Golaha Wakiillada iyo mas’uuliyiinta Wasaaradda Maaliyadda Puntland. Ujeeddada kulanka ayaa ahayd in goluhu xog ka helo arrimaha dhaqaalaha dalka, daba galo nidaamka guud ee maaliyadda, kharash bixinta qoondada miisaaniyadda hay’adaha dawladda, islamarkaana lagu kor-joogteynaya dhaqan-gelinta Miisaaniyadda 2025 ee Goluhu ansixiyey. Waxaa si gaar ah loo kor istaagay xaquuqda shaqalaha, ciidamada iyo guud ahan cabashooyinka jira. Wasiirka Wasaaradda Maaliyadda Md. Maxamed Faarax Maxamuud ayaa ka warbixiyey guulaha ay gaartey Wasaaraddu ee ku aaddan dhakhli ururinta, kharash bixinta, caqabadaha jira iyo sidii si wadajar ah xal loogu helihaa caqabadaha jira. Ugu dambayntii, dood iyo falanqayn dheer kadib Golaha ayaa kula dar-daarmay wasaaradda maaliyadda adkeynta Ilaalinta xuquuqaadka shaqaalaha, ciidamada iyo hay’adaha dawladda, iyadoo la soo jeedeyey xalal ku saabsan bixinta xuuqaha iyo culaysyada kale iswaafajintooda. Dhinaca kale, waxaa Wasaaradda maliyadda la faray, dar-dargelinta dakhli Ururinta, beekhaaminta kharashka iyo bixinta, iyadoo loo balamay kulamo kale. DHAMMAAD –

Baargaal, 8 Oktoobar 2025 – Guddiga Golaha Wakiillada Dowladda Puntland ee safarka shaqo ku jooga gobollada Bari iyo Raasasaayr ayaa maanta kormeer iyo u kuurgal ku sameeyey xarumaha dowladda iyo kuwa arrimaha bulshada ee degmada Baargaal. Guddigan oo ay weheliyaan qaar ka mid ah Golaha Wasiirrada, Maamulka Gobolka iyo Maamulka Degmada Baargaal ayaa booqday xarumo ay ka mid yihiin Cisbitaalka guud ee degmada, Dugsiga Sare, Xarunta Agoonta, Saldhigga Booliska iyo Xarunta Dawladda Hoose Intii uu socday kormeerka, mas’uuliyiinta xarumahaasi waxay guddiga la wadaageen warbixino ku saabsan baahiyaha ka jira, caqabadaha ay la tacaalayaan iyo horumarka laga gaaray adeegyada bulshada. Dhanka kale, Guddiga ayaa sidoo kale ka qayb galay munaasabad lagu dhagax dhigay Jaamacadda Raasasaayr oo laga hirgelinayo degmada Baargaal, taas oo qeyb ka ah dadaallada lagu xoojinayo waxbarashada sare ee gobolka. DHAMMAAD

Ufayn, 7- Oct- 2025 — Guddiga Golaha Wakiillada Dowladda Puntland ee kormeerka shaqo ku jooga Gobollada Bari iyo Raas’sayr ayaa caawa kulan muhiim ah la yeeshay bulshada rayidka ah ee Degmada Ufayn. Kulankan oo ka dhacay magaalada Ufayn waxaa ka qaybgalay Guddoomiyaha Degmada, xubno ka tirsan Golaha Deegaanka, iyo qaybaha kala duwan ee bulshada. Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan xildhibaannada, kuwaasoo si hufan uga jawaabay su’aalihii iyo tabashooyinkii lasoo jeediyay. Kulankan wuxuu qeyb ka yahay dedaallada Golaha Wakiillada Puntland ee lagu xoojinayo is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaasoo wax ka tari kara hawlaha sharci-dejinta iyo waajibaadka kale ee Golaha. DHAMMAAD –

Goldogob 07 Octoobar 2025: Guddiga ka socda Golaha Wakiillada Dowladda Puntland ee kormeerka ku maraya Gobolada Nugaal iyo Mudug ayaa galabta kulan la qaatay Maamulka iyo Shacabka degmada goldogob ee Gobolka Mudug. Xildhibaannada ayaa ugu horeyn warbixin ka dhageystay Maamulka Degmada, taas oo la xiriirta horumarka iyo caqabdaha jira, iyagoo sheegay in degmadu ku talaabsatay mudadii labada kalfadhi u dhaxaysay shaqooyin badan una qabsoomeen wax la taaban karo , sidoo kale waxay xuseen in lagama maarmaan tahay in hawlaha hormarintu sii socdaan lagana wada shaqeeyo shacab iyo dowladba. Sidoo kale, waxaa la isla gartay in xildhibaanada iyo maamulku si wadajir ah u kormeeraan xarumaha shacabka loogu adeego iyo guud ahaan magaalada goldogob wixii kasoo baxana ay la wadaagi doonaan hay’addaha ay khusayso si wax looga qabto. Kulankan wuxuu qeyb ka yahay dadaallada Golaha Wakiillada Puntland ee lagu xoojinayo xiriirka tooska ah ee kala dhexeeya bulshada Puntland. DHAMMAAD –

Kulanka Horumarinta Xirfadaha Digitalka oo Muqdisho Lagu Qabtay Ka Qaybgalka Madaxa Waaxda Production-ka Xafiiska Warfaafinta iyo Wacyigelinta Baarlamaanka Puntland Muqdisho – 17 Oktoobar 2025 Magaalada Muqdisho ayaa maanta martigelisay kulanka Horumarinta Xirfadaha Digitalka, oo ah mid muhiim ah oo lagu xoojinayay aqoonta iyo xirfadaha dhanka teknolojiyadda casriga ah ee dhalinyarada Soomaaliyeed. Kulanka waxaa ka soo qayb galay mas’uuliyiin heer dowladeed, khubaro ku xeel dheer arrimaha digitalka, iyo dhalinyaro xiisaynaysa kobcinta xirfadooda dhanka tignoolajiyada. Waxaa si gaar ah uga qayb galay Madaxa Waaxda Production-ka ee Xafiiska Warfaafinta iyo Wacyigelinta Baarlamaanka Puntland, Mudane Hanad Ali Jama, oo ka mid ah hormuudka u istaagay horumarinta xirfadaha digitalka ee Puntland. Intii uu socday kulanka, waxaa diiradda lagu saaray muhiimadda ay leedahay in la horumariyo xirfadaha digitalka si dhalinyarada Soomaaliyeed, gaar ahaan kuwa Puntland, ay uga faa’iidaystaan fursadaha shaqo ee ay bixiso tignoolajiyadda casriga ah. Mudane Hanad Ali Jama, oo kulanka khudbad ka jeediyay, ayaa tilmaamay in xirfadaha digitalka ay yihiin laf-dhabarta horumarka mustaqbalka, isla markaana ay door muhiim ah ka ciyaari karaan kobcinta dhaqaalaha Puntland. Wuxuu dhalinyarada ku boorriyay inay si buuxda uga faa’iidaystaan tababarada iyo barnaamijyada aqoonta ee la xiriira tiknoolajiyadda si ay ula jaanqaadaan isbeddelka degdegga ah ee dunida maanta. Sidoo kale, kulanka waxaa lagu falanqeeyay caqabadaha hortaagan dhalinyarada doonaysa inay horumariyaan xirfadahooda digitalka ah, iyadoo khubarada ka qayb gashay ay soo bandhigeen fikrado iyo qorshayaal lagu kobcinayo shaqo-abuurka digitalka, si dhalinyaradu ay u helaan fursado shaqo oo caalami ah. Ugu dambeyn, kulanka ayaa kusoo dhammaaday is-afgarad guud oo lagu adkeynayo iskaashiga u dhexeeya hay’adaha dowliga ah, kuwa gaarka loo leeyahay, iyo ururrada bulshada, si kor loogu qaado barnaamijyada tababarka digitalka iyo fursadaha ay dhalinyaradu ka heli karaan xirfadaha casriga ah ee dalka. Dhammaad.

#Buraan, 6 Oktoobar 2025 — Guddiga Golaha Wakiillada Dowladda Puntland ee kormeerka shaqo ku jooga Gobolka Haylaan ayaa caawa kulan muhiim ah la yeeshay bulshada rayidka ah ee Dagmadda Buraan. Kulankan oo ka dhacay Degmada Buraan waxaa ka qaybgalay Maamulka Degmada, xubno ka tirsan Golaha Deegaanka, iyo qaybaha kala duwan ee bulshada. Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan Xildhibaannada, kuwaas oo si hufan uga jawaabay su’aalihii iyo tabashooyinkii lasoo jeediyay. Dhinaca kale, waxaa laga soo jeediyey waxqabadka Golaha Wakillada ee ku aaddan Xeer-dejinta, Korjoogteynta Hay’adaha dawlaha iyo Matelaadda Kulankan wuxuu qeyb ka yahay dadaallada Golaha Wakiillada Puntland ee lagu xoojinayo isla-xisaabtanka, is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaas oo wax ka tari kara hawlaha sharci-dejinta iyo waajibaadka kale ee Golaha.