Wararka

𝐆𝐚𝐫𝐨𝐨𝐰𝐞, 17 June 𝟐𝟎𝟐6 – Guddoomiyaha Golaha Wakiillada Dowladda Puntland, Hon Abdirisak Ahmed Said oo ay weheliyaan Guddoomiye Ku-xigeenka 1-aad Hon Mohamed Baarri Shire , iyo Guddoomiye Ku-xigeenka 2-aad Hon Mohamed Mahamud Esse ayaa maanta shir-guddoomiyay 𝐅𝐚𝐝𝐡𝐢𝐠𝐚 𝟐-𝐚𝐚𝐝 𝐞𝐞 𝐊𝐚𝐥𝐟𝐚𝐝𝐡𝐢𝐠𝐚 𝟓8-𝐚𝐚𝐝 ee Golaha Wakiillada. Ajandaha fadhigan ayaa si gaar ah diiradda loogu saaray 𝐤𝐚 𝐝𝐨𝐨𝐝𝐢𝐬𝐭𝐚 𝐢𝐲𝐨 𝐰𝐚𝐱-𝐤𝐚-𝐛𝐞𝐝𝐝𝐞𝐥𝐤𝐚 𝐀𝐣𝐚𝐧𝐝𝐚𝐡𝐚 𝐊𝐚𝐥𝐟𝐚𝐝𝐡𝐢𝐠𝐚 𝟓8-𝐚𝐚𝐝, iyadoo loo marayo habraaca uu qeexayo Qodobka 42-aad ee Xeer-hoosaadka Golaha. Intaas kaddib, Xildhibaannada Golaha Wakiillada ayaa si rasmi ah u guda galay doodda iyo ansixinta Ajandayaasha, waxaana ugu dambeyn ay cod aqlabiyad leh ku ansixiyeen Ajandaha rasmiga ah ee Kalfadhiga 58-aad. Ajandaha la ansixiyay ayaa si rasmi ah loogu qaybin doonaa Xildhibaannada Golaha maalinta berri oo ku beegan 18ka Juun 𝟐𝟎𝟐6, si loo guda galo ajandayaasha ku xusan. DHAMMAAD –

Xildhibaan Khadar Faarax Maxamed, oo ka tirsan Golaha Wakiillada Dowladda Puntland, ayaa ka qayb galay furitaanka Kalfadhiga 58-aad ee Golaha Wakiillada Dowladda Puntland. Kalfadhigan ayaa si rasmi ah u furmay, iyadoo lagu guda geli doono gudashada waajibaadka dastuuriga ah ee Golaha, oo ay ka mid yihiin dejinta sharciyada, kormeerka hay’adaha dowladda iyo matalaadda shacabka Puntland.

Garowe, 15 June 2026- Gudoomiyaha Golaha Wakiilada Dowlada Puntland Hon Abdirisak Ahmed Said, oo ay weheliyaan Gudoomiye ku xigeenka 1-aad Hon Mohamed Baarri Shire, iyo Gudoomiye ku xigeenka 2-aad ee Golaha Hon Mohamed Mahamud Esse, ayaa goob joog ahaa Furitaanka Kal-fadhiga 58-aad Ee Golaha. Munaasabadda waxaa sidoo kale ka soo qeyb galay Madaxweynaha Dowladda Puntland H.E Said Abdullahi Deni, Madaxweyne ku-xigeenka H.E Ilyas Osman Lugatoor, Xildhibaannada Golaha Wakiillada, Guddoomiyaha Maxkamadda Sare, xubno ka tirsan Golaha Wasiirrada, Guddoomiyaha Maxkamadda Sare, Xeer ilaaliyaha Guud, Xubno katirsan Garsoorka, Duqa Garoowe, Isimo, Culimo, Qusulka Ethopia, hay’ado caalami ah, ururrada bulshada rayidka ah, saraakiil iyo marti sharaf kale. Guddoomiyaha Golaha Wakiillada Mudane Cabdirisaaq Axmed Siciid ayaa khudbad ka jeediyay furitaanka kal-fadhiga, isagoo si qoto dheer uga hadlay Waxqabadkii Golaha ee mudada labada kala fadhi,doorka Baarlamaanka 6-aad ee dhinacyada metelaadda shacabka, xeer-dejinta, kormeerka hay’adaha dowladda iyo samaynta korjoogtaynta iyo gaarista Dadweynaha iyo qorshasha kalfadhiga 58-aad ee Golaha Wakiillada. Ugu dambeyn, Madaxweynaha Dowladda Puntland Mudane Siciid Cabdullaahi Deni ayaa ka horjeediyey Golaha waxqabadka Xukuumadda muddadii u dhaxayasey labada kalfadhi, islamarkaana si rasmi u furay Kal-fadhiga 58-aad, sida ku xusan qodobka 80-aad, farqaddiisa 12-aad ee Dastuurka Dowladda Puntland. DHAMMAAD –

XILDHIBAANNADA GOLAHA WAKIILLADA DPL Ee KORMEERKA KU TAGEY DEGMADA EYL AYAA KULAN LA YEESHAY BULSHADA RAYIDKA AH. ‎‎EYL – 24May, 2025:— Xildhibaanno Katirsan Guddiyada Golaha Wakiillada Dowladda Puntland ee kormeerka ku tagay Gobolka Nugaal ayaa kulan muhiim ah la yeeshay bulshada rayidka ah ee Degmada EYL. ‎Kulankan waxaa Xildhibaannada kala qaybgalay Kuismaha Gudmoomiyaha ahana Gudoomiye ku xigeenka Degmada Eyl, Iyo Xoghayaha Degmada iyo qaybaha kala duwan ee bulshada. ‎Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan xildhibaannada, kuwaas oo si hufan uga jawaabay su’aalihii iyo cabashooyinki shirka laga soojeediyey. ‎Kulankan wuxuu qeyb ka yahay dadaallada Golaha Wakiillada Puntland ee lagu xoojinayo isla-xisaabtanka, is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaas oo wax ka tari kara hawlaha sharci-dejinta iyo waajibaadka kale ee Golaha. ‎ DHAMMAAD

Garoowe, 24 May 2026 — Guddi gaar ah oo ka tirsan Guddiga Joogtada ah ee Golaha Wakiillada Puntland, una xilsaaran kor-joogtaynta mashaariicda, ayaa maanta kulan muhiim ah la yeeshay Guddoomiyaha Xafiiska Hanti-dhawrka Guud ee Puntland. Guddoomiyaha guddiga gaarka ah, Maxamuud Shire Cismaan, ayaa Guddoomiyaha Xafiiska Hanti-dhawrka Guud ee Puntland la wadaagay ujeeddada kulanka iyo muhiimadda wada shaqaynta hay’adaha dawladda, isaga oo carrabka ku adkeeyey dedaallada lagu xoojinayo maamul wanaagga, isla xisaabtanka iyo hufnaanta hay’adaha dawladda Puntland. Ujeeddada kulanka oo ahayd waa in la hubiyo in mashaariicda iyo hantida dawladda loo maamulo si nidaamsan oo wax ku ool ah, isla markaana la xoojiyo dawladnimada iyo hirgelinta horumar waara oo la taabogal ah. Intaas kadib, Guddoomiyaha Xafiiska Hanti-dhawrka Guud ee Puntland ayaa xildhibaannada siiyey warbixin dhammaystiran oo ku saabsan waxqabadka xafiiska muddadii uu xilka hayey, guulaha la gaaray, qorshayaasha mustaqbalka, caqabadaha jira, iyo talooyin guud oo la xiriira dhaqangelinta talo-bixinnada xafiiska hanti-dhawrka. Sidoo kale, xildhibaannadu waxay su’aalo ka weydiiyeen Guddoomiyaha Hanti-dhawrka arrimo waajibaadka xafiiska ee ku aaddan habraacyada qandaraas-bixinta, warbixinta fulinta mashaariicda si waafaqsan nidaamka loo dejiyey, shaqaalaysiinta shaqaalaha, dhaqan-gelinta xeerarka, dabagalka fulinta talooyinka xafiiska, iyo xoojinta wada shaqeynta hay’adaha dawladda. DHAMMAAD

Eyl, 23 May 2026- Guddiga Xildhibaannada Golaha Wakiillada Dowladda Puntland ee kormeerka shaqo ku jooga Gobolka Nugaal ayaa maanta kormeer ku sameeyey xarunta Degmada Eyl iyo isbitaalka degmada. Sidoo kale, guddigu waxay warbixin ka dhegaysteen maamulka Degmada Eyl si ay ugu kuurgalaan xaaladda guud ee degmada, isla markaana u ogaadaan baahiyaha iyo caqabadaha ka jira deegaanka. Kormeerkan ayaa qayb ka ah dadaallada Golaha Wakiillada Dowladda Puntland ay ugu kuurgelayaan adeegyada bulshada iyo xaaladaha ka jira degmooyinka Gobolka Nugaal. DHAMMAAD

Godobjiiraan, 23 May 2026- Guddiga Xildhibaannada Golaha Wakiillada Dowladda Puntland ee kormeerka shaqo ku jooga Gobolka Nugaal ayaa maanta kormeer ku sameeyey xarumaha degmada Godobjiiraan, isbitaalka, saldhiga Booliiska iyo beeraha Degmadaas. Sidoo kale, guddigu waxay warbixinno ka dhagaysteen maamulka Degmada, maamulka isbitaalka, taliska Booliiska iyo qaybaha kala duwan ee bulshada, kuwaas oo uga xog warramay xaaladda guud ee adeegyada bulshada, amniga, caafimaadka iyo baahiyaha ka jira Degmadaas. DHAMMAAD

XILDHIBAANNADA GOLAHA WAKIILLADA DPL Ee KORMEERKA KU TAGEY DEGMADA BANDARBAYLA AYAA KULAN LA YEESHAY BULSHADA RAYIDKA AH. Bandarbayla – 22 May, 2025:— Xildhibaanno Katirsan Guddiyada Golaha Wakiillada Dowladda Puntland ee kormeerka ku tagay Gobolka Karkaar ayaa kulan muhiim ah la yeeshay bulshada rayidka ah ee Degmada Bayla. Kulankan waxaa Xildhibaannada kala qaybgalay Duqa Degmada Bayla, Taliyaha Qaybta gobolka Karkaar, iyo qaybaha kala duwan ee bulshada. Intii uu socday kulanka, bulshada rayidka ah waxay fursad u heleen in ay su’aalo toos ah weydiiyaan xildhibaannada, kuwaas oo si hufan uga jawaabay su’aalihii iyo cabashooyinki shirka laga soojeediyey. Kulankan wuxuu qeyb ka yahay dadaallada Golaha Wakiillada Puntland ee lagu xoojinayo isla-xisaabtanka, is-dhexgalka shacabka iyo wakiilladooda, iyo weliba in la helo aragtiyo iyo talooyin toos ah oo ka imaanaya shacabka – kuwaas oo wax ka tari kara hawlaha sharci-dejinta iyo waajibaadka kale ee Golaha. DHAMMAAD –

Qoton– 22 May, 2026:— Guddiga Golaha Wakiillada Dowladda Puntland ee kormeerka shaqo ku jooga Gobolka Karkaar ayaa maanta kormeer shaqo ku tegay Deegaanka Qoton oo ka tirsan Degmada Bayla Gobolka Karkaar. Xildhibaannada ayaa si gaar ah uga xog wareystay Odoyaasha iyo Maamulka Deegaanka adeegyada Biyaha, Caafimaadka, Waxbarashada iyo Amniga. Dhanka kale, Xildhibaannada ayaa sheegay in warbixinta kormeerkooda ay horgeyn doonaan fadhiga guud ee Golaha Wakiillada, iyadoo socdaalkani uu qayb ka yahay kormeerada Guddiyada ee la socoshada shaqooyinka ka socda degmooyinka iyo baahiyaha jira. DHAMMAAD